[align=center]
السلام عليكم ورحمة الله وبركاته ...
اخوتي الجوارح الاعزاء سمعت هذه الخاطرة
الرائعة للشاعر جمعة بن نايم الكعبي واحببت
كتابتها لكم هنا وفي نفس الوقت هناك
بطاقة فلاشية لها في قسم فنون واهداءات
وان شاء الله راح تعجبكم
تحياتي
ــــــــــــــ
يا شاطرة
يا شاطرة وأنا مسافر غربتي
مرت على بالي خاطرة
كتبتها رددتها في الثانية
فجر السهر في ليلة وقت السحايب ماطرة
برق .. ورعد
أتخايله من غرفتي
ثلج.. وبرد
وصوت العواصف هزني
حاولت ألملم ما بقى وقلب عليل يشتكي
وصوت المطر منهو يطيب خاطره
اضحك ألم اضحك.. جنون صابني
والا تهلويس الهوى ما أوصفه
ما وصفه لانه عمر.. ما أوصفه لانه وفى
عطيت عمري بالوفا لانسان ما هو يعرفه
ما يعرفه لانه وفى
وما هو من طبع الوفا ..طبعه الجفى والفلسفة
قلب عطيته دنيتي..وبكل معنى دنيتي
يجرحه ويضحك لي غدر ..وروحي لحبه صابرة
يا شاطرة
يا شاطرة حبلج تبين لي قصير..يكفي عنا ..يكفي ألم ..لا تكذبين
ابسالج وش ذنبها روح وفت . روح عطت في حبها طول السنين
لا تسأليني وش عرفت..ومن وين أنا عنج عرفت
ما هو ضروري تعرفين . بس المهم أني عرفت
أنج معي وكنتي تعرفين بعناي وكنتي لغيري تهمسين بغيبتي يا غادرة
نعم طلعتي غادرة ..واكبر من انج غادرة
وش تعرفين إلا الدروب الموحشات الجارفة
دربج طويل ابشرج .والوقت يكشف ما خفى
وأنتي وأنا وهذا الزمن والسالفة
إن طال وقتج وان قصر ..حطي في بالج
من شغل بالج وأنتي عارفة
ومنهو أنا اقصد تعرفين
يا من اسر قلبج معه وصرتي لعينه الآسرة
يا غادرة كنت بوهم صحيت من ذاك الوهم
وكلي ألم .. كلي الم ..كلي ندم
وخايف عليج من الندم..لا صار يجرحج الندم
وأنتي على درب الوهم
تدرين ليش؟
اعلمج
لانج وهم وخوفي يعذبج الزمن
لو تذكرين أيامنا ..وتنزل دموعج لايمة
يا خاسرة
استأذنج
استأذنج
يا غادرة
بحط رأسي واستريح
من العنا..ومن التعب
صارت وقتي الخامسة
وأنتي مع القلب الحنون
تبادلي معه الهوى وإلا العتب
أبا أتنتظر ساعة ألم
مشتاق لليوم الجديد
أبا انسحب
وارجع إلى وقت قديم وحياة عمري من جديد
من دون حب ولا ألم
يا غادرة[/align]
28-01-2005, - 10:44 AM 
من اروع ما كتب ... خاطرة بعنوان يا شاطرة ! 
