قصيدة خالد الفيصل ورد محمد السديري


الامير/ خالد الفيصل

ياقلبي اللي من هوى البيض معتاذ
************** واليوم اشوف الوجد والشوق بذه

حسبي على اللي للمواصيل جذاذ
************** حبل المواصل بيننا البعد جذه

يسقي منازل لين العود رذراذ
************** يلقى بها ظبي الطعاميس لذه

الصاحب اللي عن هوى القلب مالاذ
************** لا قلت دوك القلب يازين غذه

ولانيب من هرجه كثيرً وهذاذ
************** ماشاف في ليله نهاره يهذه

عساك تأتي لي يا ابو زيد بانقاذ
************** قلبً تحذى الشور ياخوك حذه




رد الامير/ محمد السديري


اسهر بطول الليل واغضي على الحاذ
*************** وعن الصديق القلب مافيه شذه

شكواك خلت بسرة القلب تنحاذ
************** ولا عاد في قلبي من الصبر فذه

اللي يابو بندر جعل قلبك افلاذ
************** مشربك ياممدوح الافعال عذه

طفلً سهم عينه للاعماق نفاذ
************** والحق عليك بقذةً عقب قذه

ان كان مالك فيه مدخل ومنفاذ
************** له الشبك في مدهل الصيد بذه

وليا دخل وسط الشبك يا ابن الافذاذ
************** غوجك لساعات المهمات حذه


اخوكم ...