مشكورة الجزء قصير بس أحداث وايد

انتظر و مشكورة و جزاك الله خير

الحياة امل

مرحـــبـااااا الغاليه مـــرمـــر

تسلمين وأااالف وأااالف شكر على الجزء الرائع

فهد ماراح يمل من سارووووه علشان حبه الكبير لها <<<< قاهرتني ماتستاهل حب فهد

خالد اكبر نذل لو يحب ساااروووه كان خلاها بحالها بعد زواجها <<< حاقدة عليه مـــــــــــره

أشواااااقوووووه الله يستر منها وفهد ماراح يعطيها وجه <<< عقله وقلبه مع سااااااروووووووه

نورة حبوبه وطيبه الله لاااا يفرق بينهم

هنووووه موعايشه مع العالم مدري وش بيصيرلها مع سالـــم

مليـــــون شكر على الجزء الفناااااان

تحياااااااااتــــــــــي

مشكوووووووووووووووووووره اختي الغاليه ماريا على الجزء الحلو


وما قصرتي حبوبه


ويعطيج الف الف الف الف عاااااااااااااااااااااااااااااافيه


ونتريا الاجزاء الباقيه

لا تتاخرين علينا


اخوج : رحال الحزين

الجزء هذا من تاريخ 11/6

واليوم 16/6

متي الجزء

نتابع ويا بعض الجزء

السادس والاربعين

الجزء السادس والاربعين



[align=right]

ساره راحت بيت امها وتفكيرها كله بانها كيف تقنع فهد انه يودرها

اما فهد فما قدر يطلع من البيت وهو يفكر بحبيته ساره اللي مايعرف شو سبب قسوتها المفاجأه ويبى يعرف شو السالفه بس ما يعرف كيف ..

اما نوره فماقدرت تسكت اكثر لان عبدالله كان يبى يقول شي وسكت وهي تعرف ان اكيد امه قالتله شي وقررت انها تعرف باي طريقه عسب( عشان ) جي راحت عند ام عبدالله اللي هي ام ريلها
ام عبدالله يالسه في الصاله تشوف الاخبار
نوره بكل ادب تحب راس عمتها اللي هي ام ريلها : سلام عليج عمتي
ام عبدالله بابتسامه : هلا ببنيتي .. وعليج السلام حياج
نوره يلست عندها : الله يحيج .. . شو تسوين
ام عبدالله : اشوف هالاخبار اللي تعور القلب
نوره : مدام تعور القلب لا تشوفين شو تبين بالحزن
ام عبدالله : شو نسوي يا بنيتي لازم نعرف اخبار العالم وبعدين ما شي برامج زينه بالتلفزيون
نوره تبى تفتح السالفه بس ماتعرف كيف نوره وهي تلعب باصابعها وتفكر : ممممممم اقول عمتي شوسالفة عبدالله اشوف سرحان بكلامج .
ام عبدالله تضحك : والله ليش هو قالج
نوره : عبدالله ما يخبي شي عني بس هالشي ماقالي يمكن اسرار بينكم بس شفته سرحان واستغربت
ام عبدالله : ما شي بس كنت اقنعه انه ما ياجل بالاطفال ولا تمنعون
نوره حست بالاحراج : ليش هو قالج انا نمنع
ام عبدالله : حسيت من كلامه جي قال تو الناس ونحن صغار وفهمته وقلته ان احلى شي انكم اتمون صغار و عندكم يهال مب تعيزون وهم اللي يربونكن بدل ما انتو تربونهم
نوره بحزن وهي منزله راسها : هي صح كلامج
ام عبدالله : انا مب قصدي شي يا نوره يعلم الله اني اعتبرج كبنت لي ..بس توقعت انكم ما تبون تخبروني يعني تسوون مفاجأه لي ..
نوره رفعت راسها : لا اكيد اول ما يصير الحمل اول وحده راح اقولج ..
ام عبدالله : ادريبج اصليه يا بنتي صدق عرف ولدي يختار
نوره : تسلمين عمو ما قصرتي هذا من طيب اصلج

نوره استاذنت عمتها وراحت غرفتها واول ما وصلت غرفتها تمت منسدحه على السرير وهي تصيح من الخاطر تخاف ام عبدالله تقنع عبدالله يتزوج عليها او ان عبدالله ما بيحبها مثل قبل اذا تاخرت من الحمل



ساره ردت من بيت امها وهي متضايجه وكارهه حياتها ماتعرف كيف تتصرف كانها تايهه.. مره مع قلبها اللي يقول خالد ومره مع عقلها اللي هو فهد واللي عقلها يقولها انها لازم تكون مع زوجها لانه في النهايه هو زوجها وحلالها

فهد يترياها بالغرفه وشافها يايه ..
فهد : تاخرتي وايد يا ساره
ساره من غير نفس : شو اسوي يعني تباني اييه بالطياره ساره فتحت كبتها ( خزانتها ) وتمت تاخذ اغراضها عسب اتوديه باجي ملابسها بالغرفه الثانيه
فهد يشوفها ومستغرب : وين بتودين ملابسج
ساره وهي شاله ملابسها : وين بعد بالغرفه الثانيه ولا عندك مانع يا سيد فهد
فهد : ليش ااذا كان عندي مانع بتسمعين كلامي
ساره باستهزاء : طبعا لاء عن اذنك
فهد : ساره يمكن اعرف شو فيج
ساره صدت : قلت لك ما فيني شي .. بس انا وعيت للصح
فهد : الصح انج تجافيني وتعامليني بالقساوه والله لو ريال ثاني جان ما رضى [/align]