غريب الوقت بطباعه ظروفه تنجلب ضدي
توهمت الأمل باقي وآثاري مابقت آمال
مشيت بدرب فيه ظلما ولا أدري وينه موديني
أتابع خطوتي وأمشي وعيش بعالم الترحال
أخلص هم من قلبي وغيره في الحشا يبدي
أداوي جرح في قلبي وحس الجرح بي لا زال
من جروح الزمن والله انا واصل نعم حدي
كفايه يا زمن يكفي من همومي مع الغربال
ترى أيام الفرح يا وقت با لسرعه لي تعدي
وأيام الحزن توقف وفيها كل شيء طال
حبيب لي بعد ما كنت أنا عنده وهو عندي
بعد عني ولا حتى لفيت وجيت له ع البال
نساني كيف مل أدري وله معلنت أنا صدي
ومدري هو سبب بعده جفا ولا حكي عذال
إذا كان السبب عذال يمين الله لا ابدي
أدور صاحبي لو سرت بعذاب ورحلتي غربال
ولكن مشكله لو كان هو متعمد بعدي
وش اللي بفعله ما دام متغير عليه الحال
تعبني بحره المغرق ما بين الجزر والمدي
تعبت وما بقت فيني على شوفه ترى آمال
وعدته بصادق الأحساس وأنا صادق معه بوعدي
وعدني ما يفارقني وفرقني بلحظة إستعجال
إذا هو عايش براحه حشا ما كون له ندي
عسى ربي يهنيه بحياته مستريح البال




*****&أتمنى أن تحوز على رضاكم&*****