[c] مرااااااحب للجميـــــــــع كيفكم وكيف الخواطر معاكم والنثر
؟؟؟؟؟
بصراااحه هذه أخر ماكتبتها أليوم وحابه رايكم فيها
ممكن جـوارحى
؟؟
((&& زارنـــــــــــي طيفـــــــك &&))
---------------
زارني طيفك البارح وقمت اسولف معاه
تراه كل ليله يزورني بس البارح له حس ثاني
شفت في نبره صوتك معزوفة لها صدى خاص
لمحت في نور عيونك بريق من نوع نادر
حسيت بقبضة يديك حراره ماهي طبيعية
بيني وبينك خفت وفرحت
او تبي الصدق
انصدمت ..!
خفت تكون زيارتك هذه هي الاخيرة
وخفت من خوفي اللي خوفني افقدك
تعوذت من ابليس وانقلبت على جنبي الثاني
طبعا ما انقبلت لوحدي أخذت طيفك معي
حضنته قوة وهمست له بشويش تكفى وشفيك .؟
قال تبين الصـراحه .؟
قلت ايوة أكيد .!
قال عذبتي صاحب الطيف بالتفكير والصبر
ذبحتيه بالبعد والسهر
وريته نجوم الظهر بنصف النهار
خليته عظم حاف بلا لحم
تركتيه يمشي ويكلم حاله
سلبتيه عقله وفكره وكل قواه
توني بقول معقوله أنـــــــــــا ..؟
صرخ بقووة بوجهي وقال خليني أكمل تكفين
وشلون ما حسيتي بفراقك وش سوى فيه
ما تدرين كثر انتظاره لمواعيدك كيف أثر فيه
ما ذقتي بدموعه مراره وهم
ماشفتي بجروحه قرحه ودم
ماخفتي من سؤال يوم عظيم
قمت على حيلي وحطيت طيفه قدامي وقلت اسمع .!!
ترى مو صاحب طيفك هو بس اللي يتعذب
شفني قدامك كيف ذبحني الغرام
علمني وش بيدي ماسويته .؟
مو كفايه اني عايشه امثل مسرحيه وانا فيها كل الاعضاء
انا البطل وانا المتهم وانا المخرج وانا الكمبارس
صدقني البلا لا مني ولا منه
ظروفنا هي اللي مربطتنا بحبال ومثل الاراجوزات تحركنا
مره ترفع خيوطنا فوق ومره تنزلنا
ومره تربط حبالنا بقوووة ومره تفكفكنا
صدقني من كثر ماهي تلعب فينا صرنا دمى محشيه قش من غير شعور
ادنى رميه ولو بسيطه من يد طفل تمزقنا
,,,,,,,,,,,,,,,,,,,,,,,,,,,,,,,,
تحيــــــــــــــــاتى لغــلا جــــــــــــــوارح
[/c]
31-03-2003, - 12:50 AM 
((&& زارنـــــــــــي طيفـــــــك &&)) 
المواضيع المتشابهه للموضوع: ((&& زارنـــــــــــي طيفـــــــك &&)) 
