انا ماعاشر الخاين

خسيتي لعنبو جدك خسيتي والغلط ينعاب=خسيتي واقلبي وجهك ولاكلمه ولا اجابه
خسيتي واللزمي حدك تراها ضاعت الأداب=أنا لاطاشت جنوني يعرف الجاهل أدابه
وش المغزا من الكلمه بلا داعي بلا اسباب=وهرج الكذب والتجريح قوليلي وش أسبابه
أنا الشرهه علي اني فتحت لخافقي كم باب=ولكن مثل ماجيتي ترا كبر الجمل بابه
خذي نفسك معك برا ثم انقلعي بدون أياب=فمان الله والأ اقول فمان بليس واصحابه
تحسبيني علي فرقاك ابندم واغرق الأهداب=انا مبسوط يوم اني طرت الشوم وغرابه
انا ماعاشر الخاين ولا اسمع هرجه الكذاب=ومثلك قيمته عندي تحت الزير وحسابه
هذاك الي تحبينه حقير وخكري ولعاب=عاجبك ان قذلته شقرا ويميل بالشعر كابه
صحيح انه حقير وزين و شكله للنساء جذاب=تشبه بختى فلانه ومنها الدم متشابه
وانا مانيب حرف الجر تجرينه علي الأعراب=انا حرفن جزم نفسه ومثلي يصعب اعرابه
تشوم النفس عن زينك عقب ماطاح فيها ذباب=انا حرن ولد حر تركت الزين وذبابه
انا يابنت من ربعن لهم فوق الفخر محراب=انا من برقا ياخبله وربعي الهيله عتابه
انا شيخن ولد شيخ بذكره تنعم الانساب=اليا قام العرب كلن يراجع دفتر انسابه
ولد شيخن وسط ربعه له بين الرجال حساب=اليا ضاقت به الارياء يهز الأرض مشعابه
محنكني علي الطيبه من يومي صغير وشاب=اجل وش رايك بطفل(ن) دلال القهواه العابه
ترى بدري علي مثلك تعيب وساسها معياب=ياليت الي يعيبني يحاول يستر ثيابه
انا لاجتني الزله من الجاهل وهو كذاب=تركت القافله تمشي وراها تنبح كلابه
وانا ليا من كشفت ان الخوي اصبح لسانه داب=نزعت السم من عرقه وكسرت بمخلبي نابه
خلاص اليوم ياساره كرهتك والقلوب غرااب=وترى كل طيرن بكبد السما يشبع بمخلابه
خساره مثلك بقلبي تضمه غرفة الاحباب=وخساره غلطه العاشق يحطك اول احبابه
بعد هذا تبين ارجع لأجل عينك نصير اصحاب=خسيتي واقلبي وجهك ولا كلمه ولا اجابه