السلام عليكم
يالليل ماذكـر فـي حياتـي تمنيـت
مثل ابتسامه تنتشل قلـب منصـاب
مليـت ورب البيـت يالليـل مليـت
من الجروح اللى تجيني بلا اسبـاب
تدري يالليل اني على الجرح غنيـت
غنيت دمعه والصدى ضم الاهـداب
تبي الحقيقـه والصراحـه ترجيـت
فرحه ولكن الزمـن بالعطـا خـاب
يالليل قلـي بدنيتـي ويـش سويـت
حتى الهموم بداخلـي تفتـح ابـواب
إن كان طيبي عيب ومشكلتي اوفيت
اموت صادق وارفض اعيش كـذاب
طبعي كذا عـن ميزتـي ماتخليـت
عندي مبادي دونها ترخص ارقـاب
بينـي وبينـك ياكـثـر ماتعنـيـت
اركض بغرفه مغلقـه مالهـا بـاب
غرفه وراها فرحتي دونهـا جيـت
اركانها عتمـه ولا حولـي احبـاب
كاس الفراق المـر منـه تقهويـت
انا اشهد إن الشوق يالليـل غـلاب
يالليل انـا لاشفـت ماعفـت قفيـت
اقفي ولو خلفي كثيرين الاصحـاب
الا جروحي كل مارحـت وقفيـت
جتني تحمل صدتـي لـوم وعتـاب
ماذكر ولـو مـره بحياتـي تهنيـت
اضحك كذا والصدق عن شفتي غاب
صارت دموعي ضيف وعيوني البيت
ودايم تشوف من المناديـل ترحـاب
اشرب من الدخان لاجيـت باكيـت
احرق زقاير والسهر يحرق اعصاب
لاشفت شمس الصبح ليديـك حنيـت
في داخلك حبر القلـم بالشقـى ذاب
اسريك بالحالي واذا رحـت ونيـت
مابي تروح ودمعتي بيـن الاهـداب
أكتب شعوري في ظلامك على ايت
ونورك ختم قصة عذابي علـى اب
يالليـل قـل لصبـح انـي تمنيـت
بس ابتسامه تنتشـل قلـب منصـاب
تحياتي
فهدالعجمي
27-12-2005, - 02:51 PM 
((إن كان طيبي عيب ومشكلتي اوفيت %اموت صادق وارفض اعيش كذاب)) 
