اخواني واخواتي الاعزاء اعضاء وقراء هذا المنتدى الرائع ...
اولا احب ان اعبر عن فرحتي الكبيره لاني من اسره هذا المنتدى الرائع بكل من فيه , واحب ان انقل لكم هذه القصه الواقعيه التي قراتها من فتره طويله في منتدى لا اذكر اسمه ..
تدور الاحداث هذه القصه في احدى الاسر في الرياض , وابدا بسردها على لسان الزوج محمد ..
يقول كنت احلم كباقي الشباب وقت دراستي الجامعيه ان اتخرج واتوظف وبعدها ابحث عن بنت الحلال واتزوج واكون اسره مستقره كباقي الناس , بعد تخرجي والتحاقي باحدى الوظائف العاديه وراتبي لم يكن يتجاوز ثمنيه الاف قررت ان اكمل نص ديني واتزوج وبالفعل طلبت من الوالده ان تبحث لي عن زوجه مناسبه وقد طال بهم البحث فلانه جميله والاخرى طيبه ومع كثره البحث اخترت بنفسي احدى قريباتي من بعيد وطلبت من اهلي ان يقوموا بخطبتها , وبالفعل تمت الخطوبه وكانت من عائله بسيطه ولم تشترط اي شيء فوق طاقتي , وقمت بتاثييث الشقه وتزوجنا على بركه الله ...
مع ساره زوجتي بدات اشعر ان بالسعاده الحقيقه واكتشفت ان لم اشعر بالسعاده من قبل فساره كانت فعلا زوجه رائعه في كل شيء , ساره كانت طيبه القلب, مؤدبه جدا . كنت اكتشف كل يوم فيها اشياء اروع واروع ,, اصبحت احس ان بيتي هو جنتي كنت لا اريد ان اذهب عن البيت اريد ان اقابل ساره طوال الوقت , كانت تاسرني بكلماتها الجميله ومواضيعها الشيقه , وعندما تمزح احس ان كل الدنيا تضحك من اجلها ... نعم ساره اصبحت حياتي , حتى اني كنت اشعر باللهفه الكبيره وانا في العمل فقط من اجل ان اعود واراها وكنت اتصل عليها باستمرار فقط لاسمع صوتها , وكان اثقل شيء علي هو اليوم الذي تزور فيه اهلها فانا لا استطيع فراقها ولكني لاجل عيون ساره كنت اتحمل ولكن هي لا تتحمل الغياب عني فتتصل علي كي اخذها مبكرا !!
كانت حياتنا طوال السنتين الاولتين في حياتنا عباره عن سعاده غامره لا ينكدها شيء حتى اتى ذلك اليوم !!
في احد الايام وخلال زيارتنا لاهلي اخذتني الوالده على جنب وبدات تسالني ...
محمد ولدي ما طرى لك تجيب عيال ؟
وقتها صعقتني في السؤال لاني لم افكر ابدا بهذا الشي لان ساره كانت تملا علي حياتي .لكني قلت لامي : يسهل الله والعيال بيد الله .
هنا امي امتعضت غضبا وقالت : تقصد انكم طول هالسنتين بدون مانع يعني اكيييد زوجتك عقيم والا كان حملت . هنا انا صعقت وقلت لامي : يمه ارجوك هذي حياتي وما ابي احد يتدخل !!
ولكن حدث مالم يكن في الحسبان , ساره حبيبتي سمعت هالكلام بالصدفه وتضايقت كثير من الموضوع ولذلك اصرت اننا نراجع الطبيب وبالفعل راجعنا الطبيب والتحاليل اضهرت اني سليم وان ساره عندها مشكله ...وعشان كذا تطلب الموضوع تحاليل اكثر ولكن التيجه صعقتنا كثير وهي ان ساره مصابه بسن ياس مبكر وهذا يعين استحاله الحمل .
رجعنا للبيت وكانت ساره مو طبيعيه وكانها تشعر بالذنب , قلت لها ساره حبيبتي وش فيك ؟
بكت ساره وهي تعتذر اسفه حبيبي كنت اعتقد اني باوفر لك كل اللي تتمناه واخليك اسعد انسان في الدنيا لكن هذي حكمه الله وهذا قضاه ..انا لحظتها ضميت ساره لصدري وقلت لها ساره يمكن ربي حرمني نعم العيال غير الناس لكن ربي وهبني زوجه لايمكن يكون عند الناس احد مثلها .وعشان كذا ارجوك عشاني خلينا نعيش زي الاول وانسي كل شيء .
ظلت الوالده كل فتره وفتره تسالني عن الحمل , حتى وصل يوم حده نقاشنا اني قلت لها:
يمه ارجوك خلاص لا تفتحين الموضوع هذا لان ساره لايمكن تحمل !!
في هاللحظه امي اتسمت وقالت هذا اللي كنت متوقعته من زمان لكن على العموم انا ما راح انتظرك تضيع عمرك بدون عيال وراح اخطب لك بنت اختي !!
رجعت انا للبيت متضايق كثير وطبعا ساره ما كان يخفى عليها ابد حالي فقعدت تقول محمد: وش فيك
وانا اقول : مافيني شيء
وهي تقول :وش فيك وش فيك وش فيك
حتى اني انفعلت عليها وصرخت مافيني شيء .
كانت اول مره اصرخ فيها بوجه ساره !! حتى انها تفاجات ودمعتها نزلت على طول . انا تفاجات !! ساره تبكي والسبب انا !! لحظتها ما ملكت نفسي والا وانا ابكي في حضنها مثل الطفل الصغير وقلت لها كل الي حصل واللي ناويه تسويه امي .
ماكنت ابد اتوقع رد ساره حبيبتي ,, قالت بكل طيبه وش فيها محمد تزوج انت من حقك يجيك عيال لاتفوت الفرصه . انا لحظتها حسيت ان الدنيا تدور فيني وما حسيت الا وانا متجه لوالده وقلت لها بالفم المليان: يمه انا ما راح اتزوج غير ساره ولو فتحتوا معاي الموضوع مره ثانيه ماراح تشوفون وجهي .
رجعت للبيت وانا احس بنشوه الانتصار وتخيلت ان حياتنا الحلوه انا وساره بترجع مره ثانيه رغم كل العواصف اللي حصلت .بالفعل استمرينا ولكن بعد شهر بدات الاحظ ان ساره بدا يقل وزنها بشكل ملحوظ وكانت تعاني من كحه مزمنه وكانت ترفض اني اروح فيها لطبيب لكن مع اصاري رحنا للمستشفى . وكانت نتائج الفحص ان ساره تعاني من مرض غريب وهو تليف في انسجه الرئه وانا هذا المرض خطير وراح يتلف الرئه كلها بعد فتره ,,و يعني خلاصه الكلام ساره تعاني من مرض خطير يقودها الى النهايه ....
رجعت للبيت وانا مخفى على ساره حقيقه اللي فيها لكن كنت كاتم الموضوع بداخل لدرجه اني اصبحت مالي اي رغبه بالاكل او الضحك او اي شيء .اما ساره فكانت على عادتها بابتسامتها الحلوه وكانت مستمره على العلاج اللي ماكان يفيد فيها وكنت كل يوم اشوفها قاعده تسوء اكثر واكثر ...
وبالفعل وصلت سوء حاله ساره انه تطلب دخولها للمستشفى وكتشفت ساره حقيقه مرضها وكان الاطباء يقولون انه خلاص ساره ماراح تقدر تعيش ايامها الباقيه بدون الاجهزه حقت التنفس ..
صرت ملازم لساره طول الوقت في المستشفى وكنت اجيب لها الكتب ونقعد نقرا مع بعض لكن حسيت مدى الضجر اللي تحسه ساره في المستشفى خصوصا انه جالسه من شهرين .وقررت اني انقلها للبيت واشتري الاجهوه الطبيه الازمه وبالفعل اخذت قرض بحوالي مائه وخمسين الف ونقلت ساره للبيت ووفرت لها ممرضه ولااجهزه اللي تحتاجها وكنت ما افارقها ابد الا للدوام وكان مديري متفهم الوضع وكنت اروح اوقع وارجع على طول اجلس بجنبها .
كل يوم كانت زهرتي ساره تذبل وكل يوم تضعف اكثر حتى جاء يوم وكانت تعبانه جدا وجلست معاها طول الوقت احاول اسليها واتكلم معاها وكانت من تعبها ما تقدر ترد الا بابتسامتها الحلوه رغم كل الالام اللي تعيشها . بعد ما يتممت وصلت المغرب وهي على السرير التفت لي ساره وعيونها مليانه دموع وكنت افهم من نظراتها انها تودعني فامسك بيدها وقعدت امسح على راسها الي سقط على كتفها وانا مو مصدق اللي صار !!! ان ساره ماتت !!
بعد الصلاه والدفن وانا في حاله مايعلمها الا الله وعند رجعتي للبيت جاتني الممرضه وقالت لي عندي امانه من ساره لك قالت لي لاتعطيها اياه الا بعد ما اموت وادفن ..
كانت الامانه عباره عن صندوق فيه رساله وعلبه عطر فارغه ,, قرات الرساله وكان محتواها :
(( حبيبي محمد ,,, تقرا الرساله وانا تحت التراب تركتك لوحدك بدون انيس وبدون ولد .. محمد انا كان كل حلمي اني اجيب لك ولد او بنت مني يسعدونك لكن هذا اللي كتبه ربنا .حبيبي محمد كنت اتعذب كثير لما اشوف اختك تضرب اولادها وكنت اقول في نفسي لو لي اولاد عمري ماراح اعاقبهم يكفي انهم يشيلون اسمك يا محمد .محمد انا مو زعلانه من امك لما بغت تزوجك لانها كانت تبي مصلحتك والحين يا محمد انت ماقصرت ووقفت معاي طول مرضى وحتى توفاني الله عشان كذا لازم تتزوج وتجيب عيال يشيلون اسمك .
محمد انا قضيت معاك اروع سنوات حياتي , وحياتي معاك كلها من اولها لاخرها عشتها مبسوطه ولايمكن انسى منها اي شيء , ومنها علبه العطر هذي الموجوده مع الرساله وهي اول هديه اهديتني اياها يامحمد .
محمد انا احبك طول عمري واحبك وانى الحين في قبري . وعشان خاطري انتبه لنفسك دائما
حبيبتك ساره ))
م
س
ر
و
ق
ههههههههههههههه:D
03-09-2002, - 04:24 AM
