وين العــــــــــرب؟

السلام عليكم
تحيه طيبه للجميع

يحزننا ما نرى في العراق
من قتل للأبرياء والاطفال وكبار السن

وندعو الله عز وجل ان ينصر الأسلام والمسلمين
في سائر بقاع الاض

هاضة القريحه بما ترون
وهو تعبير من قلب مواطن عربي
يحلم بعروبه ووحده عربيه
لا بقرارات وشجب وستنكار

,,,
,,,
,,,
,,
,

هاض الخفوق وقلت ما كنت مخفيه= يالله دخيلك كن بالجاش عله
شفت العروبه حلم والحلم نرجيه = حلمٍ تشفقنا على شوف ضله
قيل العرب مجد البطولات.. قلت ايه= مجد التفاخر بين قصرٍ وفله
المجد الاول راح وابعد حراويه = والمجد الاخر ما لقينا محله؟
عزي الحاضرنا بعد غاب ماضيه = ابعد من ارجوم الثرى للاهله
عهد الصحابه راح ياللي اطريه = عهدٍ يشرفنا بليا ادله
واليوم حاضرنا يناقض مباديه = للغرب صرنا مستهانيين ذله
كلٍ علينا قام يرمي بلاويه=وبان الغدر بقلوب ناسٍ مغله
صهيون بالمقدس توطي مبانيه= يهود شركٍ مالها ساس مله
وهذا العراق اليوم تحرق بواقيه=لو قصدها صدام تقدر تدله
لاشك كل القصد ثروت اراضيه=امنضمه بالخارطه تستحله
كم يتمو طفلٍ ..وكم طفل نبكيه=بقنابلٍ مثل النجوم الامهله
وش ذنبهم ..وش فعلهم .. وش جنو..ليه؟=احدٍ يموت ابروع وحدٍ تشله
وين العرب.. نبع البطولات تحميه =وين الزعيم اللي عليهم يسله؟
صارت ردود الفعل ياشجب تنويه=واخر قرار المؤتمر من يهله
لاصار مابه فعل ويش الرجاء فيه=احسن لكم لبس الاغطي والاجله


[c]وســـلامتكم[/c][c](غـــــــــــــــــــــــــــــــدار)[/c]