هذي مشاركتي الأولى في هذا المنتدي أتمنى تقبلون عضويتي بينكم وحبيت
أشكر الأخت نوف المشاعر على نقل هذي القصيده
ولتنويه فقط أنا شاعر هذي القصيده ويأسفني أني أشوف قصيدتي يحملها أسم غيري
ولكن ربا ضارتن نافعه ...
تحريت العلوم اللي تجينا والعلوم اشكال
تعبنا ننتظر منك.. نبي نسمع عن احوالك
ولكن ماحصل منك صراحه مايسر البال
تبي دايم على كيفك صراحه ماعرفنالك
حبيبي يابعد عمري ترا بعض الكلام افعال
وترا من يعشق الطيبه حرام يعاشر امثالك
تعبنا نشرح الكلمه نبي قرب الوصال اوصال
نبي نسمع خبر مفرح تقوم ابصنعه الحالك
وانا لا جيتك بكلمه قلبت الحال للترحال
اجي منا تجي منا .. غريب ولا فهمناالـــــك
انا بشكي لك احوالي وحل اللغز ياحلال
ابيك اتحس بي مره عشاان الجو يصفاالك
تعبت من السراب اللي رسم لي بالطريق اهوال
اثاري دارك بعيده ولاني .. حول منــزالك
دفعت الرجل في دربك ولا هموني العذال
يطيب العمر في قربك ... اليامنا وصلنا لك
ترا حب البشر غالي مهو مثل الذهب والمال
تركناا النااس يالغالي من الشوق وعنينالك
فتحت القلب لك وحده وغيرك ميتن مانال
يبي ياخذ معي حب مثل ... حب تهيااالك
وجودك صار لي حلمن وصرت العاشق الجوال
تراي اموسعٍ بالي .. . وابيك اموسعٍ باللك
انا من صج حبيتك ولكن شفت منك اهماال
انا من وين ماجيتك.... تعـــذبني بـــغربالك
صعدنا لجلك الهامه وشفنا بالطريق اجباال
تعبناا بالرضا لجلك .. وصرناا حيل نشقي لك
بغيت اعيش في ظلك ولكن داخلك غربال
رغم كل الشقا جيتك.. ومع هذا وفينا لك
نوينا ننسحب منك .. نعيش بعالم التجوال
لقيت العالم الواسع عجز ... يازين ماشالك
انا مابي سوي خدمه.. وابيك اتبين الافعال
تقول الثوب ذا ثوبي .. وثوب الكذب يزها لك
واذا كانت طبايعكم .. كذا وتشابه الجهال
تبي تحرق لي اعصاابي.. اقول ارتااح اشوالك
وانا لي كلمة وحده لزومن يالغضي تنقال
عنيد وراسكم يابس... وزته حيـــــل بهباالك
ببين لك سوالفنا... واقول ان الرجااال افعاال
وترا اللي وافيٍ مثلي ....حرام يصااحب امثالك
تقبلوو مروووري
11-09-2003, - 12:21 AM 
مرحبااااااا 
رد: نوف وراسه يااااااااااااااااابس 
