ساره وهي تصيح

نوره: لا ليش هالدموع بلاج ساره
ساره ودموعها اربع اربع : انا تعبانه يا نوره بس المشكله محد حاس فيه ..
نوره : بشوو حبيبتي
ساره : ماعرف شو اسوي حاسه بالضيج .. انا زوجة انسان ما اكن له اي حب .. وقلبي مع خالد وحب خالد اللي هو مب زوجي ..واعرف انا اللي اسويه غلط لانه حرام مجرد التفكير بانسان ثاني وانا على ذمة فهد ..
نوره اكيد صح
ساره : بس شو بايدي :: اعيش مع انسان ما احبه وهناك خالد متعذب عشاني . وانا عارفه ان فهد مستحيل يتنازل عني . ولا افكر في انسان ثاني مع العلم بمع ان اللي اسويه غلط ..ماعرف شو اسوي .والله تعبت من التفكير
نوره : المشكله لازم حد من الاثنين يتنازلون .. فهد يقدر يتازل عنج وبهالطريقه هو بيعيش ويا انسانه ثانيه وانتي ويا خالد .. وخالد يقدر ينساج ويتزوج وحده ثانيه وانتي تكونين لفهد وبهالطريقه اذا انتي عرفتي انج مب السبب بعذاب حد تقدرين تحبين فهد ..بس لانج تفكرين في خالد وبعذابه فعشان جي ما تعطين عمرج الفرصه بحبج لفهد
ساره : المشكله صعب على الاثنين يتنازلون
نوره تهز راسها : صح هالاثنين كل واحد اعند من الثاني
ساره وذا انا اتنازلت بعد بكون سبب بعذاب واحد منهم .. يعني اذا ودرت فهد راح يتعذب فهد ..واذا قلت حق خالد اني ما ابيه هو بعد بيتعذب ..
نوره : بس انتي بدون ما تدرين تعذبين الاثنين
ساره بتعجب: انا ؟؟ ليش
نوره : هيه اول شي فهد صح انج زوجته بس اللي اشوفه انج ماتعاملينه كزوج ويمكن هو متعذب من الداخل بس ما يبى يطلع .. واصعب على الشخص يوم يحس ان الحب من طرف واحد وانج ما تكنين له اي حب ..
ساره : والله هو يعرف ان الحب من زمان من طرف واحد بس هو اصر انه ياخذني


يتبع

[align=right]
نوره: ترى هو يحبج ما يقدر يتنازل عنج وهو رضى بكل شي وهذا دليل انه صدق يحبج عيل في ريال بهالدنيا يرضى بحب من طرف واحد ..
ساره ماسكه راسها : اااااااااااااااااااااه يا نوره ماعرف شو اسوي
نوره : صدق قصتج صعبه وايد ..المشكله لازم حد من الاثنين يتازل عشان ترتاحين
ساره تصيح لانها حاسه بالهم والضيج
نوره تحضن ساره : ما عليه حبيبتي هونيها وتهون ان شاء الله ..
ساره : والله مليت يا نوره وانا اشوف اني السبب بمشاكل فهد وخالد وبسبتي اشوفهم متعذبين بالذات خالد لانه هو يترياني من زمان ..
نوره : ما عليه حبيبتي الله كريم محد يعرف شو اللي بيصير بعدين .. بس ان شاء الله ما بصير الا الخير ..


#################################

هند وهي بغرفتها اتصلت في سالم
سالم ويا ربعه في السياره ..والربع معلين صوت الاغاني ويضحكون ..سالم يوم شاف رقم هند ياشر على ربعه : سكتو سكتو
هند بدلع : الو


سالم : هلا بعمري هلا وينج من زمان
الشباب يسمعون سالم ويضحكون بصوت خفيف يعني استهزاء
هند وهي تلعب بشعرها : والله شو اسوي مشاغل الدنيا
سالم : شو ان شاء الله بعد يومين ملجتنا رسمي صح
هند اونها استحت : هيه ان شا ءالله وعرفت شو بيصير
سالم : ليش
هند : كنا نبى نسوي حفله عوده بس قالو ما يحتاي لان عرسنا ان شاء الله بيكون جريب يعني بعد شهرين
سالم : اها يعني بس كتب كتاب
هند : هيه بس بيناتنا يعني ..
سالم يطلع لسانه استهزاء : ماتعرفين كيف اتريه هاليوم .. اللي اشوفج فيه
هند منزله راسها وتتدلع : وانا بعد كافي اني ضحيت بكل شي عشانك
سالم : وانا بعد مضحي بكل شي عشانج لاني اخترتج من بيبن كل البنات
هند: يعني نفس الشعوور
سالم : اكيد
هند سمعت حد ياي : اوكي الحينه بخليك كانه حد ياي
سالم: اوكي حبيبتي بحفظ الله
هند : مع السلامه
بعد ما صك سالم التلفون من عند هند


حد من ربعه : شو هاي الحبيبه 20 ولا 30
والكل : هههههههههههههههههههههههههه
سالم : لا هاي خطيبتي يالحلوين
احد من ربعه: الحينه صدق انت خاطب وبتملج
سالم : هيه ليش لا
احد من ربعه : افا يعني بتودر هالبنات المزيونات
سالم : منو قال هي بتكون زوجتي والباجي حبايبي
الكل : هههههههههههههههههههههههههههه

**(( للاسف ما يعرف سالم ان بس الشخص يوم يغازل الاثم يكون كبير فماباله يوم يكون متزوج ويخون زوجته كيف راح يكون عقابه ..)) بس مثل مانعرف حديث النبي كما تدين تدان))**[/align]


[frame="10 80"]

شو راح ينتظر كل من
ساره وفهد وخالد
وهند وسالم ؟؟


[/frame]


هاللي قدرت عليه يالغاليين
واعرف ان الجزء قصير
بس السموحه ترى عندي امتحانات وظروووف
ان شاء الله نعوض عليكم بالجزء اللي بعده

الحمد لله انا اول وحدة ردت...
مشكوووووووووووووووووووووووووووووووورة ماريا على الجزء الحلو...
والله يوفقك في امتحاناتك... بس كالعادة قهرني خالد جداً ، وسارة شوي رجعت ارضى عنها...

يعطيك العافيه اختي ماريا على هالاجزاء

ماقصرتي والله يوفقتس بإمتحاناتس ويعيننا حنا اللي قربت امتحاناتنا

وبالنسبه للجزء صراحه رهيب بس لاتطولين علينا بباقي الاجزاء

تحياتي ..

تسلميييييييييييييي ماريا على هاالجزء


وماادري عندي احساس انا ساره لفهد ...مع انه قاهرني هاالفهد شخصيه ذليله البنت ماتبيه ويبي تحبه باالقوه صج يبي لهاالشخصيات كف يعدله

اتمنى في نهاية القصه انا ساره لخالد قاهرني هاالفهد

تحياتي