مجرد خواطر تنتاب رأسي الصغير المتعطش للأمان ..
فلا تنتقدوا .. حنيني .. فكل منا بداخله ما يجذبه للماضي..
*******
يا زين سوالفنا .. وأيامنا أول ..
نفرح بجمعتنا .. ونستعذب ريحة قهوتنا ..
في الفجر ..
يصيح المذن .. ويرتفع صوت رجالنا يهللون ..
وما نسمع غير ذكر الله .. يرددها شيابنا ..
وشبابنا خايفين .. يفوتهم .. فرض أو ركعه ..
وللمسجد .. ساعين ..
وصغارنا يتسابقون .. مين يوقف جنب أبوه .. والا أخوه ..
دين .. أيه دين .. تربينا على عقيده صافيه وقرآن مبين ..
يا زين حريمنا أول ..
تقوم قبل صلاة الفجر .. تعجن العجين .. وتشب التنور ..
وتخبز الخبز .. ريحة ملابسها المسك .. وعرق عنبر ..
وتغرز بشعرها .. كم خوط ريحان وتحت الطرحة يبان المحلب ..
وما غير على لسانها .. دعوه هدايه وصلاح .. لعيالها ..
يا زين بناتنا أول ..
يرسم الخجل على خدودهن .. رسمة رضى وقوة عفاف ..
حياء .. حيل يستحون .. ولجدايلهن .. يظفرون ..
ترمي الشعر خلف ظهرها .. مثل الحرير بملمسه ..والليل بسواده
بناتنا يلمعون .. رقة وجمال .. وبشرفهم .. يبرقون ..
يا زين ليلنا أول ..
كسرة خبز وتمر ... وقهوة بالزعفران والهيل تفوح ريحتها ببيتنا
ولمة سمر .. وفنر .. وسعة صدر .. يتغزل ابونا .. بأمنا
وحيل نخجل .. نستحي ونفز هاربين ما تسمع الا صوت ..
ضحكاتنا .. ونخليهم بروحهم .. مستانسين ..
يا زين جيراننا أول ..
طيبين ما يفرق بينا سور طين .. ولا نهتم وش تحتنا لا هو حصير
نوصل بعض .. نهدي بعض .. نحب بعض .. ندافع عن بعض ..
ايه مقتدين .. بوصية حبيبنا .. الامين ..
يا زين وقتنا أول ..
وكل اول .. تحول ..
بدلنا حمارنا .. وحنطورنا ... بفياغرا !!
والفياغرا جرت لنا .. مسميات غريبه .. منها قنبلة .. وحروب !!
وش أخذنا بوقتنا هالحين ؟؟؟
غير الالم .. والظلم .. والخوف .. والظيم ..
ليه نحفر قبورنا بيدينا ..
ونرمي ماضينا خلفنا ..
انتوا معي .... أنتوا معي ..
أن ماضينا أزين .. أن اول .. أزين ..
أبي ماضينا
أبي سوالفنا
أبي تنورنا
وجيراننا
ودعوة أمنا
ابي خبزنا وتمرنا
وراحة بالنا
والفياغرا مابيها ..
ابي يرجع ..
حمارنا !
12-11-2002, - 12:49 AM
مابي الفياغرا ... أبي حمارنا !
