السلام عليكم
قصيــــدة رائعه كذا والا لا ؟؟؟


[grade="00008B FF6347 008000 4B0082"]ابتدينـا بالغـلا ثـم ابتسمـنـا للـغـرام
مايفرقنـا الخطـا ولا تفرقـنـا السنـيـن
ابتدينـا واهتوينـا الليـل والدنيـا ظــلام
لين غطت ظلمـة الايـام نـور العاشقيـن
اتحرا شوفتـه فـي كـل ليلـه قبـل انـام
واسهِر عيوني لشوفه واجبر القلب الحزيـن
لو يغيب بيوم ساعه قلت غايـب كـم عـام
ولو يغيب بيوم مره قلـت غايـب مرتيـن
اذكر اني مانسيتك وانت لـي غايـة مـرام
واذكر اني فيك معجب مثـل كـل المعجبيـن
تذكرين اللي نقوله حـب واشـواق وغـرام
تذكريـن الصـد الاول كـان ودك تذكريـن
تذكرين الغيبه اللي طالـت وضـاع الكـلام
تذكرين انـي رجيتـك بالقصايـد ترجعيـن
تذكرين اني خذيت الحزن في صدري وسـام
لين ضاع الحب مني لين ضيعـت الحنيـن
تذكرين انك بعد ماقلتـي يـا ( ؟؟؟ ) سـلام
ماعتذرتي لي بكلمـه مثـل فعـل الطيبيـن
صح قلتي لي ظروف وقلت وينـك ياغـرام
ليه ماقلتي من اول وانطرك طـول السنيـن
صح كلمة معك ببقى ( معك أمانه ) لو كـلام
اثرت فينـي وهزتنـي وصرتـي تعرفيـن
قلت هيا ساعديني واخرجيني مـن الزحـام
يالعلـك ياحياتـي فـي حياتـك تنجحـيـن
ماذكرت اسمه ولا حبيـت ذكـره يـا (؟؟؟)
البكـى يابـنـت والله مـايـرد الميتـيـن
او هذاك اللـي ترجانـي بوصلـه ياحـرام
افهمي معنى صـدودي كـان ودك تفهميـن
صح فزتي في ضميري وابتدينـا الابتسـام
لين قلتي يشهـد الله حبـك بقلبـي متيـن
واشهد اني في غلاك اصفى من طيور الحمام
لين صرتي في حياتي اثمن الشـي الثميـن
قلت شوفي كل ما املك والثقـة والاحتـرام
وادخلي بيت الرسايل واقري اللي تنظريـن
كنت كلي لك صراحه ما أبـي منـك مـلام
كنت واثق وانت ظني في حبيبـك توثقيـن
بس شفتك غير والله غيـر يابنـت الكـرام
ليه صرتي من كلامي والصراحـه تزعليـن
اعتقد كنتـي مـن اول ترغبيـن الانتقـام
واعتقد فزتي وريحتـي جميـع الحاضريـن
من هذاك اليـوم وانتـي ماترديـن السـلام
والبحر ماعاد شفتك فيـه والخافـي يبيـن
قلت بطلع وارجعي له وانثري فيـه الكـلام
قلت اضحي واتحمل ظلمـك اللـي تظلميـن
كنت مخطي بالصراحه من عميق الابتسـام
كنت اظنك بالصراحة يـا حياتـي تفرحيـن
ياخسارة ! علميني بالصراحـه يـا ( ؟؟؟ )
ليه قلبك صار قاسـي ليـه قلبـك مايليـن
البشر ماهي بلعبه والقلـوب لهـا احتـرام
ليه صرتي في قلـوب النـاس ودك تلعبيـن
كان هذي قصتي فكـم غيـري مـن الأنـام
كم صرتي في حياتـك تعشقيـن وتجرحيـن
قلتهـا قصـه قصيـرة واقبليهـا بالختـام
يمكن انك بعد مـا تقـري كتابـي تندميـن
ولا أنا طرقي مسافر والبيـوت لهـا مقـام
والوفاء فينـي مـن الله ثـم بالله استعيـن
والنهاية نار شبت وانتهـت بـرد وسـلام
ارجعي للمنتـدى ثـم اكتبـي مـا تكتبيـن
اتركيني عايش الأحلام فـي بحـر الغـرام
واذكريني عاشقٍ للصمت بالحـب السجيـن[/grade]

وسلامتكم
.م.ن.ق.و.ل.

فقط اعجبتني واحببت اطلاعكم عليها