هااااااااي شباب وصبايا كيفكم ان شاء الله بخير هذي أول مشاركه لي ولا تفشلوني الله الله بالرد واللي مايرد مهب لازم (امززززززح لاتزعلون )
الزبــــــــــــــــــــــــــده
هذي ياطويلين العمر وحدة قبل مية سنه او اكثر اسمها ( إدغه )هذي كانت غبيه شوي وبمعنى اصح خبله ومتزوج شيخ معروف في قبيلته بالكرم والشجاعه واللسان الزين وهي عسى الله يعوضها لالسان ولاجمال الحمدلله والشكر
اهم شي تعرفون رجال منول اهم شي بالمره غير الجمال والاصل اللسان الحلو وهي الله يستر عليها ماعندها هذا الشي
فقرر انه يتزوج وحده تعوضه وفعلا تزوج وحده كانت مشهورة بالاصل الطيب والجمال بس مالها حظ وكان هو يحبها وزي مايقولون طار معها وهذي الثانيه تبي الرجال لها لحالها فقررت تبدأ تطفش إدغه طبعا إادغه لاتعرف الغيره ولايحزنون التشويق بالقصه يبدا من هنا
مره من المرات الزوجه الثانيه تدور على حصى عشان تذري النار حتى مايطفيها الهواء وراحت عند حصاة بس يوم رفعتها لقت تحتها أفعى (حيه )اللي يجي انتم ولهجتكم وراحت واخذت حصى ثاني جت ادغه وسالتها من وين جبتي الحصى قالتلها تحت ذيك الحصاة طبعا هي تقصد الي تحتها الافعى عشان اذا رفعتها ادغه تقرصها الحيه وتموت ويبقالها زوجها بلحالها
راحت ادغه ورفعتها توقعوا وش لقت تحتها ماتتوقعون







لقت تحتها ذهب راحت واخذته لها طبعا ذيك انصدمت من اللي شافتها وقالت لازم انتقم منها مره ثانيه طبعا كل وحده منهن لها بعير عشان تركبه
وفي مره من المرات جت ادغه ولقت ضرتها تاكل لحم فقالتلها من وين لك قالت ذبحت ذلولي واكلت لحمه وراحت الخبله وذبحت ذلوله واكلته
طبعا ذيك ناويه نيه خبيثه عشان هم بيرحلون وتقعد لحالها وفعلا هذا اللي صار وقعدت لحالها وراحو وتركوها بدون لابعير تركبه ولا اكل وهي عادي ماتدري وش السالفه طبعا هذيك نفذت بجلدها زي مايقولون
المهم راحت ادغه تلعب بالطين ترسم وتغني لحالها لا انيس ولا ونيس وكانت تغني وتقول (خواالي جوكم منا وعماني جوكم منا)
وهي يوم كانت تغني كانت على راس جبل وتحتها قبيله جايه بينزلون عندها وطبعا تعرفون الناس منول كل شوي بمكان اهم شي كانو محملين بالاكل والفلوس والذهب يوم سمعوها تغني ةتقول كذا هجوا يحسبونهم ناس بيغزونهم وخلو اغراضهم وخيلهم وجت هي يوم شافت الناس هجوا ونزلت من الجبل واخذت الخيل والفلوس والذهب ولحقت عشيرتها وزوجها ويوم شافوها مقبله يصدقون مايصدقون لانهم توقعوها ميته ويا فرحه ماتمت
قال زوجها ياناس خلوها بس مابي منها شي هذي العرب اللي معها مايضيعلهم حق لاتسرق غنمهم ولا فلوسهم لان حظها يحدى عنهم
وطبعا مرته ااثانيه ماعجبها الوضع وقالت هذا شي ماينسكت عليه وفي يوم من الايام جت ولقت ادغه ولقت عند ضرتها ولدين عاااااااد اسمعوا سؤالها الغبي تقل ماهي غايشه معهم
منين لك هالولدين راحت هذيك تصطاد في الماء العكر وقالت كان عندي واحد وقطعته نصفين وحطيتهم على الذلول وناديتهم وطلعوا اثنين راحت الغبيه وقطعت ولدها لنصفين زي ماقالتلها وحطتهم على الذلول وفعلا نادتهم وتوقعوا وش طلعلها


فعلا ولدين ومن ذاك اليوم وهي تسمى ((( إدغه المنفدغه ))
معناته ام الحظ الكبير
ويمكن ماتصدقون لاكن انا تاكدت من كذا مصدر والقصه حقيقيه
واتوقع ان اصل الناس اللي يعندهم حظ يرجع الى هذه المرأه وانا اتوقع بعد ان سبب حظها نيتها الطيبه


وسلامتكم واعذروني على اللهجه لانها برواية جدتي



أختكم النجلاء

ياجماعة الخير
الرد ببلاش اجل لو بفلوس وش تسوون كل واحد يكتب الموضوع لنفسه

كلمه ولو جبر خاطر

النجلاء

السلام عليكم


اختي

النجلااااء


يسلمووووووووووووووووووووو

على القصة

والله يخلي جدتك لك

مشكووووووووووووورة


ولكن لي وجهة نظر ....


القصة تسمى قصة خيالية

حيث نجد ان اجدادنا يرون لنا القصص على نيتهم

يعني يرونها لنا حسب ادراكهم

والكل منا سمع عن قصص من اجدادة تحتوي على نفس المضمون

ولنا يبقى للادراك العقلي جانب في التصديق

-----


حيث نجد الاجداد لو سالتهم من اين ياتي ( العبيد )

.............. عذرا على كلمة عبيد .......


لقالة لك من البحر

وذلك صحيح

لان العبيد هم الرجال الذين ياتون الى الجزيرة العربية من افريقيا

وكما نعلم ان البحر الاحمر يفصل بين قارة افريقيا والجزيرة العربية

وادراك الاجداد لا يتعدى محور بيئتهم

ولذلك كانو لا يعرفون ان خلف البحر مناطق اخرى


......... واكرر اعتذاري على نطق كلمة ( عبيد ) ........


وارجو المعذرة على هذه المداخلة


ولا تحرميننا من مشاركاتك


ودمتم بخير

.

مشكور أخوي مبسوط على مرورك
وانا أتوقع انها قصه خياليه بس فيها جوانب يمكن نستفيد منها