الشوفه الشرعيه وليلة فرحك

[align=center]شوفو مثل ما وعدتكم بنزل اول موقف بالشوفه الشرعيه

هذي وحده من معارفي بعد ما خطبت واتفق اهلها مع اهل المعرس حددو يوم يشوف فيه المعرس زوجته

المهم ابوها كان خايف ع البنت من الربكه وانها تسوي شي غلط يفشلها قدام زوجها فصار يعلمها ويقولها شوفي يابنت

من تدخلين انا بجلس هنا وزوجك هنا ويعلمها المكان وطوال الاسبوع كل يوم يقولها شوفي يابنت انا هنا وهو هنا البنت من كثر ما يكرر ابوها حفظت المكان وما نسته الى ما جاء اليوم الموعود وجاء المرس

دخل المعرس المجلس وابوها ما عرف يتصرف ويجلس الرجال بالمكان اللي قاله للبنت وجلس المعرس بمكان ابوها وجلس ابوها بمكان المعرس يعني تبدلو بالاماكن

البنت ياعيني عليها ناداها ابوه وقالها يافلانه ادخلي
جت البنت تسرع وتجلس ع لطول بالمكان الي قال ابوها انها مكانه يعني صارت جنب المعرس
وهي خجلانه وراسها بالارض وهو خجلان وراسه بالارض

المهم ابوها تضايق لانه جلست جنب زوجها
صار ابوها يقول
يابنت ارفعي راسك خليه يشوفك وهي من كثر الحياء مو عارفه الصوت من وين جاي وعلى بالها ان ابوها اللي جنبها فنزلت يدها وقرصت ابوها يعني اسكت لا تقول شي
والمعرس تفاجاء ليش تقرصه بس ساكت ما قال شي

ويعيد ابوها
يابنت ارفعي راسك
وهي تقرص في المعرس المسكين وتقرص وتقرص فيه الى ما قال ابوها خلاص روحي
طلعت البنت وراح المعرس وجاء ابوها وصار يهاوش ليش تجلسين جنبه ما تشوفين وقتها عرفت ان اللي تقرصه هو زوجها مو ابوها

وبعد ما عقد عليها وفي حفلة الخطوبه سألها زوجها ليش كنتي تقرصيني يو م جيت اشوفك ومن جد البنت ما عرفت شتقول له وتمت ساكته وفشلانه منه

وبعدين اجي اكمل لكم مواقف باقي العائله الكريمه
مع السلامه[/align]

[frame="2 80"]هلا والله

"دموع القمر"

موضوع رائع وجميل مووووووووووووووت

والقصه موتتنى من الضحك خخخخخخخخخخخخخخخخ

وبالنسبه للموقف ..

أذكر بنت خالتى خطبها واحد وأتفقوا أن يجى هو وأمه يشوفها .. وأتصلت علي كل البنات الشله ومنهم أنا نجى ونكشخها ونحظر معاها ..

المهم .. أجتمعنا وجا المعرس وأمه ودخلنا أحنا البنات تقريباً 6 بنات وطلعت له كاشخه وجلست شوى جمبه .. وكانت الغرفه بجمب الصاله وأحنا محكورين فيها .. وكل شوى نفتح الباب نطل عليهم ..

ونضحك بصوت عالي والمعرس يتلفت مو عارف الصوت وين وهى أتخز فينا وتغمز عيونها لنا ..
والمعرس موعارف هذى الاصوات من وين ..؟

وفجأه وحده من البنات دزتنا وأحنا مجتمعين عن الباب إلا كل أبونا طايحين عندهم بالصاله ..
مسكينه البنت عصبت ونزلت راسها والمعرس مات من الضحك بصوت عالي وأحنا نركض للغرفه ونضحك ...

ودخلت علينا وضربتنا ضرب ..

والحين تزوجوا وكل مانروح لها بالبيت ونشوف زوجها يموت ضحك يقول والله ما انسى أشكالكم .................

والله هذا اللي تذكرته والمواقف وااااااايد ..

يسلمووو دموووعه غلاتى وننتظر جديدج ..

عسل ..[/frame]

[align=center]

هههههههههههههههههههههه #28هههههههههههههههههههههههههههه

هههههههههههههههههههههههههههههههههههههههههههههههههه ههههههه #26

هههههههههههههههههههههههههههههههههههههههههههههه ه هه ه

الله يرجكم كلياتكن #28

و ربي مواقف تضحـــــــــك

تسلمين دمووعه حبيبتي على الموضوع

و ننتظر سوالفكم#29

بصراحة انه ما عندي سوالف كذا و لا شي $36

انتو الأكبر و انتو اللي عندكم السوالف و الخبره $32

الموهم ما عليكم مني $38

شكرا مره ثانيه دموع;)

و ننتظر مشاركات من الباقيين@18

تحياتي


p42p42p42
[/align]

[align=center]بنات وينكم ماتشاركون[/align]
[align=center]عموما احب احيي عسل والموقف مره حلو وبعدين تستاهلون ليش تقزقزون مو عيب عليكم

اسيره مشكوره حبيبتي ع الطله بس عيوني مو ضروري مواقف قولي لنا عن افكار جديده بالزواجات تفيدنا حبيبتي


طيب شوفو بنات بقول لكم شي

اليوم بالدوام ملل شوي الاستاذ ما حضر فجت بنوته اموره بس مو مثلي انا اموره اكثر منها <<هع هع

المهم بنات صارت تعلمنا عن زواج اختها بس من جد عجبتني افكارهم تمنينت لو حضرت الزواج وشفت بعنين كان دخت من جد

تصورو البنت تقول ان فسات اختها دخلت فيه الفرو الابيض اللي يعطيك مظهر الثلج
وبعدين المدخل عدلوه مثل الكهف الثلجي ولما تدخلين بالصاله تكون الطاولات كل وحده عليها مفرش ابيض وقطع قطه مظهرها ثلجي والشمعدانات ثلجيه

كان كل شي الصاله يوحي انك بالقطب الثلجي حتى الكاسات والصواني كل شي كل شي

المهم لما جت الزفه طفو الانوار وبدا ينزل على الحضور قطه قطن صغيره كأنها ثلج يتساقط عليهم

والورد اللي رشوه على الممر كان ابيض وطلعت العروس

ولما جت على الكوشه فتحو الستار وكانت مفاجأة الكوشه كوخ ثلجي تطلع العروس عليه وتجلس فوقه وثلج من الجوانب والله احس انه حركه حلوه وغريبه اول مره اسمع عنها

وان شاء الله لي رجعه واسولف عليكم

مع السلامه[/align]

[align=center]

هاااااااااااااااي قييييييرز

هاور آر يووو

واااااااااااااااااااااااااااااااو

بصراحة فكره رهيبة دموعه

و غريبه صراحة اعجبتني حركه القطن اللي يتساقط لما يت العروس ..

عندي طريقة لعرس فكره تيين ..

ششوفوو بخطوبه رفيجتي سوو البطاقات و الكوشه و طاولات الزوار و فستان العروس

كلو طقم ..

كانت بطاقة الدعوه عباره عن قصة شهرزان بس بدل شهرزان حطو اسم العروس

و كانت البطاقه مرسوم فيها بخط يد بنت يمها قفص و فيه عصفورين وورد يعني منظر جميل نعومي

انزين و كانت طاولات الزوار كان عليها قفص و في داخله باقة ورد و شموع مسويين فراش الطاولة مثل فستان العروس

و كانت كوشه العروس بصراحة ما انتذكرها بس كانت رووووعه

كانو حاطين قفصين و فيهم عصفورين و كان المسرح كله ورد حلوو

و كرسي العروسين كان من خشب كأنه كان منظر طبيعي

و لما دخلو العروسين طبعا

شغلوا العروس بصوتها تقول بطاقة الدعوة الي كأنها قصة ..

خلصت .. موسيقى كلاسيكي اول شي بعدين اي احد من اهل المعاريس يحطون السجاد الأحمر

بعدين الدي جي الزفه و يمشون عليه و كل الاهل وراهم

طبعا يطفون المصابيح و يشغلون الشموع الي على الطاولات

كان جو رومانسي يينن ما تتصورون

و شكـــــــرا

لي عوده مع مواقف ثانيه

تحياتي

[/align]