السلام عليكم شباب وشابات
بصراحه وهنا في هذي الصفحه بالذات راح انقل لكم قصت حبي أنا شخصيا الي دامت بالفشل
في البدايه انا عشت قصة حب تقريبا لمدة 7 سنوات تقريبا
وياللأسف كان حب فاشل من البدايه
قصتي هي ...........
هذي البنت من اقاربي ....
حبيتها في بدايت عمري يعني من يوم وانا صغير
واعترفتلها بحبي قبل 7 سنوات
صارت كل احلامي وكل شئ بحياتي حبيتها وقدمتها حتى على نفسي وعلى كل الناس
كنت اخاف عليها من النسمه واغار عليها من كل رجال حتى اني اغار عليها من ابوي
كانت كل هواجيسي وكانت مستقبلي وحاضري وزماني وكانت كل الاماني
سكنتها في قلبي ومشيتها في دربي
خليتها نوري واحساسي وشعوري
صارت كل تفكيري وكل شئ بحياتي اذا جاها المرض اتمنا اني انا المريض بدالها
خليتها هي نهاية طريقي بهالدنيا
حتى اني قبل ماامشي خطوه بحياتي لازم احطها بعيني
والله انها استولت على عقلي وكياني
ماحبيت بحياتي انسان كثر ماحبيتها وعزيتها وتمنيتها
وقسم بالله ياناس انها استولت على احلامي وانا نايم وصاحي
نقشت حروف اسمها على قلبي وكل قطعه بجسمي
وحتى انها استولت على القلم الي اكتب فيه انا اشعاري وافراحي واحزاني
ما مر علي يوم بحياتي الا وانا ارسمها بجنبي وخلفي ويميني ويساري
خليت حياتي بدونها ماتساوي شئ
وصارت حياتي سلم طويــــــــــل وهي الجوهره او الالماس الموجود في نهايته
بديت اصعد وتقابلني في هالطريق مصاعب ومشاكل وشوك وتعب بس مع كل هذا كانت حياتي اوصل لنهاية هذا السلم الطويل
لكن للأسف بالنهايه عرفت وايقنت ان نهاية السلم ما فيه لا جوهره ولا اللماس
وطبعا انا يوم عرفت ان الجوهره في النهايه ماهي موجوده اكيد راح انزل وماني مكمل الصعود
وطبعا راح اعلمكم كيف كانت النهايه ............................
كان يوم من احلا ايامي وكان فرح ماله مثيل بس انقلب هالفرح لعزى اعزي فيه قلبي
كنت جالس مع عيال عمي وكان كل واحد فينا يمدح حبه ويوري الباقين حلاته
وكنت انا منهم ووكنت اسعد واحد فيهم واعلمهم عن حبي وحلاته
وحنا في هالجلسه .............. صار شئ ماكان في الحسبان
جاني اتصال على تلفوني طعن في قلبي واظلم حياتي وفقدت البسمه من على شفاي
الشباب يناظرون فيني واستنكروا حالي
كيف باتصال تغير الحال من فرح وسرور الى هم وعزى
بديت اشوف احلامي تهوى وافراحي تتلاشى واحلامي تمحى
بديت اصرررررررخ من قلبي واقول ...لالا لا هذا ماهو صحيح هذا كذب كذب
ماني مصدق شئ ....... انا اكيد احلم .... كنت اتمنى ان هذيك اللحظه حلم وانا نايم
وابي اصحى من نومي والله كنت ابي اصحى من نومي واقول الحمد لله اني احلم
بس لا لا لا صارت حقيقه حقيقه حقيقه
حقيقه مؤلمه وقاسية كرهت فيها الاتصال والمتصل
وكرهت نفسي والعالم وتمنيت اني انا المدفون مكانها وهي الي موجوده بدالي
الله يرحمها
واليوم حالي والسعاده والفرح اندفن معها وخلت لي الهم والنكد والظلام
وطاح السلم ونزلت لبدايت حياتي
بس هالمره معي ذكرى ألم وقلم يشكي أيامي على سطور الورق
وهذي قصة حبي المؤلمه وهذي نهاية افراحي
مع تحياتي
نهاية عذاب
13-10-2003, - 09:21 AM 
لأول مره راح أنقل قصة حبي لكم قصة نهاية عذاب 
المواضيع المتشابهه للموضوع: لأول مره راح أنقل قصة حبي لكم قصة نهاية عذاب 
