السلام عليكم وشلونك يابو حمد ..
من أنت ..
وش دعوا يابو حمد .. أنا ولد جيرانكم ساري..
إيه إيه .. وش عندك مارحت لم الدوام ..
الله ايطول ابعمرك يابو حمد .. حنا الحين قريب المغرب ..
هو أذن ..
لا يابو حمد باقي باقي على الأذان ساعه .. بعدين وشذا ما شاء الله أشوفك يابو حمد راجع شباب ما شوف العصا جنبك لا يكون طحت بالفياقرا ..
بسم الله علي من قالك أنى طحت هذا أنا قدامك ما فيني ألا العافية ..
علينا الحركات يابو حمد ..
أقول سولف زي الناس وإلا اقلب وجهك ..
لا لا يابو حمد ولا تزعل أنا والله ظايق صدري وشفتك جالس
قلت خلني اجلس مع أبو حمد وسمع سواليفه ..
تبي تسمع سواليفي يا وليدي .. يقول الرسول صلى الله عليه وسلم
من يعش منكم فسيرا اختلاف كثيرا ..
ونا عشت وشفت ,, اختلاف كثير .. هذا شهر رمضان المبارك
ماكنها سنه مرت .. وكثرت الحروب .. وتنافست الناس بالبنيان
حتى صارت ناطحات سحاب ..
يا وليدي يقول الله ( اقترب للناس حسابهم وهم في غفله معرضون )
يقول نبينا الرسول الأمين عليه افضل الصلاة وأتم التسليم
يتقارب الزمان ،، وينقص العمل ،، وتكثر الفتن ،، ويولقا الشح ويكثر الهرج
قالو : وما الهرج
قال : القتل القتل
يا وليدي ولا يعلم الغيب إلا الله .. والله اني كل يوم اقول باكر
تقوم الساعه ..
ياوليدي وش تنتظر .. يقول الرسول صلى الله عليه وسلم
بادروا بالأعمال سبعا هل تنتظرون إلا فقرا منسيا أو غنى مطغيا أو مرضا
مفسدا أو هرما مفندا أو موتا مجهزا أو الدجال
فشر غائب ينتظر أو الساعه والساعه ادهى وأمر ..
عارف ان عندك ياوليدي عقارات وسيارات وخير كثير
لاكن لو تدري ما عندي لشتريتها بكل ماعندك ..
يقول الله ( أمن هو قانت ءأناء اليل ساجدا وقآءما يحذر الأخره ويرجو رحمة ربه قل هل يستوي الذين يعلمون والذين لايعلمون إنما يتذكر أولوا الألباب )
اعلم إن اصحاب العقول هم الذين يتذكرون الأخره ويستعدون لها
انتبه ياوليدي ... وقم اذن المغرب
قد قلت ماقلت .. إن صواب فمن الله وإن خطاء فمن نفسي والشيطان
وأستغفر الله
25-11-2002, - 06:08 AM
السلام عليكم
