هيئةالامر بالمعروف (خافوا الله )

الى الشباب السعودي حن ,,نزل.. لكن هم يزيدون الطين بله
بتسألوني من هم ..اقولكم اثنين:هيئة الامر بالمعروف وبعض البنات هااااه قلنا (بعض البنات) .. لااحد يرجني بعدين ...
انا ممن انظلم بدون سبب ماادري الى متى وعقولهم ماتفهم ,, انا الخطا يمكن يكون من الطرف الاخر
المهم في احد المجمعات في مدينة الجبيل الصناعيه حوالي الساعه العاشره صباحا..طبعا ان شخص طويل وجذاب(امحق)لااحد يقول وائل كفوري الحين,,, والله تروا ماهو مدح واللي خلق هالاصابيع الللي تكتب ووحده منهم (ممعوصه)لتقريب الفكره ,,المهم دخلت المجمع ,,حتى عيوني ماغسلتها زين في وحده كانت مسكره ماانفتحت الا بعد الفطور..المهم طبعا انا اجي المجمع بصفه دائمه تقريبا انا واهلي او لعمل تجاري ما(امحق تجاري)تروا ماهي هذيك التجاره بس (نقنقه)المهم كان في شله من بنات المدارس موجودين كنهم (عفاز),,جمع عفازه وهي حشره صغيره تكبر النمله قليلا تتغذى على (الجلكسي),,المهم النظره كلها علي انا وكان فيه بعض التحرشات بالنظر والحركات (الخنفشاريه) لكن انا علشان اكون صريح معكم من كثر مااجي المجمع واعرف اصحاب المحلات صارلي احترام..فلذلك ابتعد عن المعاكسه المهم ,,هه وهه وخين بين بها المجمع ونتقابل انا وها الفوج باحد الممرات الضيقه بالمجمع (ههاي صيدتهم)...بالعدال ياخالد عبد الرحمن عطنا ويه طلعت شرقاويه بحته وبكل ثقه وقوة عين انا(سنطبت) يعني وقفت مكاني خجلان,,آخر زمن :آمري اختي اقدر اخدمك بشي ..قالت ايه ممكن ,,قلت تفضلي قالت اثنين مقلقل وواحد بيسي اللله يخليك وتعال ياللي ودك تضجك والله انه طاح وجهي مااكذب عليكم:p المهم قلت انزين توكلوا على الله وروحوا مدارسكم الشرهه مو عليكم الشرهه على تربيتكم..... نسيت مااقولكم ان فيه وحده تعرف رقمي بطريقة ما ممكن من لوحة المحل او ماادري المهم تعالوا شوفوا الحشره في هالممر..شوي الا عاااااااو طبعا هذي صيحه بس مااعرف اصيح,,,,,المهم صاحت والا ماصاحت الا الاخوان مصفطين اثباتك هداك الله )(الله المستعان) هداك الله يااخي ,,وين لايفوتكم شكلي يحزن من الموقف:( سيده علىي وبدون اي مجال للمماطله ..المهم ياولد اعطيهم اثباتي ويسحبون فيني بها القطار اللي وياهم والا ارفض وننفضح بها المجمع ,, المهم عطيتهم الاثبات لاتنسون الفوج (مشخصين) معانا ماراحوا المهم المكتب لو سمحت ,,المهم قلت اي مكتب واي كلام فاضي والله ان رجلي على رجولهم هم اللي سووا كذا وكذا وهم المخط....انططططططم!!!! هذي تروا موجهه لي ,,,,ماذا فعل بكم يااختاه..؟ هي هيي هذا (هي تبكي طبعا) وطبعا عارفه انها مصدقه ووالله ان فيه تحت هالعبايات اللي بيسوقون قبيله من المكر والخداع اللي فيهم,,والشاب هو الضحيه لانها عارفه لو تعطيك طراق يمشي سبع ميه جاوك وقالوا وش فيك على بنات الناس يلي فيك وفيك ووصلوها لسابع جد الين جدك لويس التاسع عشر,,,المهم اخونا في الله سناخذ حقك منه يااختاه,,! وين عايشين ماتشوف العباه واللي باين منها من كثر ماهي شادتها ماتشوف الحركات والتصرفات اللي طالعه منه ماتعتقد كانسان انها ممكن تظلمني وتخطي والا الشاب هو الضحيه في كل الحالات..المهم هي راحت واللي معها والا ماراحت انا العبره بحلقي من الموقف:( لاني مظلوم حتى وقت التحقيق واقف جدار (صافطني)بس تقول ب..انطططططم ليش وش ذنبنا يالشباب ماتشوون وش اللي يلبسونه هالبنات لو قطو خرجت عيونه ماتشوفون شي اللي يحصل بمدارس وكليات البنات ماتشوفون شي اللي يحصل داخل المجمعات التجاريه ماتشوفون شي الللي يحصل امام بوبات المجمعات ماتشوفون وماتشوفون...وش معنى الشاب هو المخطي وهو المهضوم حقه في المجمعات وفي المنتزهات وفي الاسواق وفي كل مكان..ليش انا ماني دعيمة الوطن انا ماني قفل الدار ومفتاحه والله ان الشاب ماينظر ويطالع لوحده متحشمه ومتستره يعرف من ينظر له والله مااظن انه بيبتلي احد....خافوا الله فينا واعرفوا ان في بنات حلال وفيه بنات ... واعرفوا انحن بشر وهم زينا وكل واحد يخطي ومن الضروري معاقبته والسلام مسك الختام,,,,,


من كثر صدماتي بناس قريبين صرت اتوقع صدمتي من ظلالي