مرحوم ياريم توارى عن العين
تحت الثرى والروح لبت نداها
شي كتبه الله وبقضاه راضين
كل من عليها فان والله ولاها
ماكنها عاشت لنا ايام وسنين
راحت وليت الموت مر وخلاها
طعم الحياة امرار من غير غالين
هي العزيزه ومايوصف غلاها
بنتي وبنت امي وغيري كثيرين
هي بنتهم والكل وده فداها
يالله عساك بجنه الخلد تمسين
ويرفعك ربي مايروعك ثراها
ماقد نزلت للقبر قبل هالحين
ليت منهو بين الضلوع احتواها
والله يالولا الخوف بمخالف الدين
لاعيش عند القبر واحرس ثراها
ادعي لها بالصوت مع دمعه العين
ودعواي تالي الليل باعلا سماها
يالله تثقل لها كل الموازيــــــــــــن
امين يارحمن ولاتخيب رجـــــــــها
صامت وصلت قبل عامين
يالله ان تقبل صومها مع دعاها
يارب ياقابل دعـــــــــــــا المصلين
حقق لها الجنه واجمعنا معاها
في هجعه العربان نسجد وداعين
في جنه الفردوس يحقق لقانا
من لي عقب فرقاك وانتي تعرفين
روحي معك راحت وباقي رجاها
لابد مانلحك بنتي بعد حين
وبصبر الين النفس تلحق مناها
منقول
