[align=center][glow1=#990099]
سألني عن وصوف الحب ,,يبغى للهوى توصيف
وقال ارجوك ياعيونـي غرامـك اوصفـه ليّـه
وقلت الجهل من دونك وحبـك زادنـي تثقيـف
غرامك يجبـر الخافـق يـودع عهـد الاميّـة!
أنا لاجلك كسرت عناد قلـبٍ يعشـق التسويـف
وبانت لي أحاسيسٍ بقـت فـي القلـب مخفيّـة
أنا قبلك مااعرف الحب واحطه خارج التصنيـف
ولا قد مر في بالي أحـب اثنيـن فـي الميّـة!!
أنا برجوك لا تحسب غرامي لك سحابة صيـف
يمـر الوقـت وابقالـك حبيـبٍ صـادق النيّـة
أحبك ايه,, لاتسـأل,, وحبـي مايبـي تعريـف
هو المغرم بنظراتك يبـي إ ثبـات شخصيـة ؟؟
وهذا الحب من ربي يجي من غير ليـه وكيـف
يجي بين البشـر دام المشاعـر وسطهـم حيّـه
أبسيّر على افكارك ,,دخيلك واعتبرنـي ضيـف
وابسولف مع احساسك وامر فـي بالـك شويّـة
أببحر داخل عيونك ولو يصعب بهـا التجديـف
ولو ضاعت مجاديفـي قطعـت البحـر بيديّـه!!
حبيبي لا كتبت الشعـر لاجلـك زاده التشريـف
تجي فيك القصايـد دوم روعـة غيـر عاديّـة
ولو عملات هالدنيا يجي في بعضهـا التزييـف
أنا عملة غرامـي لـك تـرى عملـة حقيقيّـة
تجي وتـروح قدامـي بعيـنٍ حدهـا كالسيـف
وتاخـذ قلبـي بدربـك مـع المـرواح والجيّـة
وقالوا روعة العالم تجلّت في ضواحـي جنيـف
واقـول الزيـن ياعالـم سكـن بعيونهـا هيّـه
واذا ودك خذ الموجز,, وباعطيك أبلغ التوصيف
أنا شخـصٍ جفـا الدنيـا وهـام بنظـرة بنيّـة[/glow1][/align]
منقول
وصــــــــــــــــــوف الحــــــــــــــــب 
[/align]
المواضيع المتشابهه 
