جنــــوبــــيـــــة &&&& شعــور واحســاس وصــراحه (قصيدتين انشاءالله تحوز على رضاكم

[c]الى هبت نسايم ريحك العطري جنوبية..........تشقق خاطري فرحه واغني فيك موالي

تقوم اشواقي ترقص لك تقول انتي مثاليه..........وقلبي فاتح بابه يقول اهلين بالغالي

واغني لك من اشعاري من اولها لتاليه..........وقام الشوق لعيونك شرب حاليك يالحالي

واقوم اكتب بك ابيات جماليه جماليه..........على كل الجمال انتي رفيع قدرك وعالي

خياليه نعم انتي تراك انتي خياليه..........واعيش بدنيتي لاجلك حلالي روفي بحالي

تبين الروح ياروحي تحطينه ميداليه..........خلاص الروح خوذيها لك الاول مع التالي
[/c]


[gl]وهذي قصيده ثانيه [/gl]

[c]مادام إني أنا والشعر وإحساس القصيد حْضور.......تطمّن يا قصيدي والهقاوي في حراويها
أبروي قصة الظلماء وعن سر إختفاء النور.......وأبفرد صفحةٍ كنت أتحاشى ذكر ماضيها
أنا واضح وأحب الصدق أقوله لك بدون غْرور.......وإذا جت للصراحة قلت لك قدّه وراعيها
رفضت إني أعيد أحداث ذاك الموقف المذكور.......وقلت أصبر لعل إن أيامها ترشد لياليها
أنا قدّام عنتر ما بغيت ألبس قناع الثور.......أبرحل والمعزّة لأهلها ملزوم أبقّيها
عزيزي لو سمحت افهم كلامي والعن المدحور.......ترى بعض النفوس أحيان تسرف في تعاليها
ترى مادام قصر وساسه مْن الأصل كذب وزور.......يجي يوم ويطيح وزين لا من سلم أهاليها
إذا كان الغرض شد إنتباه الضيف والجمهور.......تصير اللي بغى يكحل عيونه راح يعميها
ولو قالوا لك أبخص راعي العلة من الدكتور.......أجل وش قولهم لا صار منها العلة وفيها
صحيح اني شرهت مْن إنعدام الراي هو والشور.......كبيرة شرهتي لا جاء الخطاء من صوب واليها
من أجل عيونها ومْن أجل ذاك ألخاطر المكسور.......ولأجل بروقها ورعودها والسيل تاليها
ودخيل الكذبتين اللي لهن وقت الغياب حضور.......لخاطر من يواليها ومن أجل عيون مغليها
ولأجل اللي رحل يوم انتهك في حقه المحظور.......وكانت شمعةٍ كم شعللة عتمة لياليها
لو إنه صارت اللي كثر ماجاها يلف.. تْدوووور.......سكتت، وقلت ذولا ناس له ربٍ يجازيها
ولكن من سلايل حرٍ أشقر ينتمي لصقور.......مقرّه بالجبال النايفة ما أحدٍ يواليها
وجتني بعد ماحسّت بأماني تكشف المستور.......تبث أسرارها وتبوح بالحاصل حواليها
بحجتها أحرجتني لين مات العذر وسط الزور.......وطاحت عبرةٍ فيني وعنّي كنت أداريها
وقلت الناس فرق.. ولو تشابه فيهم الديكور.......ولكن الضماير ما تشابه في مباديها
حقيقة موقفي صعب ولعب فيه إنكساري دور.......وصرت العاجز اللي ماهو بقادر يجاريها
وعلى حد الأمانة صاح ميثاق الوفاء مذعور.......حلفت إنك حلفت إنك.. حلفت إنك تخليها
وصلت الياس وأيقنت الهقاوي كل أبوها بور.......وعرفت إن المرارة ما قدرت أبلع تواليها
وقلت أنا أشهد إن اللي يسوي فعلتك معذور.......خصوصاً عند ناسٍ عزّته تسبق مباديها
وراحت يوم حسّت بإنتهاكات الزمن والجور.......أجل، مادام حسّت بالأفاعي حول رجليها
وبعدها رحت ألملم ما بقا من وجهي المنثور.......وشامت عزتي والنفس طابت من مماشيها
ومع هذا لها ممنون أقوله لك بكل سرور.......لأجل ناسٍ عزاز ومن غلاهم لازم أغليها
أنا لو غبت بس اسمي بقى بيناتهم مذكور.......أخير مْن الحظور اللي يقرّب لي مساويها[/c]





مع خالص شكري وتقدير وامتناني لكم :)

رائعة فضيييييييييعه ووينك من زمان

تحياتي وتقديري:ـ عاشق النور

مشكور اخوي على الاهدا وبعدين انا عارف انك كنت هنا ودائما ما يمتدح فيك لكن هذه اول مره اشوف لك مشاركه

وبعدين تراني من الدويمة خخخخخخخ تهديها لاهل الدويمه هههه استر ههههههههههههه

تحياتي ومن الاعماق :ـ عاشق النور