السلام عليكم ورحمة الله وبركاته
هذه قصيده جديده اتمنى انها تعجب
رواد هذه المنتدى الاعزاء ...
حسبي على اللي حط في قلبي النار .... ما راف يوم القلب عنده رهينه
ادمى جروحي يوم انا كنت له جار .... ما راف وترفق وحشم ظنينه
الفكر حام وتاه في لج الابحــــــار .... والقلب يندب لي مضى من سنينه
يسجع بونه ثم يظرب لي الطـــــار .... يضحك ولا جا الليل يكثر حنينه
يا عزتي للي عليـــــــــه الفلك دار .... من بعد زين الوقت جته الغبينه
كله سبايب دانةٍ وسط محـــــــــار .... اللي عليها القلب زايد ونينه
نوره حبيبي دوم تضوي به الدار .... لا من تبادا والسنا في جبينه
مشيه شرى مشي القطا يشبر شبار .... فيه الدلع فيه الغنج كاسيينه
كم قلت لك يا قلب مرات ومـــــرار .... لا تهزمك يا قلب عبره سجينه
خبري عليك اول حشى منت غدار .... والحب توفي للمحبين دينه
كم بت انا وياك والنجم سمـــــــــار .... نسهر مع نجمه وحيده حزينه
ما همنا وقتٍ مصيباته كثـــــــــــــار .... ما نفتكر في زين علمه وشينه
يا قلب خلك دوم بالحيل صبــــــــّار .... ومسك هزيله لين توصل سمينه
يعل دار صويحبي جـــــــود مدرار .... والغيث ينبت جوري وياسمينه
الوافي
05-11-2002, - 10:58 PM
ياقلبي اصبر...
