|
|||||||
| مجلس الفرفشه والترفيه نكت فرفشة ضحك مقالب |
دردشة الجوارح مركز تحميل الجوارح عالم حواء تصفح بدون نوافذ مزعجة
 |
|
|
أدوات الموضوع | إبحث في الموضوع |
|
#1
27-09-2005, - 12:28 AM
|
||||
|
||||
|
!!..راعيــــة الفزعـــات..!!
الســلاام عليكـــم ..
الله عليك يااللي مدري وش اسمه الي يقوول بعــد السلاام يحلــى الكلاام هع هع <<<مشكلتي مو عارفه من المغنيين الا جــودي وننوسه المهــم مثلكــم عاارف انــي راعيــة فزعــــات واذا احــد طلب فزعتــي ماأرده ..((حتى اسألوو فلاحووه كم مره افزع معه بالهوشاات اللي تحصله)) <<<<عزالله وهقة الرجال معها هع هع ومثل ماأنتم عارفين أني سواقه ماهره (( سواقه ولا طباخه تلايطي بس)) طبعــا ســواقتــي ماتطلـع الا بالبر.. وفي يوم من الايام في ذلك الجوالحلو والهواءالعليل وبين الجبال والتلال والوديان والشلالات ..<<<كثـري منها الشلالات هع هع ملاحظــــــــــــــه داخله عرض لحد يدقق بالكـلام هع هع هع وياطويلين العمر السالفه صــارت في احـدى ليالي الشتاءالبارده وفي مخيمنــا حـدث مالم يكن في الحسبان.. وشي اكيد حنا يالبناات بخيمه لحالنا..عشـاان نسهـر ونرقـص ونشـرب لاتفهمون غلط نشرب بيبســي ((اللي على راســه بطحـى يحسس عليها)) المهم كنـا جالسيـن بخيمتنا يالبنات وكانت الساعــه 12 بالليل تقريبا وكنا طفشانيـن وضايقـه صدورنا وقامــت بنت عمتـي الملقوفه وهي تدري اني راعية فزعات ورمــت طرحتهـا بالارض عندي وقالـت ياديمــــا لك ولا للذيـب ..وطبعا ديمـــا راعية الفزعات قالت لها يخســي الذيب وانا اخــت محمـــــد هع هع ..ابشــري بعـزك ..((بالله مو كأنه مشهـد من مسلسل بدووي خخخخخخ)) عـاد قالت لي بنت عمتي تكفيـن ياديمــا طفشانين ونبيك تمشينا بالسياره ..عاد انا ماصدقت خبرعلى طوول سرقـت مفتاح السياره من ثوب ابووي ((تموت على سواقة السيارات)) واقولهن ابشرن باللي يوسع صدوركن ويسليكن ((الله ياخذك قولي والله نكبتيهن)) وركبنا وتمشينـا وكنا كلنا تسعه وانا قاعـده ورى الدركسون ومستانسه اني اسووق ياااااي ماتتخيلون فرحتـي اذا جلسـت اسووق انســى نفسـي وانسـى الخووف وانسى حتى اهلي .. <<<----اللي يشوفها يقول جالسه تسوق طياره موسياره لاومن زوود مهارتي بالسواقه يوم صعـدت جبـل عــاد انا ماادري هو نازل من الجهه الثانيه ولا لا ؟؟ لان الجو بالليل مااشوف عدل..((لاحظو الحين يبدأ الذكـاء الخارق)) تدرون وش سويت وقفـت السياره ونزلــت وخليت البنات وراي يصارخون ورحت اشوف الجبل ولقيتـه نازل من الجهه الثانيه عــاد انا ماصـدقت خبر على طووول رجعـت ريوس ((الطقوعه تخاف تنزل ))وكملنا المشي بالسياره.. وفجأه (الله يستر قولي بس) شفـت نور سياره من بعيد ومن الخووف ادعـس على البانزين وامغـط مليوون وأهـج اخاف يشوفنا صاحب السياره ويعرف اننا بناات ..بس المصيبه قعـد يلحقنا وانا ميته من الخووف والبناات اللي معي جلسوا يصيحون وبصراحه طوّل الرجال وهو يلحقنا وانا والله من الخووف مااشووف شي جالسه بس الف الدركسون مره يمين ومره يسار وطايره بالسياره((يقالي ابي اخليه يضيعنا )) ومن كثـر دلاختــي اقصــد ذكــائي طلعــت انا اللــي مضيعــه مو هــو .. والبنات استانسوا يوم راح وقالوا لي يالله ديمــــا رجعينـا للمخيم عاد انا لقيتها من الله قلت لهم أبشروا (( اي باين والله من الخوف من أبوك لايكشف انك سارقه السيارة )) وأنا الى الحين تحت تأثير الخـوف ودايرة فيني الدنيا وصرت أدور المخيم وأتلفت وأقول يابنت وين المخيم؟؟ ودورنا ومالقيناه تقولون الأرض إنشقت وابلعته وحنا قاعدات ندور مخيمنا طــــفت السيـــارة (( وهذا اللي كان ناقصنا بعـد )) وأكيــد رااح تستغربون وتقولون ليش ماتدقين على اهلك بالجواال ..رااح اقولك انه ماكان فيه شبكــه لان حنا كل مره متعودين نطلـب لنا ابرااج للشبكــه طلبيــه خااصه لنا بس هذي المره نسينـا..((قال وش دراك انها كذبه قال من كبرها..اجل تطلبون ابرااج والله لو انك ريــم بنت الوليد)) وعاد انا مسويه فيها ذكيه طفيت أنوار السيارة عشان محد يشوفنا وقعدنا نصيح ونتهاوش وكل وحده تحط اللوم على الثانيه وعاد أشكالنا رهيبــه وحنا نصيح وانا قلت حرام أخلي هالفرصه تفوتني وجتني الفكرة الجهنميه (( الله يفكنا من أفكارك )) واخـذ الكاميرا حقتنا كانت معنا بالسيارة وأصور البنات ((ادري بتقولون اني فاضيه بس انا طول عمري مخفه هههههههههه ))عــادتصـدقون انا جالســه اصيـح واصوور لان اشكاال البنات تحفــه وهم يصيحوون ..وجالسنـا على هالحال إلى ماطلع الصبح وحنا جالسين نصيح . وشفنا سياره بعيده جايه لمنـا وخفنا بزياده وجلسنا نصيح أكثربس يوم قربـت ارتحنــا طلعت سيارة أخوي جاي يدورنا لانه اللـي كاان يلحقنــا بالليل ولد عمـي جااي من الديــره ومضيــع مكاان المخيم ويوم شاف سيارتنا عرف انها انا اللي اسووقها وكاان يبي يسألني عن المخيم بس بعدين يووم كان يلحقنا وكنت انا اهرب عنه شااف المخيم ورااح وتركنا وناام ولاعلم احد لانه يحسبنا رجعنا بس لما صحـى الصبح وشاف النااس قايمين يدوورون علينا علـم أخوووي انه شاافنا بهذا المكاان وعشان كذا اخووي جانا معصــب لانهم كانـوو يحسبون اننا نايمين بخيمتنا .. وطبعا أخذنا كم تهزيئه على الطاير وكان وده يعطيني كم كف بس وفــره لأبوي داري إنه راح يكفخني وركبنا معه وودانا للمخيم ويوم وصلنا شفنا الموت شفنا العذاب شفنا عمــــي قدامنا وتمنيتـــه يكون أبوي لأن أبوي أخف من عمــي وخوذوا عندكم كم هوااش وتشــرشح وسب على كيف كيفكم وكان مع عمي خيزران كان ناوي يطقنا بس جدتي مسكته وحلفت عليه ما يطـق ولا وحده فينا وحلــف علي ما أمســك أي سيارة وهـــذا اللي قاهرني بالموضوع كــــــــــــلــه .. مـايستفــاد : <<-----بالله عليك هذي فيها شــي يستفيدوون منه هع هع 1_ اغنيــة اشــوفك وين يامهــاجر ...((اهــداء خــاااص)) لأهــل الريــاض هع هع هع ((الله ياخذ الاستفاده اللي تعرفينها )) واغنيــة فووووق فوووووق هاااام السحـــاب انتــي مامثلك بهاالدنيــا بلــد ...اهـــداء لكل سعــودي بمناسبــة اليووم الوطنـي هع هع((ادري من غير لاتقولون انها متأخره)) 2_ في سبيل الرقـي الى حياه جميلــه وممتعــه للغايـه <<<-----لو تفروون وتفحطــون بأستــاد الملك فهـد كله مارااح تجيون مثل هاالكلام )) عــــادي تحملوا تكفيخ طــق تســطـر سـب كل شي أهــــم شي الوناســـــــــــه ... حكمــة ديمــــا بالحياة (( مــو مهــم الاكـــل أو النــوم اهــم شـــي الوناااسه والبعـد كل البعد عن النااس اللي تضيق الصدر وتجيـب الكآبه هع هع)) ... راعيـــة الفزعـــات ،، ديمــــا 
|
|
27-09-2005, - 12:46 AM
|
#2 |
|
عضو مؤسس
 
|
مشاركة: !!..راعيــــة الفزعـــات..!!
[align=center]هــــلااا والله وغــــلااا
ديمــــــــــــــا يعطيكـ ربي العافية على هذه القصة مع أني ما شفت وش صار في النهـــــاية لكن حفظت الموضوع في ارشيفي للرجوع اليه طيب واللي ما يستفيد من القصة وش يصير هههههههه لا عدمنـــــــــاكِ دمتِ بخير[/align] |
|
|
|
27-09-2005, - 07:22 AM
|
#3 | |||
|
جــارح مـاله مثـيل
|
مشاركة: !!..راعيــــة الفزعـــات..!!
اقتباس:
هلااا فيك شاهينوووووه اقتباس:
هههههههههههههههههههههههههههههههه الله يرجــك جااي عشاان تقول انك ماقريت النهايه هع هع هع مشكلة النااس اللي مايسهــرون اكيد وانت تكتب ردك مغمض عين وفاتح عينك الثانيه خخخخخخخ اقتباس:
وتقول انك ماراح تستفيد... <<<--- غصـب تبي النااس يسهروون مثلها هع هع هع بصراحــه انصحك تقرأ الموضووع وبعد التدقيق في الكلماات مابين السطوور راااح تلاقي الشي المفيد .. وشاكـــره لك حضورك المشرف والمبكــر ..((حلوه المبكر خخخخخ)) ارق التحاايااا ديمــــا التعديل الأخير تم بواسطة ديمــــا ; 28-09-2005 الساعة - 02:52 AM. |
|||
|
|
|
|
27-09-2005, - 01:13 PM
|
#4 |
|
جَاَرِحْ مُبْــــَدِعْ
|
مشاركة: !!..راعيــــة الفزعـــات..!!
السلام عليكم ورحمة الله وبركاته
هلا اخويتي ديماااااااااااااااااااااااااااااا سالفتج سالفه ويبلها خط الشرقيه هههههههههههههههههههههههههههههههههههه<<<<<< الاخ صاحب خطوط وابي اقراه وانا مروق علي الاخر وعنده حب وبريق شاهي<<<<<<<<<<<<< هو انت طالع معاهم ههههههههههههههههههههههههههههههه ودمتم التعديل الأخير تم بواسطة رايق ; 27-09-2005 الساعة - 01:18 PM. |
|
|
|
|
27-09-2005, - 01:17 PM
|
#5 |
|
جـارح كـــله عـــطاء
|
مشاركة: !!..راعيــــة الفزعـــات..!!
يعطيكي الف عافيه اختي ديما
لا تحرمينا جديدك تحياتي يا غاليه |
|
|
|
|
27-09-2005, - 02:50 PM
|
#6 |
|
شمعة ودمعة وعاشقة المنتدى بإمتياز 
|
مشاركة: !!..راعيــــة الفزعـــات..!!
مرحبا ديما
الا ماقلتيلنا موقف البنات يوم شافن الفيديو اللي مصورتهن يعطيك العافيه تحياتي |
|
|
|
|
| مواقع النشر (المفضلة) |
«
الموضوع السابق
|
الموضوع التالي
»
| أدوات الموضوع | إبحث في الموضوع |
|
|
الساعة الآن - 08:22 PM.
|
|