قصيدة رائعة....<<<<<<<<

أقدم لكم قصيدة رائعة لشاعر متميز الا وهو الشاعر/ حامد زيد
وقد اخترت هذه القصيدة لما تتضمنه من مواقف قد تناسب الاحداث التي قد تحدث في وقتنا هذا
ارجوا ان تعجبكم انشاء الله..

السفينة
ضاقت اوساع الفيافي والوعد متن السفينة***للطريق الي دعاني بعدامان الله وامانه

لاتناديني وصوني قلبك الله لايهينه*** لايراهن في رجوعي لجل ما يخسر رهانه

ليه ما ارحل عن غرامك بعد ما ذقت الغبينه***اذكري لي شي واحد يستحق اقعد عشانه

قلب ما حن لوصالي ماني بحاجة حنينه *** واشهد انه مايعزر بالرفيع الا هوانه

الهوى الغدار حد الله ما بيني وبينه *** والرجل لاخير فيه ان ما حفظ قدره وصانه

واحد مثلي اليا ما حدته عوجا سنينه *** ما شكى لأقرب بن آدم لو هو اغلى من اخوانه

يوم قلبي ما عصاك وماقدرتي تذبحينه *** ليه خنتي فيه وانتي معه من نفس الديانه

كان ذبحي بايدك ارحم من الي تفعلينه *** وان طلبتك ذبحي ماذبحتيني لعانه

كل جرح من اجروحي تذكرينه تنكرينه *** كن مالك في نزيفه يد خانت بالأمانه

ينزف الخافق تواضع لين لطختي جبينه *** والا انا ما كنت ابيها تاصل لحد الأهانه

قلت من باب الميانه صاحبك وتعذبينه *** لعن ابوك ارخي معاي شوي ما صارت ميانه

طعت عقلك يوم قيل ان العقل بالبنت زينه *** لكن الشرهه علي كنت احسبك اتكانه

وين رايح لاي درب مايرجع للمدينه *** ليه رايح لان قلبك ما ترك قلبي وشانه

كيف ابنسى ربي الي ملهم القلب السكينه *** مثل ماعانه بقربك لو نوى فرقاك عانه

والا انا خابر خفوقي ما يمد الا الثمينه *** وان بغى يغيض الثريا قعد القمرى وزانه

مزعل لاجلك هنوف رجت عقول رزينه *** وان تهادت بالطريق الجرهدي تزهر جنانه

جادل كن الجمال اقبالها كتف يدينه *** والقمر لو شاورت له ينزح وتقعد مكانه

كانت اول من تحكم في فروع الياسمينه *** وان تعدتهن تثنن خيزرانه خيزرانه

بعتها لجلك وصارت لاصغر اطرافك رهينه *** ولاهي لفتت هدبها تغمرك ثقل ورزانه

والخفوق الي تغذى من معزة والدينه *** مشكلته انه تعلق في زمن ماهو زمانه

كل مازادت اجراحه واكتشف غلطت ضنينه *** صدقيه ان قال مابه شخص يستاهل حنانه

يوم نادى يافلانه ما رضيتي تسمعينه *** لين صوت يافلانه يافلانه يا فلانه

كنت اشوفك زعفرانه تقرض الورد وتدينه *** يمكن اني ما قطفتك بس اشوفك زعفرانه

ما اقتنعت ان الخيانه للرجل تلوي ذراعه *** لين ما ربي بعثك وذقت من طعم الخيانه

اسمحي لي ما بقى فيني مكان تطعنينه *** واقبلي من جوف قلبي كل عطفه وامتنانه

والله الله في عذابك باتركك عينك بعينه *** دلليه ولايرده عن شقاقك الا لسانه

والا انا قررت اسافر وامتطي ظهر السفينه *** لأن مابه شي واحد يستحق اقعد عشانه


وتقبلوا تحياتي لكم ..../ الفخر آل سعود