[ALIGN=CENTER][TABLE=width:90%;background-color:transparent;background-image:url(backgrounds/19.gif);border:10 double deeppink;][CELL=filter:;][ALIGN=center]

قصيدة جميلة مثل ما جلتي اختي Marrooosha


لكن حزينة في نفس الوقت ومشكورة كثير على هذا


الاختيار الموفق وتسلم يدك اللى كتبت القصيدة

ــــــ

ليش قلبك يا بعد عمري حزين والله مب لايق عليك هذا الزعل

يا حلاتك يوم انتي تضحكين افتحي قلبك وقولي وش حصل

من تجرأ من قطف هالياسمين من حرمه الزين قبل ما يكتمل

من كسر قلبه وشعوره بكلمتين ويدري قلبه للعتب ما يحتمل

منهو ارخص قيمة الغالي الثمين ويدري انه في عيوني له محل

ومن يقول الورد ما يقطر حنين ومن يقول انه وسط قلبي ذبل

يالله قومي يالله لا تتكاسلين خلي حلمي وياك يوصل لي زحل

يالله قومي يالله لا تتشاورين خلي حبنا يكون للعالم مثل

قالت اصبر قلت انتي تامرين وطالعتني بعين يملاها الوجل

ولا اراديا ذرفت دمعتين وقالت انه الزين ابد ما يكتمل

قلت قولي لي ترى سرك دفين ما بخبر حد لو مهما حصل

بس دخيلك ما ابي هالدمع يبين مو عشان شي بس والله ما احتمل

طالعتني وقلت لي شو تطالعين مافي داعي للعواطف والخجل

هذا مب وقته في وجهي تسرحين جاوبي احساس قلبي اللي سال

قالت الشدة بعد فتره تلين والفرح يقبِل اذا باقي امل

والشقا لازم في يوم انه يهين والصعب ياتيه وقت يكون سهل

قلت لها قولي لي ولا تلمحين ما احب اسمع كلام به جدل

قولي وش الموضوع اذا انك تسمحين وخلي الخوف اللي فيني يرتحل

قالت اهلي ساوموني بدرهمين وقرروا انهم يزوجوني بعجل

جا خطبني شخص بعمري مرتين وجابوا الماذون والعقد اكتمل

وافقوا لانهم بماله طامعين وبالتجارة والمراكز والفلل

ليش لا؟ دام انهم اللي رابحين يمكن انهم يطلعون بكم محل

قالت الحقني الحقني ومد لي هاليدين ظاع فكري وطار من راسي العقل

من لي غيرك اشتكي له يالضنين عطني رايك عطني لو ذرة امل

صرت انا وياك ضمن التايهين والحزن في دربنا توه استهل

ليش يا دنيا في وجهي تعبسين حظي المايل متى بس يعتدل

قالت اتكلم ولو بس جملتين لا تم ساكت ترى وردي ذبل

قولي اي شي قولي لو كلمتين وانت اللي بس لأمره امتثل

صدمتي كانت معاها صدمتين صدمتي كانت في هالمره دبل

كنت بسألها شرايك تملكين دام اخذنا الدبله والحب اكتمل

ما نطقت بشي وانا ميت حزين والدمع من فوق وجناتي همل

قمت اشاهق ما ابي نوحي يبين كأني خيل باعلى صرخاته صهل

قمنا نطالع ببعض عين بعين ما تكلمنا الين الليل حل

قالت انطق لا تقول انزين انزين وانا ساكت والفرح عني رحل

كنت اظن احنا لبعضنا مكملين ما دريت الحظ عاند بالفعل

كنت انا وحدي في عالمها سجين وكنت اقول الحظ اخيرا اعتدل

قلت لها اذكر كلامك الين اللحين يوم تقولي لي تراك احسن رجل

صحت فجاه وقلت لها تتذكرين يوم كنا نخطط لشهر العسل

قلت عشاني قومي ولاتزعلين وارضي بالواقع مادام انه حصل

اسمك بيبقى وسط قلبي دفين والقمر لازم في يوم يكتمل

والله بفرح دام انتي بتفرحين يالله خلينا بعرسك نحتفل

واصفعتني كف على الخد والجبين وقالت انت قاعد تكلم طفل

قلت لها وصوتي بنبراته حزين اوعديني هالزعل اخر زعل

لانه قلبك ينعرف يوم تزعلين والله مب لايق عليك هذا الزعل

ومهما ناديتك ابد لا تجاوبين قصة الحب انتهت انتهت مات البطل

افترقنا بعد كل هذي السنين وللأسف حبنا في هالمره فشل فشل فشل

انتهى مشوار احلى عاشقين كلٍ بدربه ولكن ما وصل

كل واحد ينسى مع مر السنين لكن الذكرى امرها مب سهل

لين اخر يوم في عيني تسكنين لين اخر يوم في قلبي تسكنين

لين اخر يوم في روحي تسكنين وصورتك مثل بدر اكتمل

في بعض الاوقات أقعد مستكين بس أفكر لين يذبحني الملل

بالفعل قطفوا زهور الياسمين قطفوا الزهرة قبل ما تكتمل


[RAM]http://www.alamuae.com/alam/tarck/Track8.ram [/RAM][/ALIGN][/CELL][/TABLE][/ALIGN]

مشكووووووووووور بس سؤال ليش عدتها
؟؟؟؟
شكرا

[ALIGN=CENTER]هلا وغلا فيك اختي Marrooosha

عدت القصيدة لانها اعجبتني كثيرا

تحياتي
[/ALIGN]

والله مشكووووور أخوي سيف الامارات
مشكووووووور ر