ياحسرتك لا راحت بنفسك البنت**** وأنت الذي ضيعت معها سنينك

السلام عليكم ورحمة الله وبركاته


ياحسرتك لاراحت بنفسك البنـت
00000000وانت الذي ضيعت معها سنينـك

من بعد ماصنت العلاقه وكونـت
00000000صارت لغيرك وانت ربك يعينك

خلتك عايش بالزمان الذي كنـت
00000000مالك بهالدنيا سوى دمـع عينـك

تناست انك من سببهـا توهنـت
00000000وانك مسحت دموعها في يدينـك

والبنت لو من قلبهـا ماتمكنـت
00000000ياسرع ماتنسى هـواك وحنينـك

حتى لـو انـك بالمـوده تبينـت
00000000صعب امتلاك احساسها في يمينك

وكانك على فرصة لقاها تحينـت
00000000000تصد عنـك ولاتحـس بونينـك

يمكن بعد لو تتصل قالت من انت
00000000مستكثره لاتسألـك كنـت وينـك

سيان والدنيـا بهـا لـو تمعنـت
00000000يامكثـر اللـي مايوفـون دينـك

لكن خيانة واحدن فيـه ماخنـت
00000000تجعل مشاعرك العفيفـه تدينـك