انا شبـاب وقولتـي قـول شايـب=زيزوم في كـل المعانـي مجـرب

بدعت نظم القاف والـراي صايـب $$$ ابيات تُقرا مـن ظميـري وتكتـب

أجني ثمر وآخذ عزيـز الركايـب $$$ واجمع من العذ بات وادّور اعـذب

دوست المخاطر دوس ما ني بهايـب $$$ حر(ن) على دوس المخاطر تـدرب

اصبح سوات الرعد جوف السحايب $$$ وامسي سوات الحر في راس مرقب

انا شبـاب وقالتـي قـول شايـب $$$ زيزوم في كـل المعانـي مجـرب

ما هو بقـول مدوريـن الطلايـب $$$ قول الرجال اللي لها الطيب مكسـب

من خالط العربـان يلقـى عجايـب $$$ وان خالط الادنيـن يلقالـه أعجـب

احد(ن) على راسه تهـب الهبايـب $$$ واحد(ن) كما قالو به النـار تشتـب

واحد(ن) على ربعه رضي بالنوايب $$$ يرضى عليك احيان واحيان يغضب

كم واحد(ن) صابر جروحه عطايب $$$ وكم واحد(ن) ما حيلته غير يا رب

ان كان به ناس(ن) تجيب النكايـب $$$ الله يلعنهـا علـى كـل مـذهـب

ان قال لك توبـه فلاهـو بتايـب $$$ بطن الثرى ما يسكنه غير عقـرب

اللي يحـب الخيـر للخيـر جايـب $$$ واللي يحـب العـز للعـز يرغـب

واللي يحـب معكرشـات الذوايـب $$$ يطرق بيوت العز لو كـان يتعـب

ان جات في بيتك ورى البال طايب $$$ وانته من اطيب دايم الدوم لأطيـب

يطلع ولدها من رجـال الصعايـب $$$ يرقى على الصعبات ويدور اصعب

وحذراك تاخذ من بيوت(ن) خرايب $$$ لو كان ما به غيرها رمش(ن) اهدب

ان جات في بيتك تجيـب النشايـب $$$ وانته تحرك في طرفهـا وتنشـب

ويطلع ولدها دايـم الـدوم خايـب $$$ متساوي(ن) في عينه المدح والسـب

هذا ويا حاظر ليـا شفـت غايـب $$$ اعطه جواب(ن) من ظميري مرتب

اختر صحيبك من جميع الصحايـب $$$ اللي يحب اهـل الوفـا دوم ينحـب

عليك بالاجواد لـو هـم غرايـب $$$ اما النذل حذرا ولـو انـه اقـرب

واعرف ترى الاجواد عندي حبايب $$$ ومالي مع الأنذال ماكـل ومشـرب


تحياتي
فهدالعجمي