أركى على قلبي

اركى علـــى قلـــبي وسم(ن) بعـــــينــــــــــه=وسـم(ن) باســـمه له على الخـــد تذكـار
الله عــــليه والله لقــــــلبي يعــــــــيـنه=به قــــــام يلعـــب لعبــة الكــف بالطـــار
غرو(ن) سخر روحي لروحه رهينه =شرّك لـــي النظــــــره ورموشـه ( وسار)
شخص(ن) تبلانـــي وجرحي يدينه= ما كنت اعرف الحــــب ولا كان لي كــار
حبه يموج القــلب موج الســــــفيــنه =حــــبه بحـــــــر غــبـه والشــوق اعصــــار
ازريت اميــّـز غــايتــه واســتبـــينه =أمــــرار يا حـــــلوه ويا مــــــره أمـــــرار
يا قـو باســه يا قســاته فــي لــــينه =المهــره اللي ما عسفت .. تذعر ذعـار
إن عـــــرض للشـيخ عـرّض بــدينـــه =ضيّع فــروضه والنـفــل وكــل الاذكــــــار
كـــل مــن شــافـــه يفــّرك يـدينــــــه = يلعـــن أبو حظـــه مـع ســــــو الأقــــــدار
حتى العــذارى كــلهن حـاســـــدينه = اويـ ــي ياذا ..ماخــذ(ن) كل الأنظــار
جــذّاب عجـّــاب يا كــثر معجــبينه =(مس وورد) من هي ومن هو (سوبرستار)
ياكثـــر أصوات اللــي هم ناخـــبينه = تســعة وتســـعين فاصلة تسـعة أعشــــار
الدانـــه اللــــي تنشـــــرى بالثميـــنه = ومن الغــلا ترخــص لها أعمار وأعمـــار
ما شفت مثــله في البــدو والمدينه = نافــــل(ن) بالــزيـــــــن للبــيــض قــمــّــار
القمــر نـــــوره شـــعق مــن جـبـينه = والصبـــح يســـفر من ثنـــاياه إســفـــــار
النهـــد رمان(ن) فــي لونــه ولينــه = يفضحه ثـوب(ن)ضـافي(ن) فوقه أسـتار
لا استنهض الثوب..لا رحم والدينه = يســتنهـض عــيون(ن) عليه كل ما ثـــار
يا تل قــــلبــي لا مشــى بالهـــويـــنه = وحــدّر شــليــله فـــوق الأرداف محـدار
لــه عـــود ميـــاس (ن)تثـنى يميــنــه = ونـوب(ن) علــى كيفه يثـني به يـســــــار
اقفــى ولا اشــفى كـــبد منه غبينه = تصــلى عــلى صــالي يصـلـّى علــى نـار
يالــيت ربـــي حـــــال بينـــي وبيـنه = لـــيته عـــماني وأنعـــــمت كـل الأبصـار