الســـــــــــــلام عليكــم
هذي قصـه أعجبتنـــــــــي ونقلتها لكـم ..
كل يوم نتعلم من الدنيا دروس ...!؟
صحيح اذا قالوا فرصه في العمر والفرصه ماتجي الا مره واحده (غالبا) وصاحب هالقصه جته فرصه عن عشر فرص يعني فرصه ذهبية .......
هذا شاب سعودى على قد حاله امممممم تقدرون تقولون انه متوسط المعيشه ( اعزب , وعليه ديون غير هالمواصفات مااعرف )
ويشتغل في احد المستشفيات الموجوده بالرياض شغلته ( مراسل ) يعني راتبه بحدود الالف و ....500 مسكين مايكفيه وهذا حال الكثير هاليومين الله يكون بالعون ,
وفي ذاك اليوم وهو كان يمارس شغله كالعاده الا ويمر من عند انتظار النساء فشد انتباهه حرمه كبيره في السن وجالسه تنتظر وماكان معها احد يساعدها او مرافقه مثلا ,
يقول حسيت انها محتاجه لمساعده فقلت ليه مااساعدها واكسب فيها ثواب فجا وسالها ياخاله انتى عند أي دكتور حتى اوصلك له فقالتله فقام هالشاب الشهم ومسك يدها ووصلها وهي قامت تشكره وتدعيله وقبل لايتركها عند غرفة الدكتور الا وسالته ( وش اسمك ووش عائلتك ؟؟) فقالها انا فلان ولد فلان ,
المهم جا اليوم الثاني اول مابدى دوامه كان فترة الصباح الا وينادونه الرسبشين ويقولونله لك مكالمه من وحده طالبتك اهو استغرب قصده كل اللى يبوني يعرفون جوالى ؟؟؟
فأخذ السماعه وكلم يقول الا وصادفتنى بنت صوته نااااااااعم وهادىء والولد مو راعي بنات او عنده شيء من هالحركات يعني الولد جنتل الله يكثر من امثاله .........,
فقالتله انت فلان بن فلان قال ايه قالت بصراحه امى تشكرك عالموقف الانسانى والنبيل اللى سويته معها فقال لو سمحتى اختى انا مانى فاهم تتكلمين عن ايش
وامك مين طبعا الولد نسى ( لانه مو اول مره يساعد احد اهو بطبعه خدوم ويحب الخير ) فيوم حاول يتذكر سالها امك كبيره في السن قالت ايه وكان موعدها الساعه ..؟؟ وعند الدكتور ..؟؟ فعرفها ,
فقالت امي طبعا حبت تشكرك وتكافئك على اللي سويته لها فااهدتك هالهديه اللي نتمنى تعجبك ثم قالتله هذا معرض سيارات باسمهم " وطلعوا من كبارية بالرياض "
وعطته اسم المعرض والوصف و....الخ يقول اهو خلص هالمكالمه ومو مصدق هو بحلم ولا بعلم فبسرعه راح للمعرض وقالهم انا فلان بن فلان وعلى طول عرفوا ان هو نفسه المنتظرينه حتى يعطونه هالسياره
ولا وطلعت طلبيه بعد يعني مو أي سياره وفعلا جا اليوم الثاني وراح يستلمها وصارت سياره جخ فخمه يعني وهو شافها قال ابيعها احسنلي واسدد بها ديوني
كانت مرررررررره غاليه وبعد ماسدد ديونه وبقى منها مبلغ راح وتزوج وتيسرت لها اموره ,
من جد شيء عجيب يعني من مساعده بسيطه بس صار له كـــــــل هذااااا , صدق من قال ( اللي يعيش ياما بيشوف )
طبعا هالشاب كانت نيته سليمه وفعلا ( على نياتكم ترزقون ) ماكان يطمع ان ورا هالمساعده مقابل ومو اى مقابل فهذا المغزى من هالقصه
مو عاد بعد ماتقرونها تقررون تساعدون بس عشان تاخذون مقابل مثله هههههههه
فكروا قبل كل هذا بالاجـــــــــر والثـــــــواب ....,
جـــــــــــــود
02-03-2006, - 12:57 AM 
كل يوم نتعلم من الدنيا دروس !! 
مشاركة: كل يوم نتعلم من الدنيا دروس !! 
المواضيع المتشابهه للموضوع: كل يوم نتعلم من الدنيا دروس !! 
