قالت ..
عطني بحبك أي وصف وتعريف
بـس اني ابقى نظرة في عيونك
قال ..
احبك ليه ما احبك واحب اللي يحبونك
اموت وينمحي اسمي واسمك خالد باقي
قالت ..
قلبي على كل المخاليق مغليك
ما يكفي التعبير لو قلت غالي
قال ..
نـوى الـقلب نـية ما نواها لحد غيرك
نوى القلب يمشي لك على السمع والطاعة
قالت ..
حشى لو تطري الفرقى ما اعدك راعي التقصير
عـزاي انـي ملكت بوقتها عرش اجمل سنينك
قال ..
يقولون الزمان اغبر وانا اقول الزمان بخير
مدام اللي سكن في ناظرك ما طاح من عينك
قالت ..
وما ظهر لك يا حبيبي .. من ودادي
غـيره اكـثر .. كاتمه خايف تذله
قال ..
حـتى لو عليت بالقلب شانك
ابقى يتيم الحب جرحي اقاسيه
قالت ..
لك في خفوقي مكان لو تخيلته
حسدت نفسك قبل تحسد من الناس
قال ..
بـعضنا يـا صاحبي طيبه بذاته
وبعضنا لامن صدق تكذب عيونه
قالت ..
حـبك اللي تدعي هو حب ذاتك
ومن يحب الذات ما يخلص لغيره
قال ..
انا ما اقدر اكون اني حبيب في بعض الاحوال
انـا اجـي كـلي والا اروح بـعزتي كـلي
قالت ..
ابجرحك لين تعرف بالغلا قدري
واكذب اللي يقول البنت ما تجرح
قال ..
لا تجرحيني جرحك العام ما طاب
داوي بحنانك ما مضى واجرحيني
قالت ..
ما هو مهم ازعل علي واتحراك
الـلي مهم انك قدر وانكتب لي
قال ..
عـلمني الوقت رفع الراس والهامة
لا مااشرب الحب ذل وينحني راسي
قالت ..
وان سـألت عن القصايد فأنا ما قلت شي
ابلغ من التعبير في بعض الاحيان السكوت
قال ..
قالوا تودع قلت يا صعب الوداع
وشلون اودع من معه قلبي وديعي
قالت ..
حـب قـصير وحـب ماله نهاية
وحب يموت وحب اقوى من الموت
قال ..
صدك عن اللي ملتفت لك ردى حظ
وركضك ورا اللي ما هو يمك مذله
قالت ..
اذا محاسني اللاتي اتيت بها
عدت ذنوبا فقلي كيف اعتذر
قال ..
هلا منك لها لون يسولف تسكت الالوان
هلا منك لها طهر الصلاة ومبسمك كافر
قالت ..
يزعل علي الوقت لاصرت زعلان
وتضحك لي الايام لاصرت راضي
قال ..
حظي العاثر رمى بي وانتهيت
في حبيب في وصاله لي حياة
قالت ..
انا احترق .. وانت لك مني
تـعطر بـريح .. دخـاني
قال ..
باختصار انتي اكبر من كلام يثير
اكتشفت ان مالي في حياتك مكان
قالت ..
ليتك تعرف الشوق لاصار واجد
وليتك تعرف اوجاع كثر الحنيني
قال ..
يـا حـلو وجـه ابازعل منه واشتاق له
وابي ازعله واكتشف اني مجتهد في رضاه
قالت ..
وانـا الـلي حالتي بعدك ما تتصور
ضريرة لو ملكت اجمل هدب وعيون
قال ..
تعالي نتبع الضي البعيد في عتمة التغريب
ولو مليتي من اجمل قصايد غربتي روحي
قالت ..
آخر اثنين عاشوا والظروف اتشابه
نـكره سكوتنا ونخاف ليمن حكينا
قال ..
استحمليني لا زعل مني الكل
البحر يدفن موجته في ضفافه
قالت ..
والله لولا الحيا لااوقف واصوت له
واقول معجب واحبك .. آخر اقوالي
الابيات مختارات لعدد من الشعراء
...... اتمنى ان تحوز على اعجابكم ........
29-06-2003, - 09:06 AM
قــالــت و قــال
