كان في رجال كويتي عمره تقريبا 28 يعيش بشقه بروحه ، وكان يحب انه يلعب ببنات الناس وطبعا هذي الشي من رضا الاثنين ( هي راضيه بهذا الشي وهو راضي ) يعني ثنيناهم ضايعين .

المهم ..
مره قرر انه يتمسك ببنت وحده ( بس مو يقصد انه يحبها ) ، وتعرف على
وحده من عايله معروفه وكان يطلع معاها ، تم معاها فتره طويله لكن ماكان يجوفها لانه البنت كانت تغطي و جها وكانت هذي البنت موافقه على ان تبات معاه جم ليله بس انه تغطي وجها . بس الله اعلم شنو كانت تقول لاهلها لتم هذي الفتره برع البيت .

المهم هذا الرجال ماقدر انه يعيش او يلعب مع بنت وحده فتركها .
وبعد جم يوم زار امه ، ففتحت امه موضوع الزواج وقالت له : ( يا ولدي الحين انت كبرت ووصل عمرك 28 ليش ماتزوج ؟ ) وبعد اصرار الام وافق الرجال على هذا الزواج وكان هذا الزواج على يد امه ، كانت الام واثقه بالبنت الي بتخطبها لولدها و لا سالت عنها لانها واثقه فيها.

راح الرجال مع امه ليخطبون البنت ووافقو اهلها والبنت كان عندها عادي تتزوج ( مايهمها شي بالحياه ) .

تزوج الرجال على سنة الله ورسوله .
وبعد يومين تقريبا .. لاحظ الولد انه الملابس الي تلبسها حرمته تشبه الملابس الي كانت تلبسهم البنت( الي تغطي وجها ) اذا يطلعون.
و راح الرجال يفتح خزانة البنت وشاف الملابس نفسها الي تلبسها ذيج البنت . ومن هني تاكد و عرف انه هذي البنت الي كان يلعب فيها .

والله اعلم شنو صار بعد ماعرف .


ولا حول ولا قوة الا بالله .. الهم استر علينا وعلى جميع المسلمين


تقبلو تحياتي ..