لاني مختلف جدا واغامر وانفعل واجتاح
خطوط لونها احمر على كيفي الونها
واحب اعكس خطوط السير وامشيها وانا مرتاح
لاني تقدر تقول العب اللعبه وضامنها
اذا غنو على النعناع قمت اغازل اللقاح
واجيب اشيا غريبه واتحدى لين ابرهنها
واحب اركب سياحي دام الاولى تجمع السياح
واحس اني اعرف اسرار واجد وما ادور عنها
ولكن يوم حبيتك عرفت انا الدموع سلاح
وذكرت ان الاوادم فعلها من طيب معدنها
انا من جيت فى دربك وانا ارسم على الارباح
وكنت احسب بانك خابز الدعوه وعاجنها
لقيت انك تشك بنفسك وفيني وفى اللي راح
وكلماتك اذا استعجلت مايمديك تــازنها
يجيك الجنى الازرق وتملى فكرك الاشباح
هواجيس جعل ربي يسكنها مساكنها
اجيك بقصة الورده تجيني بقصة التفاح
تحسب ان الخلايق كلها ادم ملقنها
انا الي فيك حاجه مثل ما للقفل بالمفتاح
تضيق بصدري الدنيا ولاا غيرك يهونها
حبيبي يوم خليت الدروب الخافتات شحاح
وانا يوميا احفرها عشر مرات وادفنها
مع ان اللي ذبحني فيك كانت دمعة التمساح
ولكن دامها منك جعلني ما خلاا منها
11-09-2002, - 02:51 AM
