السلام عليكم ورحمة الله وبركاته
أنا بشرح لكم حزني وحزني من صدى الوجدان
إذا غاب الحزن عني مسحت دموعي بيدية
أنا مجروح في جوفي وصوتي للألم عنوان
ونفسي ما تعوف الصبر وهي للحزن مشرية
مسافر في تعب عمري بين الشوق والحرمان
أصارع موجه العاتي وأغوص بدنيا وردية
عسى ألأقى على الشاطئ وله أو شوق أو تحنان
أعالج بع دموع العين وأخفف حزني شوية
أنا شمعة بعين الليل وقلبي شايل الأحزان
وعيني ما تذوق النوم وروحي دوم منسية
يذوب النور في عيني وأضيع وما اعرف الألوان
وأنادي يا عيون الليل ترى هالدنيا وهمية
أنا لوحة حزن تبكي عجز عن رسمها فنان
وضاعت كل الألوان وصارت بس رمادية
رمادي لون افكاري وحزني لو يشوفه انسان
تمنى الموت قبل الليل وشاف الموته عادية
أنا مركب غرامي تاه بلا ربان
رماه الموج في صحرا لها شطآن رملية
وتاهت جملة افكاري ما بين الذكرى والنسيان
وظاعت كل خطواتي في ليلة برد شتوية
وشلت أشواقي وجروحي أوزنها على الميزان
أخاف اشواقي تغلبني وتجبرني على الجية
وصرت ارسم أحزاني وأسمع اعذب الألحان
عسى ينزاح حزن الأمس وألقا درب حرية
سمعتو حرفي الدامي وشفتو لوعة الحيران
عسى يرتاح كل مجروح ويلقا أفراح تالية
لو كان للهوى حروف وشفاة @@@ كان قلبي من زود همه تكلم
16-11-2002, - 07:25 PM 
نبض الوجدان 
