(( كسب المعالي مايجي بالسهوله ))

أعجبتني هذه القصيده التي تحمل في طياتهاا حكمه بالغه ونصيحه غاليه .. أتمنى أن تحوز على أعجابكم.. والأن اترككم مع القصيده

(( كسب المعالي مايجي بالسهوله ))

لا تازن الرجال لا شفت زوووله

.........................وزن الرجال اعقولها يا فتى الجووود

دلايل الرجال فعله وقوووله

.........................تحكم عليه بمنطقه علم موووكود

ما ينفع الرجال جسمه وطوووله

.........................لا صار ما يدري عن النقص والزووود

كسب المعالي ما يجي بالسهوووله

.........................يصعب على الليل ما يجامل على الكووود

المجد عشاق الكسل ما ينوووله

.........................دربه على اللي يجهل الطيب مسدووود

وحفظ الشرف مبدا صفات الرجوووله

.........................والمتزن ماهو على درب منقووود

ومرافق الجهال يابن الحموووله

.........................نقص على السمعة وتعقيد وعقووود

كلٍ جليسه يقتدي في فعوووله

.........................المعتدل واللي عن الخير مصدووود

ومع الأسف بعض العقول معزوووله

.........................ماتقل بالدنيا لهم رب معبووود

ما خافوا المولى وطاعوا رسوووله

.........................اللي له العباد خشاع وسجووود

ما حسبوا يومٍ حسابه وهوووله

.........................يشيب رأس الليل هكاليوم مولووود

يطرق منافيذ الخوافق ذهوووله

.........................يوم الحساب اللي به العبد موعووود

باخر نفس لانوخت به ذلوووله

.........................يوم التفاهم بين ناشد ومنشووود

عند الضريح آخر محطة نزووله

.........................النفس تصعد والجسد مرتع الدووود

ياهل العقول المبصرات احسبوووله

.........................ترى الحياة بلا عمل مابها فووود

اعمل عمل واطلب من الله قبوووله

.........................منهج طريق الخير واضح ومحمووود

دامك نشيط كل شيٍ تنوووله

.........................ترى السفر له حد والعمر محدووود



تحياتي
فهدالعجمي