رابـــــــــــــع أ خوانـــــــــي

برق برق المشيب ولا لقيت الا أربع تختال....سوالف غربتي..وطعون فقري..همي..أحزاني....يخلف اللة ياعمر قضيتة طرقي ونقال....تكاثر فيني الدنيا وطن مابين الاوطاني....على ذا الحال ذي عاشر سنة وانا على ذا الحال....أدرهم خطوتي وأقول عل الهم ينساني....ولا أدري الا وهو في هجعة الغذرا يدق الباب....تقل وياة عذال تدلة وين عنواني....صبرت وقلت كفارة ذنوب الين صبري طال....تهاوني عدوي وأهملوني كل خلاني....أحد مثلي حرق ثوبة وأخذ ثوب القصيد سمال....غدت بي هقوتي واحلى قصيدي مات بلساني....أحد مثلي نشب مابين قلبة والفكر غربال....وأذا أشتد الخصام يجيك كل يلعن الثاني....خطاي أني سنين أسمع وصايا العاذل الي قال....تسلى وش من الدنيا بتاخذ غير الاكفاني....وانا بحروة حلاها جرعتني المر بالفنجال....وأنا ما سمني غير أني المظلوم والجاني....ذبحني حظي اللي ماقدر مرة ينط الجال....وتردى لين سولف بي افلان وفلاني....كذا يا الحظ ماكنا تخاوينا سنين طوال....وأنا وياك في الدنيا فضولي طاح بناني....كذا يا الحظ ماكنا تعاهدنا وحنا أطفال....نوفي بعضنا واللي يخون العهد خواني....تخليني لحزن مظلوم..حزن فاجر..حزن قتال....حزن خلي شموخ أقصاي يشحذ رحمة الداني....وتعيرني بفقري والفقر ماعيب الرجال....وأنا وش ذنبي ان جار الزمن والوقت عياني....أنا يالحظ ماخت المراجل غترة وعقال....وأنا عون الخوي ومزبن للضيف والعاني....أنا من صغر سني عشت يانزال يا رحال....أبوي مربي أخواني وأنا اللي الوقت رباني....تقول أمى قبل لا تجى توفى لي ثلاث عيال....لا بو حظ" تكاثر فيني أصبح رابع أخواني....على أية حال ياعشر سنة مرت على أية حال....تكاثر فيني الدنيا وطن من بين الاوطاني