حوار بين الشيبه والعيوز

مرحبا للجميع ::

هذا حوار بين الشيبه والعيوز ( لسيف الظاهري)

الشيبه:
قلبي شباب ولازم اعرس
ما با العيوز اللي اتوسد على الباب
والخير وايد وأنا ماني مفلس
عندي فلوس تدعم البنك في الحساب


العيوز: [l]
ماباقي منك غير خشمك وهالضرس
تبغي تعرس وانت غادي شالغراب
قابل صلاتك الله يشفيك م المس
والاُ ترى باطب ويهك بالتراب

الشيبه:
إنتي عيوز وأكلك الروب والخس
اما انا ماكل سوى تكه وكباب
مافيني سكر غير ضغطي نازل بس
دام الهوى فيني ترى كل شي طاب

العيوز:
لا بارك الله فيك يالشيبه يالنحس
ما تبيك الرمسه ولا اييبك اعتاب
قصُرلي صوتك مابا اسمع ولا حس
عطني طلاقي وانقلع واقبض الباب

الشيبه:
دومك نحيسه وذا لسانك يباقص
ربي ترى حلل لي اربع بالكتاب
هذاخميس الاعمى ياكم عرس؟
مرتاح في الدنيا بلا هم واعصاب

العيوز:
بطران وراسك كالصخريابس وعص
مالوم طبعك يوم ربعك هالكلاب
غادي شرا الاريل ..ودمك اتحيس
استح على ويهك..أصلع ولعاب

الشيبه
فكيني من ويهكترى مالي أي نفس
زهقان من شوفك وابغي لي أحباب
هذا طلاقك طالقة اربع وخمس
شلي طلاقك من ضميري بلا احساب

العيوز:
مشكور يالشيبه ومن دون أي دس!
عندي حبيب ما ابتعد لحظه وغاب
يشريك ويبيعك تراه ابثمن بخس
ما تسوى ظفره .. حلو اسمر وجذاب

الشيبه:
يالله قبل لا موت منك واغتص
طلعتي لي قرن وراسي بعد شاب
يا شينه البرقع ترى قدرك اختس
عيوز ولك في الدنيا خلان واحباب

العيوز:
مثلك تراني وهذا لك في العمر درس
لاني أميز بين شيبه وشياب
والا نسيت اني على الموضه ألبس
ما علموك اني بلا شيله وحجاب