................الرحيل................
عشت الحزن
ومريت العنا
ثم خاواني
شربت كاس الألم
سم الجروح
والأمل ما صفالي
ارتويت الياس
والصوت مبحوح
وصدى الذكرى يراودني
ابكي الدمع والعين تبكيه
وسيل القهر همالي
اسمع عن الحب ولا لي فيه
الا قلب فقدته من زماني
ولا عشقت ولا رغبت بعده
الا قلب ملكني واحتواني
غنت اطراف الجفا
وهز امتونه العنا طربان
واحتسى خمر الكآبه
فوق ما هو منه رويان
تعانقت سيوف الكروب
وتراجعت ثواني الهنا
وحانت ساعة الاحزان
بعدها لا تلومي
من يموت ظميان
مهاجر بين القبور
كل ليلة
طايحٍ قدامي
وجدان الحزن
مالك بين قبور الجروح
موطى للاحزان
كل الامواااات قلبي
والقبور كلهاااا غراامي
وينك تشوف !!
الاتعال..ماودك
ترثي ثرى حبي!!
من حالي سما الحب تبكي
اشكيها وابين لها جرحي
وترجع ثاني تطمني
تبي تصبرني
او تخدعني
عادي عندي ما تفرق
طعون الجفا توها
بعروقي تسري
املت الهموم صدري
وذبحتني عيون العنا
دايم بغرور تتبعني
تعبت اعيش الشقا
مليت انا شعور الاوهام
احيا واموت الحزن
ويعيش الحب بعيد
بعيد عني مالقيته
يا نوف دوري بهالعالم
كل الم
تراي موطن له وسكن
وذات الوفا مرهون الايام
يا نوف علميهم
كيف كانت الغيم؟؟!!
يوم الحب من عروقنا نشله
يوم حنا رمينا قلوبنا
للي ما عطو سمو الحب
حقه وقدره
آه.. آه
ياكل ما يحويني اليم
لا تنتظر هالوقت يوم حنين
ويا همس ما به جديد
غير البكا..والشقا
وزاد فوقهم حزن
فوق ماني حزين
قطار الوعد عديته
مالقيت الوعد قدام
اسحب اوراقي الجريحه
قبل تغدي نهايه
تعبت من النهايااات
من شافني قال ..
كم له بدايه؟؟!!
قلت لك يا شوق
محتاج لك
بينت لك حبك
اخترتك من بين الناس
وانت ما اخترت نفسك
قلت احبك ولو هوجاس
وانت ما رضيت الا تشكك
اتعبتني وانت داري
اني اصدقك
قلت لي الايام
والايام عمرها ما توفي
لا بحقي ولا بحقك
انسى اني احبك
ولا تنسى اني اغليك
وبين الحب والغلا
احتاج لك
حتى لو حنيت انا للرحيل
حاول ولو بالذكرى اضمك
وآسف يا جرحي
ويا جرحك انا آسف
لو بغيت تذكرني بشي
قل الحزن ابرز مزاياه
وانا ان ذكرتك بشي
بقول كتمانه عييا عن كل شي
بجي انا وكلي لمسرح الخوف
واشيل معي وزر غيري
وغصب اخذ شهودي
وشهودي ادموع
ما هي هزيمة ولا هي ندم
دمعة تشهد .. ودمعة الم
دمعة تنهد .. ودمعه تلم الآهات
اقفلي ستارة الموت
مشهدنا ما قد حصل
حلم يا علم
وهم يا حقيقة
بلجمهور ابتدينا
وبلا موعد انتهينا
نهاياتي ملكتها لك
وروحي وهبتها ليدينك
عرش الوفاء اهتز بخوفك
ومات اللي عاش لدقايق
واسي قبري
ولا عاد تقولين رجعه
جعل الندم يصفالك
ماهو دعا قلبي عليك
بس هذا ضميرك يقولك
اصدق من اول لو قلت
انا تعبان
واكذب البشر لو قلت
انا لك سهران
اعاني والعنا ذوق
له من الجروح الوان
ولروحي دايم شفقان
يا قلبي الوافي
كف البكى
خل العمر حرمان
وش عاد فيها
كل المشاعر
بعالم الانسان نسيان
نتوه
نرتوي مرالزمان
نعشق اوهام
ونحب احلام
والأمل ميت
والحزن بايت
والالم قدام
راحت الموت راحه
رغم الفراق
الا انها راحه
تندم يا ذاتي
وشد الرحيل
قبل لا ترتخي لجرح ثاني
قص الغرام
واعتزل شوق الهوى
واصرخ بصمت
يا شقى الوافي
ابعد عن العالم بعيد
ما به من الدنيا غير الاوهام
اترك كل الوصل وخل الوريد
يمكن صدى الموت صادك
والا رغبة جموح الخوف
ترد لك احسابك
ما يفيد ..
لو كل احروفك رجا
ولو كل صوتك وصل
لو اختفى النفوذ
ولا ظمى قاع الخليج
ما يفيد .. ما يفيد
الميت غير الدعا
وصيتي لك خوفك اعتني به
وحبي علقيه ببرواز الوقت
بين كل وقت وزمان اذكريه
بمضي وانا كلي هلاك
ساري الفجر
ما يلحق غروبه
ادري كلامي هزه البوح
وآخر حروفي يتيمه
اما انا يا نوف
مالي معك كلام
ذبحتيني بسكين
ما هي حديد ولا غيره
ملكتك الروح وانتي دهستيها
وش تبين
تبين اركع واقول سبحانك
والا اسجد بين ايدينك عبد ذليل
يلعن ام الشعر والقصيد والنثر
اذا نلعب به لعبة مشاعر
والعن ابو حرف يمثل به احساس
علي لا تسئلين عقب ذا اليوم
مت وانتهيت والله
من فوق الملا حسيب
ان كنتي تهوين تعذيب البشر
يكفي .. ترا الميت
ما يستجيب للتعذيب
يله .. انا عنك
انا الغلطان
وانا بعد ما استاهلك
من هو انا عند سمو ذاتك
تعبت الكتابه
وادميتي العين من حروفك
عزاه ما عرفتيني
وما وصلتي لقلبي الحافي
كلك نظر .. يا بنت الاجواد
وانا تحت الثرى بلقى مصيري
يا ارضها واسمها
يا حبها ويا عطفها
يا جدها وهزلها
يا وصلها ويا جفاها
يا بعدها ويا قربها
يا سيفها ويا غمدها
قد البحر انا تعباااان
يـا أنـا الـرحيـــــــــل
؛
؛
؛
تنزف
وجـدان الحـزن
الـمـعـنـى
مجنوووون الحب
1
16-11-2002, - 05:35 AM
الرحيل
