مجالس الجوارح العربيه ، منتديات الجوارح العربية, منتدى الجوارح العربيه ، مجالس الرومنسيه

 اقسام الموقع : القرآن الكريم| سمايلات | خريطة الوطن العربي| مركز التحميــل  مجدد| موسوعة الاسره |  جوارحيات حواء! | مسجات الجوال  | خدمة RSS

مجالس الجوارح العربيه

 

جديد الجوارح

 


العودة   مجالس الجوارح العربية > المجالس الادبيه > مجلس للروايات والقصص والحكايات
التسجيل التعليمـــاتصندوق المحادثات كاملا قائمة الأعضاء التقويممركز العاب الجوارح البحث مشاركات اليوم اجعل كافة الأقسام مقروءة

تصفح بدون نوافذ مزعجة

مجلس للروايات والقصص والحكايات منتدى لجميع للروايات والقصص والحكايات الحصرية والفعالة

 


 منتديات الأمارات للأمارات 
  ينتهي  : 09-12-2008
  عدد الضغطات  : 102
الآن ب 100  ريال فقط الشهر 
 عدد الضغطات  : 23  منتديات لحظات 
  ينتهي  : 07-11-2008
  عدد الضغطات  : 90
 أضغط هنا 
  ينتهي  : 09-12-2008
  عدد الضغطات  : 65  شبكة ومنتديات خليجي 
  ينتهي  : 08-01-2009
  عدد الضغطات  : 17 اطلب توقيعك مجاناً 
 عدد الضغطات  : 14  منتديات الأمارات للأمارات 
  ينتهي  : 02-10-2009
  عدد الضغطات  : 395



إضافة رد
 
LinkBack أدوات الموضوع إبحث في الموضوع
  #307  
قديم 01-12-2004, - 11:02 PM
الصورة الرمزية ماريا
ماريا ماريا âيه ôîًَىà
رائعه من روائع الجوارح
قـائـمـة الأوسـمـة



افتراضي رد : قصه ( مجنــــون ســــاره ) قصه رومانسيه وحب لغايه الرووعه لا تفوتكم (اتمنى التثبيت)

] فــديـــتـــكـــم اشتقتلكم p44p44

مووووووووووووووووت

بس اسمحولي هالكمبيوتر خرف

زعل مني لاني من مده ودرته

بس شو اسوي ارد من الجامعه ساعه 10 او 9 فليل والله

و اشكر كل ماتابعني ]



[size=4] وكل الشكر لربيعتي ميره ما قصرتي فديتج على الرساله اللي نقلتيها
**********************
]
واقول حق اللي متابعني ان باجر ان شاء الله بنزل الجزء
وبعوض عليكم

واتمنى اشوف رددودكم مع ان شوي من الاعضاء ردو كالعاده

بس عشانكم بنزل الجزء وما بقطع عنكم ان شاء الله

واشكركم حبايبي


التعديل الأخير تم بواسطة ماريا ; 01-12-2004 الساعة - 11:11 PM.
رد مع اقتباس
  #308  
قديم 02-12-2004, - 11:59 PM
الصورة الرمزية ماريا
ماريا ماريا âيه ôîًَىà
رائعه من روائع الجوارح
قـائـمـة الأوسـمـة



افتراضي رد : قصه ( مجنــــون ســــاره ) قصه رومانسيه وحب لغايه الرووعه لا تفوتكم (اتمنى التثبيت)



هلا باخواني الغاليــين

رجعت لكم بعد مده طويله

وان شاء الله الجزء يعجبكم



الجزء اليديد:

[align=right]
وبعد ظهور فهد من عند ساره وهو زعلان ومتضايق من اللي سواه خالد وطبعا فهد اللي قاهرنه اكثر ان ساره كانت هاديه ولا ردت على كلام خالد وهاللي اكدله ان ساره بعدها متعلقه بخالد ..

فهد رد البيت وهو معصب اما الريم فقاعده تشوف تلفزيون وفي ايدنها مكسرات ويحليلها مندمجه في الفلم ولا فجاه يدخل فهد البيت ويبند الباب بالحيل والريم من الخوف نقزت وشافت فهد معصب وحواجبه شوي بيوصولن لعيونه من العصبيه وراح على طول فهد فوق في غرفته بدون سلام ولا كلام والريم ولا قالت شي بس فاتحه عيونها مستغربه من فهد

والريم ما قدرت تتريه اكثر على طول راحت غرفته ولا تدق الباب وفهد ما يرد ..
الريم وهي واقفه عند باب غرفته : فهد اخويه شو بلاك
فهد ساكت
الريم بعدها تدق الباب : فهد الله يخليك رد عليه
فهد بعصبيه : الريم الله يخليج روحي الحينه تراني مب متفيج لحد
الريم : زين انا مب اي حد انا اختك فهد عشان خاطري افتح الباب
فهد طبعا ما يقدر يرد اخته الريم الغاليه عليه ..فتح الباب
الريم شافت حزن فهد وقهره
الريم بعد ما دخلت وهي تشوف فهد : خير شو صار
فهد وهي يمشي في غرفته يمين ويسار وماسك ايدينه من العصبيه : هالحقير هالنذل
الريم : منو
فهد : في حد غيره خالد طبعا
الريم : ليش شو صار
فهد : تخيلي انا رايح بيتكم ساره ولا فجاه دخل وقعد يقهرني ويتغزل بساره وجدامي
الريم مستغربه من الموقف: والله؟
فهد : واللي قاهرني اكثر يالريم ( نزل عيونه والحزن بنبرة صوته ) ولا ساره ولا علقت على شي كانه عايبنها الموقف
الريم : شو تباها تقول يا اخويه اكيد هي متفاجاه مثلك
فهد : على الاقل يالريم لو سكتت خالد او علقت على كلامه عشان احس اني غالي عندها او ان كلام خالد مب صح
الريم : ماعرف شو اقولك يا فهد بس انت تعرف ساره وطبعها
فهد : لين متى بتم جذي
الريم وهي تبلع ريجها : شوف يا اخوي بقولك شي اذا انت ما تقدر على العذاب لا تاخذها
فهد صد للريم وفتح عيونه : شو تقولين ما اخذها انتي نسيتي ان ساره نبض قلبي وبدونها انا بموت
الريم : باسم الله عليك يا اخويه ..بس اخاف ما تستانس بحياتك
فهد : شو اسوي بصبر ... ما اقدر اسوي شي وبدعي ليل ونهار ان الله يلين قلبها
الرريم : امين
فهد طلع من غرفته ونسى موبايله
الريم : فهد ..موبايك
فهد : اغلقي موبايلي وخليه عندج ما ابيه
الريم مستغربه لان فهد دومه يتصل قبل ما ينام في ساره وهالمره ما يبى موبايله وعرفت ان فهد صدق منقهر ومتضايق
الريم وهي تكلم عمرها : الله يعينك يا فهد ويسعدك ان شاء الله


اما ساره فقبل ما تنام شافت موبايلها ما شي مس كول من فهد ولا شي مب لانها مشتاقتله ولا تعودت على سماع صوته بس استغربت لان فهد دومه يتصل فيها الا هالمره وعرفت ان فهد واصل حده
وقالت في خاطرها : يمكن من حركة خالد فهد يقرر ان ينفصل عني والدليل انه ما اتصل فيه
[/align]


التعديل الأخير تم بواسطة ماريا ; 03-12-2004 الساعة - 12:12 AM.
رد مع اقتباس
  #309  
قديم 03-12-2004, - 12:15 AM
الصورة الرمزية ماريا
ماريا ماريا âيه ôîًَىà
رائعه من روائع الجوارح
قـائـمـة الأوسـمـة



افتراضي رد : قصه ( مجنــــون ســــاره ) قصه رومانسيه وحب لغايه الرووعه لا تفوتكم (اتمنى التثبيت)

[align=right]

في اليوم الثاني
فهد قام من رقاده وحس بالضيق يمكن لانه تعود على سماع صوت ساره قبل ما ينام ..فهد قلبه وايد كبير ومن كثر حبه لساره ينسى نزواتها وقرر يتصل فيها بعد ما يفطر

في اســـتــراليا
نوره وعبدالله نزلو عشان يفطرون في الفندق
نوره وهي تشرب العصير: تصدق حبيبي اني اشتقت لاهلي وايد
عبدالله : يالله ما بقى شي الا وتشوفينهم
نوره : الايام بسرعه مرت
عبدالله : دايما الايام الحلوه تمر بسرعه
نوره : هي والله ..يعني بعد اسبوع ان شاء الله بنرد .
عبدالله : ان شاء الله ..وبنرد مع ايامنا الحلوه اللي قضيناها ويا بعض
نوره : صدق كانت اسعد ايام عمري
عبدالله :ان شاء الله ايامنا تكون حلوه مب بس في شهر العسل ان شاء الله في كل حياتنا
نوره : اخاف بعد ما نرد تنسى كل شي.. ترى اغلبية الشباب جذي يملون بسرعه
عبدالله : افا والله .. تتوقعين انا من هالنوع انا اضحي بعمري عشانج ولا ارضى على حزنج واشتري سعادتج وهذا كله وتقولين انا بمل منج مستحيل
نوره ابتسمت ابتسامه خجل وفرح بنفس الوقت ودعت ربها ان سعادتنا ما تنقطع والحب يكون دايم


هند وتكلم امها وخالد قاعد وياهم ..
هند : اقول ما بجى شي على رجوع نوره
الام : قولي ان شاء الله
هند : ان شاء الله
خالد: صدق اشتقت لنوره البيت بدونها ظلمه
هند تشوف خالد باحتقار : ليش وانا مب ماليه عينك
خالد : لا ماليه عيني بس مستحيل اتين مثل نوره
هند وهي معصبه : دومك جذي دفش في الكلام ما عندك كلام حلو تقوله
خالد: والله الكلام الحلو حق اللي يستاهلونه مب انتي
هند ومنو هاي تعيسة الحظ قصدي سعيدة الحظ
خالد : انتي ما يخصج
هند : امايه قولي حق خالد خلا ما يلعوزني
الام : اوووهووو ما ادري متى بتيوزون عن الضرابه
خالد : هاي بنتج المتكبره ( وهو رافع ايدينه في السماء ) يارب ايلج واحد ويخليج تنسين الدلع والتكبر
هند باستهزاء ودلع : هه هه حبيبي ريلي بيدلعني وبيخليني ملكه
خالد : هي ملكه الميانين
الام تضحك : هههههههههه ضحكتني والله يا خالد
هند : والله شوفو هذا بدل ما تدافع عني ..
خالد : حبيبتي دافعي عن عمرج
خالد قام من مكانه : يالله عن اذنكم بروح ويا ربيعي محمد
الام : الله يحفظك يا خالد

خالد ظهر ويا محمد لانه من زمان ما ظهر وياه


اما في عائلة شيخه ..
شيخه كانت في غرفتها وهي وايد تحاتي لانها ما تعرف شو تقول حق امها وكيف ترفض محمد وتخاف على المشاكل ..
ام شيخه : هلا ببنتي بلاج سرحانه
شيخه قامت من مكانها : هلا امايه تفضلي
شيخه : شوفي يا شيخه تراني يايه اسالج عن ردج لزواجج عن محمد ترى كملتي اكثر عن اسبوع ها شو قلتي ترى مرت عمج دومها تتصل .
شيخه والتوتر بملامحها وبتردد : انا فكرت في الموضوع وصليت استخاره والصراحه مممم
الام : شو اكيد موافقه
شيخه وهي منزله راسها : لا يا امايه مب موافقه
الام انصدمت وفتحت عيونها : شوووووووووو وليش
شيخه : صليت استخاره وما ارتحت
الام : كيف ما ارتحتي محمد انسان خلوق وملتزم وبعيد عن الحركات يعني مب مثل باجي الشباب والله يا بنتي ما يتعوض
شيخه : زين بس مب مرتاحتله
[/align]

************ ( هاللي نسيت انزله لكم )

الام : شيخه الله يخليج لا تفضحينا
شيخه : ما اقدر ما اقدر
شيخه ما قدرت تستحمل اكثر هي منقهره لان الام ما تعرف ان محمد ما يباها ويبى انسانه ثانيه ولو عاشت وياه بتنظلم وايد وما بتحس بالسعاده فتمت تصيح ..وكسرت خاطر امها
الام قلبها عورها على بنتها : شيخه فديتج لا تصيحين
شيخه والدموع بعيونها: الله يخليج امايه لا تغصبيني على شي انا مب مرتاحتله اذا تبين سعادتي صدق لا تغصبيني
الام : خلاص يا شيخه ما بغصبج والزواج قسمه ونصيب اهم شي عندي سعادتج وراحتج حتى لو كان على حساب الحساسيه اللي بتكون بينا وبين ام محمد ..

طبعا ام شيخه ما قدرت تشوف دمعه شيخه وعرفت ان شيخه صدق ما تباه وهي مب مرتاحتله بس هي خايفه كيف بتقول حق ام محمد اللي من هم صغار وقايلين حق بعض وطبعا هاي مشكلة اكثر العوايل ..


فهد ما قدر يستحمل اكثر لان البارحه ما سمع صوت ساره وعلى طول خذ الموبايل واتصل فيها
ساره على اللابتوب وقاعده تكلم رباعتها عالسمنجر ولا تشوف رقم فهد استغربت وايد توقعت ان فهد زعلان وما بيكلمها
ساره بدون نفس كالعاده : الو
فهد : هلا باللي سكنت قلبي وعقلي بدون استئذان
ساره : هلا بيك
فهد : اشحالج حبيبتي
ساره مستغربه فهد مب معصب توقعت ان فهد بيعصب عليها
فهد : بلاج ساره
ساره : هه لا لا ما في شي
فهد : شو رايج حبيبتي نطلع اليوم برع ونتكلم عن زواجنا لان ما بقى الا 3 اسابيع على زواجنا ان شاء الله
ساره : اسمحلي ما اقدر لا تنسى ان العروس اذا قرب يوم زواجها ما تطلع عشان شكلها اونها يتغير
فهد: اييييييييييه على هالخرابيط انا ما يهمني
ساره : بس انا يهمني وبعدين انا بعدني ما تجهزت وباقيلي وايد اشاياء ما اشتريته يعني وايد مشغوله
فهد : زين كيف اتفاهم وياج يعني
ساره : بالتلفون شو تبى قول
فهد : مممممممممممممممم شو نسوي بعد زين بالنسبه للبيت شو عادي عندج نسكن في بيتنا لان الريم بتم بروحها حرام وبخلي الطابق الاول كله لج وبنغير الاثاث وتحت حق الريم عشان تحسين بالاستقلاليه شو رايج
ساره : عادي عندي
فهد : زين والاثاث مب لازم نروح ويا بعض نختار ترى كل المعاريس جذي يسوون
ساره : انت اختار ولا ذوقك مب حلو
فهد : لا افا عليج انا ذويق بس يعني لو رحنا ويا بعض
ساره : قلتلك ما اقدر
فهد: خلاص اوكي وبالنسبه لشهر العسل ترى حجزت وان شاء الله بنروح بلجيكا وبعدين بالقطار بنروح فرنسا تراهم جراب عن بعض
ساره وكم يوم حجزت
فهد : 3 اسابيع
ساره بعصبيه : شووووووووووو انا قلت لك وايد وايد 10 ايام
فهد : بس شويه
ساره : انا ما ابي اكثر عن 10 ايام ..لا تنسى ان امي بتم بروحها
فهد عرف ان ساره محتجه بامها ويعرف ان هي اللي ما تباه بس ما قدر غير انه يراضيها
فهد : على راحتج اوكي
فهد : وساره شو عن ششغلج مب احسن انج تودرين


التعديل الأخير تم بواسطة ماريا ; 10-12-2004 الساعة - 01:18 AM.
رد مع اقتباس
  #310  
قديم 03-12-2004, - 12:29 AM
الصورة الرمزية ماريا
ماريا ماريا âيه ôîًَىà
رائعه من روائع الجوارح
قـائـمـة الأوسـمـة



افتراضي رد : قصه ( مجنــــون ســــاره ) قصه رومانسيه وحب لغايه الرووعه لا تفوتكم (اتمنى التثبيت)

[align=right]

ساره : اسمحلي ما ابي اودر شغلي تعودت عليه
فهد : بس انا بعوض عليج ضعف الراتب
ساره بعصبيه : ليش منو قال اني اشتغل عشان الراتب شو نسيت نحن قوم منو الحمد لله ما علينا قصور اصلا نحن نحصل بالاف بالشهر الواحد شو نسيت ..وبعدين مب كل حد يشتغل عشان الفلوس لا ..البعض عندهم خير بس عشان الملل او حبهم للشغل
فهد : بس حبيبتي انتي ما بتفضين لشي بتكونين عروس
ساره : انا خذت اجازه شهر ونص يعني عادي
فهد : بس
ساره : شوف فهد اذا انا بودر شغي ترى من ذاتي لااتم تغصبني انا ما احب حد يتحكم فيه ..واذا ما عايبنك ترى بعدنا في البر يعني تقدر تنفصل عني
فهد اتضايق وايد من كلام وجفاء وقسوة ساره بس ما يقدر يسوي شي..
فهد: على راحتج
ساره انقهرت هي تبى تسوي اي شي عشان تخليه يودرها وبالعمد تقسي عليه وتشرط شروط غريبه بس هو يراضيها بكل شي
ساره : زين عيل بخليك تراني مشغوله
فهد : اوكي حبيبتي يالله مع السلامه
ساره : باي

ساره متضايقه لانه فهد بعده مصر عليها يعني خطتنا ما نجحت
ساره ترمس عمرها: يالله كيف اخليه يمل مني شو اسوي ..


الريم من مده ما زارت ساره فقررت انها تزورها اليوم عشان تساعد ساره بتجهيزاتها لزواجها من اخوها

الريم وساره وهم يكتبون تجهيزات ساره
الريم : زين وشو عن فستانج
ساره : فستان عرسي خلاص اخترته
الريم : عند منو بتفصلين
ساره : عند المصمم زهير مراد
الريم مستغربه :هذا في لبنان
ساره : زين يا حلوه سويت طلبيه على الفستان شفته في الكاتلوج وعيبني
الريم : وشو عن القياس
ساره : بروح لبنان كم يوم باخذ اغراض من هناك ترى اغارضهم حلوه وايد ومره وحده بخليه ياخذ القياس وبختار انا وياه عن الموديل
الريم : بس ما بقى شي
ساره : لا تخافين اتفقت وياه
الريم : ويا منو بتروحين
ساره : ويا امي بس 3 ايام
الريم : زين زين


*******************
وبعد كم يوم
ساره سافرت لبنان وياامها وخذت اغلبية اغراضها من هناك

اما نوره فسوت مفاجأه وردت من السفر بدون ما تقولهم وعلى طول راحت بيتهم

خالد وهند وامهم قاعدين يتعشون
هند: شفتو المتفيجه راحت لبنان
خالد منو
هند : ساره بعد منو
خالد : والله وليش
الام : عشان اغراض عرسها
خالد عصب وايد لانه ما يعرف اصلا متى زواج ساره
هند : حظها والله
[/align]


التعديل الأخير تم بواسطة ماريا ; 03-12-2004 الساعة - 12:49 AM.
رد مع اقتباس
  #311  
قديم 03-12-2004, - 12:55 AM
الصورة الرمزية ماريا
ماريا ماريا âيه ôîًَىà
رائعه من روائع الجوارح
قـائـمـة الأوسـمـة



افتراضي رد : قصه ( مجنــــون ســــاره ) قصه رومانسيه وحب لغايه الرووعه لا تفوتكم (اتمنى التثبيت)


خالد ودر الاكل وقام من مكانه
الام : ما كملت اكلك يا خالد
خالد : امايه متى عرس ساره
الام : بعد اسبوع انشاء الله
خالد فتح عيونه : شوووووووووو بهالسرعه
الام : اي سرعه يا خالد هم من اكثر عن 3 اشهر مالجين
خالد انقهر وايد وكان يبى يطلع بس سمع حد يدق الجرس


ولا المفاجاه نوره وعبدالله يايين
خالد استغرب شاف اخته نوره : نوره اختي
الام وهند سمعو خالد ينادي نوره على طول راحو يشوفون منو ياي ولا شافو نوره ..الام وايد متعلقه في بنتها نوره لانها اكبر بناتها
الام راحت تحضن نوره : فديتج يا نوره اشتقتلج وايد
خالد يسلم على عبدالله : الحمد لله على السلامه ياالنسيب
عبدالله : الله يسلمك ..
هند راحت تحب اختها نوره : نورووه صدق اشتقتلج ما توقعت باشتاقلج لهالدرجه
نوره : وانا اكثر والله اشتقتلكم وايد
الام : تفضلو قعدو
نوره : ما بنطول وايد لانه تونا يايين من السفر وبنروح بيت عمتي ام عبدالله
خالد : وليش ما قلتولنا عشان نستقبلكم في المطار
عبدالله : بعد اختك تموت الا وتسوي مفاجاه
الام : بس صدق مفاجأه حلوه
نوره : والله اشتقت حق ساره ابي اشوفها
هند : ساره سافرت عشان تفصل فستان في لبنان
نوره : حسافه كنت ابي اشوفها ..ومتى بترد ؟
هند : يمكن باجر او اللي عقبه


وبعد ما قعدت شوي نوره وياهم وسولفو راحت نوره عند عمتها ام عبدالله


*********************
اما ساره فردت من لبنان بعد ما فصلت الفستان وخذت وايد اغراض من هناك .. بس اكيد تاخذ اغراض وهي تتخيل ان اللي تاخذه خالد ودايما تقول في نفسها ( لو انت يا خالد اللي باخده كنت بكون اسعد انسانه في العالم)..
وساره ما تعرف برجوع نوره من السفر



[frame="6 80"] هالاحداث اللي صارت
وشو اللي بيصير في الجزء اللي بعده
وكيف بتكون حياة ساره وفهد وعرسهم ؟؟
ونوره شو اللي ينتظرها ؟
وهل راح تصير مشاكل بين عايلة شيخه ومحمد ؟؟
انتظروني بالجزء اللي بعده
مع تفاصيل زواج ساره مع فهد اللي الكل ينتظره وكيف بتكون حياتهم
[/frame]

اتمنى اشوف ردود الاعضاء

لاني اتشجع اكثر

وكل ما اشوف تفاعلكم كل ما تشجع

رد مع اقتباس
  #312  
قديم 03-12-2004, - 10:03 AM
الصورة الرمزية ! سجـ FAISAL ـينك !
! سجـ FAISAL ـينك ! ! سجـ FAISAL ـينك ! âيه ôîًَىà
رائع من روائع الجوارح
قـائـمـة الأوسـمـة



افتراضي رد : قصه ( مجنــــون ســــاره ) قصه رومانسيه وحب لغايه الرووعه لا تفوتكم (اتمنى التثبيت)

[align=center]هلا فيك اختي ماريا ..

والحمد لله على السلامه ..

مشكوره على القصه وننتظر الباقي ..

بصرراحه قصه قصه غريبه وما تدري وش نهايتها ..

بس توقعي نفس اول ان فهد راح يحس بالذنب بالنهايه ويترك ساره لخالد <-- حلم بليس بالجنه $32

وننتظر الباقي اختي ماريا يعطيك العافيه ..

اخوك

سجينك
[/align]

رد مع اقتباس
إضافة رد


أدوات الموضوع إبحث في الموضوع
إبحث في الموضوع:

البحث المتقدم

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

 

الامتدادات المسموحة : 3gp-bmp-cur-exe-gif-ico-jpeg-jpg-mht-mp3-mp4-pdf-png-psd-psp-ram-rar-sis-snag-swf-tif-wav-wma-wmv-zip

شات عربي الأباتشي  العاب     العاب دردشة  
الساعة الآن - 03:04 AM.



    -Site Map - google.com
- yahoo.com

Powered by vBulletin® Version 3.7.3, Copyright ©2000 - 2008, Jelsoft Enterprises Ltd. TranZ By Almuhajir
SEO by vBSEO 3.2.0
الحقوق محفوظة للجميع بشرط ذكر المصدر 2002م ©2008 م

Security byi.s.s.w

 

ترقية وتطوير klemat4web.com