|
|||||||
| مجلس الفرفشه والترفيه نكت فرفشة ضحك مقالب |
دردشة الجوارح مركز تحميل الجوارح عالم حواء تصفح بدون نوافذ مزعجة
 |
|
|
أدوات الموضوع | إبحث في الموضوع |
|
#1
08-10-2005, - 07:54 PM
|
||||
|
||||
رمضان كريم ..
السلام عليكم .. وكولو رمضان وانتم شعبان وانتم بخير .. ايه تراني الحين اكتب لكم وانا اكل سمبوسه:D واشرب فيمتو شربيت @18 احسن حاجه في رمضان ان الناس سهرانين وانواع الفله ليلة يعني حتى الشايب اللي ينام بدري تلقاه زاحف ويتابع طاش ماطاش والمسلسات المصريه اخر الليل يوم الاثنين طلعت من البيت على صلاة العشا بروح لواحد من العيال عازمني بمكان ما جيته وقالي اقلط القهوه قلت تلايط ولايكثر ارواح (ارواح يعني هيا نذهب)) ندوج بالشوارع قال اسمح لي انا بروح لعمي عنده عشى قلت اذلف اجل وادف السياره بوااااااااااحد ((هذا دليل عى ان سيارتي قير ماهيب تماتيك)) ورحت ادوج بشوارع الرياض ومادريت الا الجوال يدق :: عذبتني باسباب فرقااااااااااااك ((هذي النغمه طبعا)) الو واحد من العيال: يلله حي فلان انا : الله يبقيك هاه رمضان..؟((دارن انه مادق الا بيقولي رمضان كريم)) الجوال: ايه رمضان كررريم ((واقول في نفسي الله يسد نفسك انت وخشمك الملتوي تقول جسر الخليج)) مدري وش صابني مرتن اضحك واقول ياسلام ومرتن اقول رمضان الله يعيينا ...بس يلله رمضان كريم... #29 قلت ياولد اجل خلني اروح لـهايبر بنده اللي على طريق التخصصي اشوف اغراض رمضان..((لأن الشايب موصيني يقول تكفى ياولد ان تسانه رمضان رح جب الشربيت لأخوانك ومقاضي رمضان ,, ولاتنسى الشعيريه((الشايب فاكن مع هالشعيريه ههههههههه)) واول مادخلت الا الناس والشعب السعودي مدري وش صاير فيهم.. ياخي الواحد جايك يمشي مليوون بالسله :mad: ذيك ولايناظر قعدت على كرتون زيت مدري وشهوو وقعد اطالع في هالعالم ... هذا سوداني يقول لزوجته ..دايره شنو.. دايره شوربة كويكر وزيت هلا .. ... وهذا زوج يقول لزوجته((الضاهر توهم متزوجين لانه ماسك يدها ومابقى الا شوي ويضمها ضمه الجني ايولله ))<<ياحضهم ... يقولها : نوال تعرفين تطبخين مكرونه قالت لا اعرف للشوربه بس المكرونه ماعرف:chef: قال طيب مانبي مكرونه برمضان ذا رمضان كريم  قالت كريم كريم قالت له خلنا ناخذ نبي ناخذ لحم مثلج .. قال لها : لا نبي كل حاجه طازجه ورمضان مثل مانتي خابره كريم..:biggrin23 ..... فيه وحده هناك شايله جوالها بيدها ولابسه مخصر وعليها عيون الله لايوريكم تحسون انها صايمه قبل الوقت ههههههههههه تناظر يمين وايسار طالعتني وصديت عنها مدري ليش..؟ مشيت بالعربيه واثاريها تمشي معاي بس ورى الصف اللي انا فيه ولفيت يمين وهي لفت يمي كلنا تواجنا في ممر واثاريني ضربتها بالعربه قلت معليش :: قالت رمضان كريم وقعدت تضحك قلت : كريم كريم:biggrin23 ... فيه مصري هنااك عند الخظار والفواكه هو وزوجته وولدهم اسمه محمد.. محمد شايله ابوه وحاطه فوق التفاح ومحمد الله لايوريكم ياكل من ذي ويحذفها وياخذ التفاحه الثانيه وياكل نصها ويرميها ,, ويطمر ((انت يامحمد المصري الصغيروون)) لقسم الموز وياكل وينطل قشر الموز على الارض بينما الزوجان المصريان يتحادثون ويتضاربون . ابو محمد يقول نبي كيلو تفاح ونص كيلو برتقال وربع موز والزوجه تقول لا نبي كيلوين من كل صنف وهذا صياحهم في بنده كله محمد ولدهم الصغيرون ياكل من الموز وينطل القشره على الارض جاك عثمان السوادني الشغال في شركة اي أأأي أأأي لمبيدات الحشرات ومر من عندهم واثاريه وطى على قشرة الموز اللي نطلها محمد ويجيك الزول على وجهه ااااااااااااااااااااي شنو هذا .. دايرون تكتلون الناس ي(يتكلم على المصري) ايه ده ياعمنا غور من وشي <<<ابو محمد عصب على الزول المهم وتقوم الطلايب واجيهم واحاول افرق بينهم ويجي الزول و يصكني بكف يحسبني ابو محمد واطالعه بحقد الاويطالعني قال رمضان كريم قلت كريم كريم:biggrin23 اثاري اخو المصريه اسمه كريم.. قالت المصريه هو مالو كريم.. الله حتى بالسعوديه مسبتوش بحالو قلت الله يهديتس انا اقصد رمضان.. قالت اااااااااااه منك يارمضان كل مشكله من تحت راسك يارمضان((اثاري رمضان رجل صعيد مدهور اخو هالمصريه ههههههههههه )) ابتلشت بالمصريه وقلت الله ياخذ نص وجهك وطلعت من عندها ادف العربيه معصب:argue2: واطلع من عندهم باحثا عن السمبوسه ولقمة القاضيp44.. وهاتك شيل وحط .. خط بط بالسله .. الناس تاخذ على وحده وعلى ثنتين وانا بالكم والكيف ... قائمة الطلبات اللي معي تقول قائمة طلبات لمطعم بالحرس الوطني .. المهم صارت السله او ا لعربه فل مليانه خلاص يلله ادفها . وصار صعب اغير اتجاها واجيك مسرع بروح لقسم الجلي وقسم الطحين وصراحه كنت مسرع واضرب البنت اللي قبل شوي مرتن ثانيه .. قالت يوووه وبعدين معك .. هات الرقم واخلص انا ولد ابوي ((اعتزيت وشمّرت عن ثوبي)) وقلت اثاريك مغازليه يالمروحه .قالت لبى قلبك قلت اعقبي ((مسوي يكرش الولد)) قالت علينا ياكساب مسوي عاقل .. نسينا البنات اللي تكلمهم قبل رمضاني الله يالدنيا نسيت توقيعك اللي راز خشتك فيه .. ((اخو العيال ابك هذي وشهني)) قعدت اهاديها لاتفضحني قالت .. انا شايفه صورتك بتوقيع لك بالمنتدى الفلاني ,, <<طلعت وحده من بنات المنتدى قلت رمضان كريم ..قالت كريم كريم اجل سقها ((عيون معفطه)).. ادري انها تقصد العربيه المهما مثل ماقالت سقتها,,p49 .... العالم ليلة رمضان تقول منهبلين .. الاشاره مافيه احد تلقاه واقف ينتظر الضوء الاخظر ,, المواقف مافيه امل تلقى لك موقف حتى لو عند محطة النجمه بالخلا الخالي,, الزحمه قايمه بالرياض.. الشوارع مغقله اعلانات شعار""رمضان كريم"" في كل مكان حتى صارت على الكباري والدوارات الصرافات الاليه صارت مثل بنك دبي يوم ربعنا راحوا يكتتبون هناك((فضحونا الله يفضحهم شيبان بنك البلاد هههههههه))..والدنيا مقلووبه والحين بعد مضي كم يوم من الصيام: دوامي الساعه سبعه الله يعاقبنا .. اطلع من البيت هدوووء وشوارع نضيفه وهادئه بعد ماكنت اطلع من البيت واصدم في باص الجامعه ويصدمني طالب يبي يلحق على الحصه الصباحيه .. النهار كله هــــــــــــــــدووووووء .. تجيك الرجه والهبال من بعد صلاةالتراويح ,, عيال الحاره يتهاوشوون على من يحب الثاني اكثر قصدي على كورة الطايره من بيرسل اول انا : كعادتي كل يوم متسدح بشوارع هالعليا مرتن بمقهى ومرتن بسوق ومرتن عند الأبل اللي شراها الشايب الله يهديه بمبلغ خيالي,, مايتستفاد من الخرابيط اللي فوووق: ليش كل الناس تشري سمبوسه ولقمة القاضي برمضان.؟ ليش مو كل الأوقات نأكل سمبوسه ؟؟ (هذا مايستفاد والا اسئلة وزاره )... مع رمضان مافيش تخفيف وزن.. دب في الاكل وعط الباب اذا تهاوشت انت وواحد ولعن ابو خيرك فقل رمضان كريم وامش ,, وطول بالك نصيحه لاتسحرون على فطاير تراها تجيب الضما عليكم بالكبسه والزر االبخاري هههههههه تحياتي لكم عرب واجانب التعديل الأخير تم بواسطة كسّاب الجمايل ; 08-10-2005 الساعة - 08:09 PM. 
|
|
08-10-2005, - 11:08 PM
|
#2 | |
|
جـارح جديد
 
|
مشاركة: رمضان كريم ..
اقتباس:
يسلمو عالموضوعو لا تحرمنا جديدك>>>مسويه رسميات طحياطييييي |
|
|
|
|
09-10-2005, - 04:02 PM
|
#3 |
|
رائعه من روائع الجوارح
|
مشاركة: رمضان كريم ..
انا قريت اول سطرين ووجعتني عيوني ههههههههه
باللهي دحين دا خط ينكتب فيه هههههههههههههه غير الخط وي مش باااااين |
|
|
|
|
09-10-2005, - 04:05 PM
|
#4 |
|
رائعه من روائع الجوارح
|
مشاركة: رمضان كريم ..
اوووه سوري كساب الجمايل
ظلمتك اتاري المنتدى كلو الخطوط مش طالعه واضحه فيه اكيد فيه مشكله |
|
|
|
|
09-10-2005, - 10:04 PM
|
#5 |
|
جَاَرِحْ قَوِيِ جِدَاً
|
مشاركة: رمضان كريم ..
سعوديه ,,,
ياعمري يالرسميات :d جداويه .. مالوومك صايمه وملخبطه ههههههههههههههههههه تحياتي لكم ((ميت ضحك)) |
|
|
|
|
10-10-2005, - 04:00 AM
|
#6 |
|
جَاَرِحْ مُمَــَـَيَزْ
|
مشاركة: رمضان كريم ..
كلامك مو شيء عيال وبزارين
اهل العقل في راحه هههههههههههههههههههههههههه |
|
|
|
|
| مواقع النشر (المفضلة) |
«
الموضوع السابق
|
الموضوع التالي
»
| أدوات الموضوع | إبحث في الموضوع |
|
|
المواضيع المتشابهه للموضوع: رمضان كريم ..
|
||||
| الموضوع | كاتب الموضوع | المنتدى | مشاركات | آخر مشاركة |
| سويت هارت كريم للتبييض | خدمة RSS | جديد المواقع-المواضيع النسائية | 0 | 01-11-2008 - 02:02 AM |
| كريم ماجيك للتبييض | خدمة RSS | جديد المواقع-المواضيع النسائية | 0 | 01-11-2008 - 02:02 AM |
| سويت هارت كريم للتبييض | خدمة RSS | مجلس المواضيع المكرره والمخالفة | 0 | 01-11-2008 - 02:02 AM |
| كريم ماجيك للتبييض | خدمة RSS | مجلس المواضيع المكرره والمخالفة | 0 | 01-11-2008 - 02:02 AM |
الساعة الآن - 08:29 PM.
|
|