ردك الله ولا اطلب تردين *** ادعي عليك بعثرة فـي صلاتـي
عثره تشلك ما بعدها تقوميـن *** يا قاتلتني يوم صرتي حياتــي
خدان لك بالقلب كانت بساتين *** وريضان وغصونا بهايا نعاتـي
كنتي مناة القلب والروح والعين*** واليوم عينك يعلها ما تباتـــي
كنت أحسبك للعهد والحب توفين *** قلتي الغدر بالحب ماهي بسواتي
وحلفتي يمين الله ما منك اثنتين *** وانك ملاك دون كل البناتـــي
وانك على عهد المودة تسيرين *** ولا تسمعين أهل الحسد والوشاتي
وصار اليمين ستار خلفه توارين *** ورماح غدرك بالخفا مشرعاتـي
وبان الغدر سم جرى بالشرايين *** الله عسى يسقيك سم الفعاتـــي
كلي سقيتك حب واليوم تنسيـن *** تقولين حلم ايام واليوم فاتـــي
خذتي الهوى لعبه على ما تحبين *** لين عصفت بالهوى عاصفاتـي
من زينك يا بنت بالشعر تزيين *** من صورك بابياته الطايلاتــي
انامن غرامي قلت كانك تذكرين *** قلت الخجل صاب البدرمن مناتي
وصرتي بشعري في العذاري تباهين *** تقولين اناشمس العصر في حلاتي
زينتك بشعري ولا غربك الزين *** ما زانتك صبقات حمر الشفاتــي
صورتك بالشعر حزام ورياحين *** واثرك هضاب وشوك ما به هداتي
رسمتك سحابه خير قطر تنفين *** فزت لك الصحراء زهور ونباتـي
رسمتك مهاه للجميله تقودين *** واثرك قطيعه وضيعتها الرعاتي
واثرك غراب يوم سدل الجناحين *** كنت احسب اني شايف لي قطاتي
بالشعر غليتك على كل غاليين *** واثرك دنيه وتعشقين الدناتــي
وبالشعر عاتبتك عتاب المحبين *** انا من يسوم الروح لك يا غناتي
( وسلامـــــــــــــتكم)
هذي قصتي مع حبيبتي.....
وارجو انا لااحــــــــــــــــد يفهمــــــــني غلط او يقـــــــول اني حقوووودي
لاني صرااااااااااحة تعـــــــــــذبت وقلبي بكى كل الطفل الصغيــــــــر
وهي في عاااااااااااالم ثااااااااااني وهذا ردي لهاااااااااااااااا........
~*¤ô§ô¤*~عـ الاح زان ـازف~*¤ô§ô¤*~
22-11-2002, - 11:41 PM
