[ALIGN=CENTER]
ههههههههههههههههههههههههه

هلاااااااا وغلااااااا

اخوي فهوووووووووودي

لا تطول علينا وفي انتظارك ومشاركات القادمه

تقبل خالص تحيااااااتي

فز الخفوق[/ALIGN]

هاي كيفكم يا احلى اعضاء
كيف حالكم
<<<<<يا حبك للثرثرة اخلصي علينا
>>>>>طيب

نرجع لمحور حديثنا
<<<<<هو بدأ عشان ترجعي له

جا وقت الرحلة
و حانت اللحظة الحاسمه
<<الرجاء من جميع الركاب المسافرين على متن الرحلة 1568 التوجه للبوابه 9>>
اول المواقف الي حصلت
صارت في المطار
مو مواقف
الا قولو طاش ما طاش غلطو لما ما صورونا هذاك اليوم
المهم يا طويلين العمر
رحنا عند بوابة 9 و كانت الساعة 6 المغرب
قالو تأجلت الرحلة الى الساعه 8
قلنا طيب تحصل
<<< الاخت عملت ضجة تبي تروح السيف تشاهد فلم في السينما و ترجع
>>> ما شاء الله عليك رايقة والله
<< الرحلة كانت من مطار البحرين>>

و جات الساعة 8 و قالو على جميع الركاب التوجه للبوابه رقم 12
و من بوابة لبوابه ديرة
و معنا بزارين و عفش اولي و خرابيط ما لامها الداعي
رحنا و قالو تأجلت الرحلة الى الساعه 11
<<<<مزاجيه ساعتها عصبت قالت لو رحت اشاهد فلم كان ابرك لي
المهم عصبو الاهل
و الرجال راحو يستفسرو من واحد مسطل مسؤول عن بوابة 12
قالو له كيف كذا كل مرة من بوابة و تتأجل الرحلة
عطاهم ذيك التكشيرة و قال احمدو ربكم اني ساعدكم
<<امحق مساعده مالت عليك و على هالخشه
و جات الساعه 11
وسألنا عن الرحلة
قالو تأجلت الى الساعه 12 و راح تكون من بوابه 15
<<<<<<<<<جن جنونها

اخر شي
و لما خلص الصبر جا الفرج
و فعلا كانت الرحله الساعه 12 بالليل
<<<<<<<جاتها صدمه كهربائية لما عرفت انها على متن الخطوط الايرانيه
قلت لوحده من البنات ليش كذا وين راحت شركة طيران الخليج
قالت والله سامحونا دورنا حجوزات و ما لقينا و خبرك اجازات والدي و والدك بصعوبة يلاقوها و جدتي مطفوقة على ما تشوف اخوها و عياله
<<<<<< قلت في نفسي ايه معليه جدتها تنطفق على اخوها و عياله واحنا ننصدم كهربائيا
قلت وععععععع الخطوط الايرانيه
<<<<<<بصراحه تشهدت على روحي اول ما جلست في الطياره

المهم
و بدأت حلقة طاش ما طاش الثانيه
و كان معنا واحد في الطيارة نفس شكل سعيدان شوي ينكت و شوي يتمسخر على خلق الله
و ما ترك احد في حاله
و بدأو مجموعة شباب يلعبو بخلقة المضيفات الايرانيات
تعليقات و سخيرة لاذعه و يضحكو
و المضيفات لهم الله يضحكو يفكرو انهم يمازحوهن
<<<<<و هي مزاجيه قاعده على نار في الطيارة جلس وراها رجال شيبه و كل شوي يمد رجله
قرفني الله يقرفه
اخر شي ناديت اخوي الصغير جلس يتحلطم و يقول بابا عيب ما يضايقو العالم
اخر شي هربت من مكاني
بما ان الطياره كان نصفها فاضي تقريبا
و انتهت الرحلة المشؤمة على خير
وصلنا مطار ايران
شكله اللهم يا كافي يخرع
خلصنا اجرائات و كانت الساعه تقريبا 2.30 او 3 منتصف الليل
جا واحد يأشر اخر شي فهمنا انه يقول يلا خذو عفشكم و اطلعو من المطار بدون مطرود
والله حاله اول مرة اشوف مطار يقفلو بواباته
و طلعنا بره
تورطنا
ما نعرف احد
و ما في احد نتفاهم معاه
و في اوراق كنا مطلعينهم من النت فيها عناوين و ارقام كثيرة و اخر شي نسيناهم في البلد
تفلسف واحد من اصحاب اللوزمينات لقى حاله يعرف كلمتين انجليزي جا ينفخ حاله
و قال بوصلكم الى فندق و بخذ 100 دولار عجبكم .. عجبكم ولا اذا ما عجبكم انزلكم و امشي لان دوامه انتهى
قال الوالد والله ما يطولها خل يقلب وجهه
ولا شافنا عرب يبيع و يشتري فينا
المهم
اخر شي تفاهمو مع واحد ابن حلال و قال بيوصلنا الفندق بسعر انسب
في اللحظة الاخيرة لما وصلنا عند بوابة الفندق سبحانه ربي
لقينا ورقة في شنطة الوالده رقم واحد بحريني عايش في ايران عنده شركة سياحيه
و اتصلو عليه من الفندق و عتب عليهم وليش ما تتصلو اول ما وصلتو و ثرثرة ما لها داعي
المهم قال لهم يخلو سواق اللومزين يكلمه عشان بيقول له يوصلنا فندق فيه عرب يشتغلو
و اخيرا وصلنا مكان بنرتاح فيه
و حجزنا و استلمنا المفاتيح ورحنا
يا دوب صلينا و نمنا

مغامرة اليوم الاول في الحلقة القادمة
بااااااااااااااااااااي


تحياتي
فهووووووودي