ســــــــكران

الوافي · #1 23-10-2002, - 08:46 PM

سكران في حبه ولاني بسكران
بس الهوى خلاني اسكر بلا iiكاس

مشيت في دنيا الامل دون عنوان
يوم الامل غاب وتركني مع الياس

تمشي مراكب رحلتي دون ربان
وغرقت في بحره ولاني بغطاس

امشي بدرب الخوف تايه وهيمان
هايم ونفسي تشتكي ضيق الانفاس

ليت الامل يرجع معي مثل ماكان
واعيش في الدنيا مثل باقي الناس

لوعات وهموم وهواجيس واحزان
تاتيني همومي بلا حد واقياس

شفت القمر يمشي على صورة انسان
واخلف كياني وامتلك كل الاحساس

هز بشعوري له من الشوق وجدان
له في الحشا مرتع ومنزل ومجلاس

راعي الجديل المنتثر فوق الامتان
وعيون ظبي ٍ تسحر القلب نعاس

وجهه قمر خمسة عشر كل ما بان
من نور وجهه ينجلي ليل لغلاس

افرح لفرحه وازعل ان كان زعلان
وان غاب عني يدخل البال هوجاس

له في الحشا قدر ومعزه وله شان
حبه ملكني واشغل الفكر في الراس

لولاه ما حبيت وعشقت نجران
حبه مصبرني على الضيم والباس

ياليتنا نبقى ولايف وخلان
ما يعترضنا في الهوى شخص بلاس

نمشي على نور الامل قدر الامكان
والحزن لجل الحب يفنى وينداس

غالي وعندي ما يقدر بالاثمان
ترخص معه كل الجواهر والالماس

أمــ الجوارح ـل · #2 24-10-2002, - 12:52 AM

:)

السلام عليكم ..

صح لسانك على هالقصيد....

فعلا القصيدة رائعة جدا.........

بس يااختك انت ليش مو حاط امل بالامل:(

ترى الامل شي جميل وحلو (اسمي:D )...

اسال الله ان يوفقك اكثر واكثر ونشوف لك قصايد حلوة مثلك ....

يللا بااااااااااااااي:cool:

الشــــــلاش · #3 25-10-2002, - 01:24 AM

تعيش يالوافي على هالأبيات الحلوه

وصح لسانك يالغالي

وذكرتني بقصيدة للشاعر فهد عافت

أن كان هو من رشفة الكاس سكران
************************** سكران انا من غبار خيل الطنايا
ويا00000 يوم الناس خيل وفرسان
************************** شمر عصى موسى وربعك حيايا

ولا يهون الجميع 0000

تقبل أعجابي بشخصك العزيز 000000

أخوك /

الوافي · #4 25-10-2002, - 12:42 PM

مشكووووووووووووووووووووووووووره اخت امل على الرد

وتسلمين ان شاء الله اخوك الوافي

تسلم اخوي المتهم اسمك يذكرني بواحد غالي
وتسلم على البيتين الحلوه
اخوك الوافي

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم

ســــــــكران

مجلس القصائد والشعر