والله اني اطقع واحد خخخ قصدي اطلق واحد

السلام عليكـم ورحمـه الله وبركاته ونعم الوكيل وسهلا جزيلا >>> مسـوي اخـلاق من اولها

قبل كل شي انا عندي سؤالن صغيرن
الحين انا سمعت عن صرقعت الجوارح
وانكم تنافسون ( اخاف اقول اسم المنتدى وتقولون دعايه وتطردونني ) خخخخخخخخ
وينها هالصرقعه ؟ ماشفت شي خخخخخ كل المواضيع منقوله ولا من زين الفطسه ماتكتبون منقول خخخخخ

بس عادي تمووووونون << كل تراب بس

المـهم انـّـي كتبـت ذا المــوضوع اعجبـكم والا ما اعجبــكم في حريــقه <<<(( يمـون وخربـها ))
* / / / / / / / *

كـان الشـاعر الكبيـر والمخضـرم واحد طش واحـدن من اكـوس (1) شـعراء القـرن العشـرين اللي هــو انـا وكـانت الشـاعريه والشـعر لاعنتـن والديــني من يـوم كنـت بـزر حـتى يوم طلـعت من بطـن امّـي كان معـي قـطعه من قصـب الصــلاخ(2) حـق اخـوي التـؤام الــلي اغتلـته فـي بطـ امي لانـي حســيت انه اطخـم وراح ياكـل الجـو علـي المهــم طلــعت وانـا رافـع يدي ومعي قصـب الصـلاخ مسـوي فيــها سـبحه وفـمي مفــتوح تـقول بوّابـه بنــده حـتى صوتـي وانا ابتسي تحـس انـه موزون يعـني شـاعر منذو نعــومه شــعري(( انعـم لحظـات شــعر حيـاتي الشــعرتين اللـي طلــعت معـي من بطـ امي بــعدها اطلــب اللــه فالشــعر يطلبــك الحــل ))

وكــلما كبــرت كــبر مـعي شــعري ما كنــت اـبي اكـون شــاعر بــس الشـعر حـس انـي انا اللـي باعيــد امجــاده ولـزق لـي وحجـــّـرت لـه (3) ومـن ذكريـات طفــولتي انـي كـنت كاتـب بالقلـم الفلومســتر عـلى الرضـاعه كـم بيـــت تقــول

عســـاك يا رضــاعتي فدوه امـي0000000اللــي جحدتــني باللـبن زاد همـي
حبـك يخالط فالشراييـن دمّـــــــي0000000امـري يا قلبـي وانـا اقـول سـمي
ابيـع خالـي وخالتـي وام عمـــّي0000000لاجــت شــفايف حضــرتك يـم فـمّي

تحســون انـها ماصـارت رضـّـاعه لـوحه حائـط ذي بــس انـا كـنت صـغير وخطـي بعـد كـان صـغير ((عـــاش مصـرّف))

عــرفت مـره عـلى واحــد ســوري اســمه احمـد واختـه اسمهـا هـند كــانو ايــامها دوبـهم داخليــن اولـى ابــتدائي كـنت اصـغر منهـم بســنه ولا لـي خـلق دراسه اصـلا مــرّه صـار بيــننا خــلاف ونقــاش حـاد لان السوريــين متاثريــن بالغـرب اجـل يقــولي ابـن السوريــه الام وظيــفتها تحمــل فينا وابي وزيفتــو يوديــها عالمسـتشفى لــما بتولــد بعديــن نكبــر شــويي ونتحمــل نفســنا ما الن دخل فيــنا قــلت يجيــك العــلم بكــره يا الســوري ورحــت جهــزت لي كـم بيــت وجبــتها لـه ثـاني يــوم اقــول فيــها:::::

الـف بــاء تعــني اب000000هــو في عيــني احــلى قــرم
والـف ميــم تعني اب000000 هــي في عيـني احلــــى ام

ملاحــظه::: في الشــطر الثــاني كتـب اب وهـي ضميــر مســتتر تقديــره ام وضــعت اب حفاظـا على وزن القصيــده وعــلى اســم الوالده وكتــبت القصـيده باللغـه العربيــه الفصــحى نظــرا لاخـتلاف اللهــجات
يـوم قــلتها للســوري فغـر فمه وقال شـو هيدا تلاتا باللـه العزيـم انــّك شــاعر كبيــر واخذها ووداها يوريــها المدرس حقــه مــن يومها اعتمدو ذا القصيــده واسـم احمدو اختــه هنـد في كـتب اولى ابتــدائي

بـس يوم بديـت اكبـر شـوي دشـرت وطـحت فالدخـان اللــه لا يبــلانا وسلك شـعري طريـق ومســلك اخر وترك شــارع الحــوامل ومســك طريــق المـــوت >>>> يا قديم وكان كل العيـال عارفيـن اني شــاعر وانـّـي صــتيمه(4) وخقـو مع قصـيدتي اللــي كتبــتها لــواحد من العيــال كنت ابنشـر ســيارته الصـبح وبعـد الدراسـه ما يـدري الا محضـر عند راسـه بالعفريــته مســوي اسـاعده هـو موب زاحف بس انـّه حـلو ومســوي زاحف يـدخن ارسـلت لـه ذا الابيـات

عطنـي زقـاره تـرد الـروح00000 وتـداوي الخـاطر المجروح
هــموم قلـبي تجـي وتـروح0000وانـأ فالليـــل وحــدانــــي
ميــريت والا من ابو بـــٍس00000الميـريت ادخنـه ولا نـي احـس
خفــيف ولا يكيـّـف الا ابو بس00 وانـــا فالليـــل وحـدانـــــي

مــن يـومها اعتبــروني شــاعرهم الاول وان المتنــبي ما يشــفط معي ولا ياكل معي عيش لدرجه انهم شـكو انـه سـارقن قصـايدي ومســوي فيـها شــاعر ((والله اعلــم))

مــرّه حشـرني مدرس لازم يا طشش تنـزل قصــيده في مـجلـه ســويت نفسـي ارفـض ((اغصــبني واتتغيصــب)) وفالاخير وافقت نزل القصيده اللي كانت من اكوس قصائدي وكتبتها في شغالتنا ميري وباقول لكم بعض الابيات منها

مــيري احبـك يا ظـــبي العدالــه000000وانــا احبــك ما احســب للخســاير
امــر بالسيكــل واســوي غزالـه000000وكم نوبــتن اقــبع واهــل العبـاير
اكتــب عليـها عاشـقك للثمالــه0000000واكتـب على الجدران وحتـى العواير
وحـده بوحـده كـان عنـدك عدالـه00000تبطلـي غيــبه وابـطل زقــايــــــر

نزلت القصيده وكل يوم مجلتن داقتن علي يبون يسوون معي لقاء صحفي وانواع السيفونات قال يا اما تجيني صحفيه حرمه تسوي اللقاء والا مابي المهم بعد فتره الا ذيك السوريه جايتني في البيت ومعها واحد سعودي مسوي محرم صرفته فالمجلس مع العيال وهي راحت تسوي معي اللقاء الصحفي في المقلط وباوريكم قصاصه من ذلك اللقاء

طششش شــاعر وصـل للنجوميـه من اقصـر الطـرق سـلك طـرق الحواري للتضــليل على الشعــراء حتـى بلـغ اشـاره النجوميه بدون تفاتيـش كان لنـا معه هذا الحــوار والسـبق الصحـفي


حــوار:ليـليان ابو شامـه تصــوير: الهــادي بو فلقـــه
الشــاعر طش الســلام عليــكم؟؟؟
عليـكم الســلام ورحمــه اللــه وبركــاته
كيــف حالك؟؟؟؟؟
الحــمد للـه ورحمــه الــله وبركــاته الزبــده
بطـاقتك الشخصــيه لاعزائنا القــراء؟؟؟؟؟
اقــول شــوي وتطلــبين الاستــماره والرخصــه واثــبات تــفويـض قياده ((مسوي فيها متحمس ولا ابي اطلع اسراري للصحافه))
استـاذ واحد طش هـل تحاسب نفسـك؟؟؟؟
واللــه احيـانا احـاسب واحيــان قــطيه واحيـان كثــيره اسجـل على حسـاب الوالد
منــذ متـى وانـت شـاعر؟؟؟؟
منذو نعومه اظفاري وانا شاعر ويكون في علمك تراني احسن شاعر قسمن بالله<<قالها وهو بدا يخق معها
من من شــعراء الجيـل الحالي يعجبـك؟؟؟؟
يعجبني الشاعران الكبيــران عبيد ابو طاقيه واسيـر المفطح والشــاعرتان الفذّتان زنوبه والشــاعره الكبيــره زبيريه
كلــمه اخيـره توجــهها لجمــهورك قراء المجلـه؟؟؟؟
اشــكر كل من ساندني ووقــف معـي وانا جالــس ولمعجبيني ومعجباتي هذا هو رقمي 0505؟؟؟؟؟؟((مشـفر)) واللي يبيني يكلمني واللي ما معه رصيد يدق دقه ويقفل وانا ادق عليه وترى الرقم ماهوب للبيع

توجهــت بعدها لشـعر المديــح لانني كنت مطفـر فتوجهت الى قصـر احد الامراء وقـلت لـه بالحـرف الواحد مسا الخير طال عمرك وسلمت عليه وطقيت على صدره وقلت وينك يالقاطع <<مسوي فيها يمون ..قـلت اسـمع يا سنايدي

انــت الكبيــر وباقـي النـاس ورعان000000انـت البـلاك وباقـي النـاس بيــره
انـت الاميـر وباقـي النـاس رعيــان0000000هجمتــك لــو تهجـم لحالك خطيره
يا صاحبي اســمع كلامي يا بو فلان00000صاحبك حاله حال ياللــه تجيـــره
الجيــيب فاضـي صرت ياخـوك طفران0000يالله عســى تفـتح لي ابـواب خيـره

بعد هذه القصيده صرت خويه الخاص ولا يمغط ظهره سموه الا وانا معه لين حصلت على العديد من الالقاب اهمها

فيـوز الشـعر الشـعبي__ الشــاعر الكويـس__ احسـن واحد__ الفــلّـه__ اللي ما يشفطون جنبه الشعـراء__ خارش نزار قبّــاني__ الكابتن طش __ عاشـق القـوافي المحبـوكه__مصروع المحبـه0

والعديد من الالقاب الاخرى اللتي لم تزدني الا تواضع <<<امش يالرسمي
التفت فجأه الى نفسي مالقيت احد لمي لا حبيب ولا قريب غير سموه ذا الله يشغل مندوبه وعانيت من فراغ عاطفي يهددني ويهدد اجواء الرياض
وسلالالالالامتكم

((1))اكــوس:::: من (كويس _يكوس_فهو اكوس) اي احسن
((2))قصب الصلاخ))::: هو عباره عن حبل من اللحم في الغنم على شكل دائري تسن فيه ميله يم المربع
((3)) حجرت له::: حجزته وننشبت لوالدينه من ( حجر_يحجر_فهو يحجر له) اذا فهو لزقه
((4))صتيـمه:: قوي الشكيمه وهي من افضل لغات زاحفين الرياض عام 1410 ومعناها ماعلي من اطلق شنب


الزبــــــده وما يســتفـــــاد:::::
1_ ترى القصايد اللي مر علي من بيت قبل واللي حطيته وكل بيت عموما اضيع من اللي قبله لاحد يجي يقول سارقن قصيده فلان
2_و3_و4_.......الـى مالانهايه:::: اكـذب وانصب على راحتك بس لا تحلــف باللـه انك صادق

والســلام عليــكم........... الخ
محدثكم من غزه الزير واحد طــــــــــشش