[glow=#FF0000][align=center]شوقي[/align][/glow]



[POEM=font="Traditional Arabic,6,black,normal,normal" bkcolor="burlywood" bkimage="" border="double,7,red" type=1 line=0 align=center use=ex num="0,black"] شوقي تعدى المسافة و أيقظ الحارس
وأجتاز سورك ولامس كل عمدانه
خلي الستاير تحرك صمتها الجالس
خلي الشبابيك تعزف نغمة الدانة
خلي الزوايا تنفض بردها القارس
حتى سمعت الصدى ما بين جدرانه
جيتك وكلي وله والشوق بس رايس
جيت أرتوي منك يوم الروح ظميانة
يمك دعتني خفايا طرفك الناعس
اشتقت اسولف مع رمشه وحجانه
يا بنت ماني بمتعلم و لا دارس
في الحب جاهل ولا ادري ويش عنوانه
يا ما تمنيت أصير لحلمك الفارس
وأطب في معركة حبك وميدانه
على يدك صرت أعرف الحب وأقايس
حتى شربت الغرام وصرت سلطانه
وبديت أداعب قصيد من زمن بائـس
خليته يرتب أوزانه وقيفانه
من شان عينك وحشمة قدك المايس
أسرجت خيل القصيد وبيدي عنانه
يا شمس فكي طلاسم ليلي الدامس
خلي حياتي نهار تسحر ألوانه
خلي شتانا يقفي وجهه العابس
ويحل فصل الربيع وتزهر أغصانه
ربيع دايم من أكتوبر إلى مارس
ويفوح عطر الورود وروح ريحانه
وصوت العصافير حول الجدول ينافس
همسك وضحكك وتغريدك على ألحانه
حبـيبتي كيف ما يفرح بك الهاجس
وأنتي ملكتيه حتى بين أشجانه
الحين بس أنبسط وأصير مستانس
لاصرت ما كتب قصيد إلا على شانه[/POEM]



[align=center]الشاع ـر : ذياب بن سـ ع ـيد بن ذياب الـ ع ـمري[/align]