ليلة الدخلة هي الأساس من يسيطر عليها يقطع مشوار 88%
بس تأكدوا هم يا يبي يتطلقون يا يبون ينظبطون

--------------------------------------------------------------------------------


# # # # # # # # # # # # # # # #


--------------------------------------------------------------------------------

نصائح للزوجة

--------------------------------------------------------------------------------


1/ليلة الدخلة حاولي تجرجرينه بالكلام تراه حبيب يجيب اللي ورى أذانه وهوى مضيع وغايصة فيه الأرض وهاتي منه ماضيه واللائحة السوداء بعدين امسكيها عليه: confused:

2/ يستحسن إنك تصيرين ثقل معه وإذا استخف دمه وبدى على بالي ثقل ومايهمني ويضحك وينكت عطيه مامقداره خمس دقائق صيحة عاد بهالوقت هذا وجهي إن ماضيع.

3/ الصباحية إذا جوا أهله يباركون لكم وشفتيهم تقل مطيحين الميانه معك ويحتكون صيري ثقل وتبسمي وابدي كل شوي ناظري الساعة وانتبهي تخلين خواته أو أمه ينفردون بولدهم خلي المراقبة رجل لرجل واذا مرة صارت صعبة ماهي مشكلة دفاع منطقة=اجدعي أذنك.

4/إذا طلعوا أهل المعرس وجوا اهلك طقيها ذيك الضحكة وسعة الصدر لكن حاولي تتقربين لزوجك عند اهلك واستركضيه وأمزحي معه وطيحي الميانه بس إذا جوا أهلك بعدين يفكر الرجال يقول والله وش حليلها إذا جت عند أهلها ويصير24ساعة(ينافس ميد هع ) مسنتر ببيتكم وانتي تصيري عند أهلك (وناسة).

5/أيام شهر العسل كل يوم كلمي على أهلك أول وخليه يسلم عليهم هو واحد واحد امك وابوك واخوانك ولو يحصل الشغالة مافيه مانع وإذا كلم اهله انجري له شغلة من تحت الأرض ولاتخلينه يطول معهم.

6/إذا جيتوا ترجعون قبلها بيومين (لاحظي يومين) تقضي لأهلك وخليه هو يشري لكل واحد من أهلك هدية وإذا جيتوا تبي ترجعون تصيرين دجيتي فيه ولا يشري لاهله الا مطاريس ويبي يزعلون أهله وتنجح أهم خطوة.
7/لماتبدى العلاقة شوي تفتر مع أهله عاد زني على أذانه وليه اهلك عليك كذا وليه وليه لماخلاص تكون مشاعره تجاه اهله باردة عاد وقتها مايحتاج اوصيكم عاد مثلكم مايتوصى يالحريم.

8/حاولي تقربينه من أهلك وتحسسينه انه راح يلقى عند أهلك اللي فقده عند أهله وإن أهلك بحاجته وبحاجتك
&ملاحظة مهمه&يمكن إذا بتل يرز الخشة عندكم الرجال تبدى أمك وأبوك بالتليمح تراكم مصختوها بس تجاهلي يعني اضربي حولة
تقولين لي لا فشيلة استحي أقول لك الغاية تبرر الوسيلة(يسمع بها من زمان ووده يحطها بأي موضوع هع ).

9/لما تصيرين عند أهلك كل يوم ابدي تبرمي من المشوار بس انتبهي مو وانتم رايحين لاهلك تقولين مشوار لا لا لا لا إذا جت الساعة 12 وبدوا أهلك يتثاوبون وصرفوكم يعني افهمومها نبي ننام ورجعتوا للبيت ابدي بالتذمر يبي يمل ويقول لك عندك حل قولي له بيتنا اللي حنا ساكنين فيه بعيد وتعب علي وانا اشوف اننا لو سكنا بحارة اهلي مو أحسن.
والله الله بالقرب من أهلك لو حصل وصرتوا جيران مامثلها.

10/تأكدي ان اللي يفرض رايه أول شي في ايام الزواج راح يكون مسيطر كل العمر
طرق فرض السيطرةتكون كالتالي:

#اول الاسلحة هي دموع التماسيح...!!!

#ان مانجحت الدموع التزليب اذا تكلم اقعدي صفري وطقي اصابعك وكأن شيئا لم يكن...!!!

#مانفع ابدي بانجع الطرق وأكثرها تاثيرا على الرجل نوميه بالصالة ولو كانت الصالة مابها مكيف يكون أحسن ولو تاخر بالاستراحة او برى يقاله قوي قفلي الباب واجحديه لاجا يطق قولي خفت لحالي وقفلت الباب وراحت علي نومه بعدين ان مامشى مستقيم انا قبيلك بس عاد اكرر ان طلقك ماعلي اي مسؤولية ماعندنا ضمان وكيل حنا هه تراي علمتكم




# # # # # # # # # # # # # # # #

--------------------------------------------------------------------------------

نصااائح الزوج

--------------------------------------------------------------------------------



1/حمر العين من اول ليلة ترى المراة ماتجي الا بالعين الحمراء واذا صاحت قم بالعقال ولحطها لما تعض الأرض وقل لها الحين صيحي صحيح.

2/اذا قالت بروح لأهلي عقاب اسبوع ماتعدى المطبخ وغرفة النوم والله ماأخذتها عشان تسدح ببيت أهلها لها بيت ولها اسرة وش هالخربطة.

3/اذا جت امها عندها رز الخشة عندهم واذا أذن صل عندهم بالبيت اهم شي لاتنفرد فيها ترى ماهنا العن من الام قر قر قر قر وانا كنت يوم ابوك ممشيته على الجادة وهو متوطي ببطنها لما داخت(الله من الرخيص عند العجز بعد هع).

4/اذا حسيت انه تسنعت البنت رح ودها لاهلها واذا وديتها قل المغرب بجي اخذك وعاد ذلها طول الاسبوع بهالمشوار قل تراي موديتك لم اهلتك وترى انا وديتك عشان تغيرين جو وترى ماهنا روحه خلها تكره بيت اهلها.

5/اذا يوم جيت ولقيت زوجتك المصونه على بالها تستهبل ومقفلة باب البيت عشانك تأخرت لايردها إلا بيت أهلها وخلها تنقع عندهم لما يجيبونها اهلها واذا دخلت قل قفلي الباب مرة ثانية ترى خروج نهائي من البيت ومن العناد رح بنفس اليوم ولاتجي الا الفجر.

6/اذا توهقت مرة وطرت(تشديد الراء راجع قاموس العرب الفهرس هع بالغلط السياحة والسفر رح انت وأياه بالسيارة لمكة واحجره بالشقة من الحرم للشقة للحرم اسبوع بعدها ارجع للرياض شرط ان ترجاك انها ماتسافر ابد مرة ثانيه.
7/اذا حسيت انها زعلانه منك يوم من الايام خلك ثقل لو تروح تراضيها ماهو أزين لك لانها تبي تشوف انك ماجبت خبرها وتحسبك ماانتبهت لها وعشان تلفت الانتباه تبي تحط الغداء لك عليه ياخانس يامالح يا ماتسوي ايه لاسوت كذا عاد هنا فرصة ذهبية قل له ليه الغداء كذا هي ماراح تعتذر على بالها زعلانه تبي تقول ماادري (الرد باخلاق سياحية) انت اغسل شراعه بكم كلمه واطلع وخذ شماغك وثوبك ورح لاستراحة لمطعم واجلس ولا تطب البيت الا الفجر نم وقم للدوام وعلى الحالة يومين والله ان تبدى تنافس غوزي.

8/حاول انك ماتهضم اخوانه كلهم إلا واحد خله احتياط الباقين خلك جاف معهم تبي تقولون ليه هذا ماخربتها معه؟؟؟؟؟ انا اعلمكم
خل هذا يمكن يجيك يوم يصير مالك خلق توديها تخليها تكلم عليه ويمرها &ملاحظة مهمه& حبذا لو كان الاخ اصغر من المحروسة ولها كلمة عليه ويكون رهيف قلبه ودبيشة ودابة سليمه اذا توفرت هذه الشخصية يكون موافق للمواصفات والمقاييس.