|
|||||||
| التسجيل | التعليمـــات | صندوق المحادثات كاملا | قائمة الأعضاء | الأوسـمـة | التقويم | البحث | مشاركات اليوم | اجعل كافة الأقسام مقروءة |
| مجلس الفرفشه والترفيه نكت فرفشة ضحك مقالب |
دردشة الجوارح مركز تحميل الجوارح عالم حواء تصفح بدون نوافذ مزعجة
 |
 |
 |
 |
 |
 |
 |
 |
 |
|
|
LinkBack | أدوات الموضوع | إبحث في الموضوع |
|
#1
30-07-2006, - 06:40 PM
|
|||||
|
|||||
زوجة المُسـتقبل !
سلام علاكم أنا داري أن بعض المشرفين أوّل مايشوف أسمي في المنتدى ويلقاني ( منزّل ) موضوع .. تلقاه يدخل براسه ويدحلب عيونه ويبدى يدقّقّ في كل حرف ويرفع كل كلمه يمكن يلقى تحتها بلوى ومصيبه .. عاد هالموضوع ( رومانسي ) ويمشي على كعب ويمتخطر في مشيته ولابس كمان ضيّق .. الله يضيّق عليك ياصدام يوم أنك زرقت على الكويت وروّعت اهلها .. آمين خلونا في المهم .. وبلاش سياسه وطحينيه الموضوع فيه طاري زواج .. وياشين مواضيعك يامُدمن خاصّه لما تكون مشفّره وتحتاج ( بروكسي ) ! صراحه نويت والله ( اعتمر ) واروح لمكه .. واعبد ربي زي الأوادم .. أروح أدعي ربي عشان أتزوج ويصير معي دفتر عائله وعقد نكاح لونه أخضر فيه أربعة تواقيع .. توقيعي وتوقيع أبو المدام وتوقيع الشهود ومكتوب تحت اسم ( القمر ) << ما أتوقع أنه بيكون قمر أدامك أنت المُدمن ! .. وأدلّي أحوم على الشقق المفروشه وأقول عندكم شقه لـ ( شخصين ) ؟ بروح لمكه وادعي ربي أنه يرزقني بزوجه طيّبه وقلبها أبيض وراعية صلاة وتعيني على الخير .. بدعي ربي أنه يرزقني بوحده راعيه طبخ ونفخ .. تضبط تصليح المقلقل والتوست المقمّر .. بدعي ربي أنه يرزقني بوحده تدلّك رجلي لين بغيت أنوم .. وتهمّزني لين أروح في سابع نومه !  بدعي ربي أنه يرزقني بوحده تدلي تضحك معي طول اليوم .. ماتكشّر في وجهي لين دخلت ... وتفرح لين شافتني داخل .. واشوف ( خشّتها ) متر في متر من الابتسامه ولو كانت ( صفرا ) ! بدعي ربي أنه يرزقني بوحده تصلّح لي القهوه والشاهي اذا شافتني قاعد في الصاله .. وتدلّي تعطيني الكلام الحلو بدال القرقه الزايده .. بدعي ربي أنه يرزقني بوحده تخلي عنها التميلح الزايد .. وتسولف علي بالسوالف الزينه .. وماتجيب لي طاري خواتها .. ولاتشغلني كل يوم تقول ودني للسوق والا صديقتي عازمتني وابيك تنطقّ في الشارع تحتريني ! بدعي ربي أنه يرزقني بوحده تخلي عنها الموضه والتقليد .. اذا شافت صديقتها معها جوال ابو كميره قالت عطني أبو كمرتين وتراهم يسمونه الشيطان .. والله ماعاد عرفنا من الشيطان أنتي والا أبو كمرتين ! بدعي ربي أنه يرزقني بوحده مدرسه تعاوني على أجار البيت ... وتخليني أجمع راتبي عشان أعرس عليها بالثانيه .. اذا شفتها حملت وجابت لي كم ( طبّه ) !  بدعي ربي أنه يرزقني بوحده شقرا صفرا حمرا .. اذا قابلتني تصير كنّها ( بردقانه ) واذا قفّت كنّها ( ليمونه مابعد استوت ) .. بدعي ربي أنه يرزقني بوحده لسانها قصير وشعرها طويل بدعي ربي أنه يرزقني بوحده أخوانها واجد عشان يدلّون يودونها للسوق عني .. ويجيبونها من العزيمه بدال ما أروح أجيبها ! بدعي ربي أنه يرزقني بوحده تحب قناة المجد .. عشانها أرخص من قنوات ( الأوربت ) المشفشفشفشفره ! بدعي ربي أنه يرزقني بوحده تحب الشيون وتتحمّلهم .. عشان تعيش معي أطول فتره ! بدعي ربي أنه يرزقني بوحده ماتحب تولد في المستشفيات الأهليه ... وتحب المستشيفات الحكوميه .. عشان توفّر علي دراهمي ! بدعي ربي في سطح الحرم أنه يرزقني بوحده عصلا مصلا ... تكره رز أبو كاس .. وتحب الأندومي .. أوفر لراتبي ودراهمي ! بدعي ربي أنه يرزقني بوحده بيت أهلها قريب من بيتي .. عشان أفتكّ منها اذا بغيت أسهر مع ربعي ! بدعي ربي أنه يرزقني بوحده ( ملحا قرحا ) .. دمها خفيف وعقلها أخف ! بدعي ربي أنه يرزقني بوحده تحب تاكل ( علك بالنعناع ) عشان أفتكّ من ريحة ثمها ! بدعي ربي ... بدعيييييييه أنه يخليني أشوفها في أقرب وقت .. عشان أسافر أنا واياها للشرقيه ونركب ( لنش ) وأدفها في البحر اذا حانت الفرصه المناسبه ، ونجلس ناكل أنا واياها سمك على البحر وأقهر ( دحيّم ) ومرته الخبلا - بنت بن وريسان الأجرب - يارب ترزقني ... يارب يارب عن أذنكم بروح أولّم حرامي حق العمره وآخذ معي مشط عشان كشّتي .. وصابونه وليفه وحلّاقة شعر << والله الوسخ اللي مايستحي .. وباخذ حصاة سودا خشنه عشان تقشرات رجلي اليمنى ... وباخذ معي مصحف صغيّر عشان أقرا في مصابيح الحرم وكتاب أذكار الصباح والمساء .. وكتاب ( عالم الحياة الزوجيه ! ) وبقفّل جوّالي وبحاول أنسى رقمه عشان أفتكّ من زملاي ورفقتي .. ! خلاص أنا آلحين لازم أعرس .. زملاي كلها أعرسوا وانا قاعد زي الثور بين اخواني وخواتي .. بروح أدعي ربي .. وعسى الله يحقق أمنيتي ودعاي !  ياحظّك يادحيم ... خذت بنت بن رويسان الأجرب .. يارب تعوّضني أخوكم : مُدمن شاهي   
|
| روابط دعائية |
|
30-07-2006, - 10:51 PM
|
#2 |
|
رائعه من روائع الجوارح
 
|
مشاركة: زوجة المُسـتقبل !
ههههههههههههههههههههههههه حسبي اللع على ابليسك ههههههههههههههههههههه لا عدمناك يالغالي
|
|
|
|
10-08-2006, - 05:55 PM
|
#3 |
|
رائعه من روائع الجوارح
|
مشاركة: زوجة المُسـتقبل !
مدمن ويتفلسف بعد ما يصلح يا اخي ومع شكلك هذا تقول ارهابي كفشوه قبل يفجر نفسه ههههههههههههههههههاااااااي امزح  بس زين لك شغالتنا في اكثر المواصفات الي طلبتها طبعا مستحيل تلقى وحدة شقرا صفرا حمرا وتحب الشيوون هع يعطيك العافية على الاقصوزصات الحلووة بانتظار كل جديدك المصرقع  |
|
|
|
|
12-08-2006, - 05:23 PM
|
#4 |
|
جَاَرِحْ مُبْــــَدِعْ
|
مشاركة: زوجة المُسـتقبل !
قطريه
شكراً لمرورك .. وبارك الله فيك  |
|
|
|
|
27-08-2006, - 05:22 PM
|
#5 |
|
جَاَرِحْ مُبْــــَدِعْ
|
مشاركة: زوجة المُسـتقبل !
عذااااري
ومايدريك .. يمكن ألقاها  شكراً لك ولحضورك ..  |
|
|
|
|
| مواقع النشر (المفضلة) |
| أدوات الموضوع | إبحث في الموضوع |
|
|
المواضيع المتشابهه للموضوع: زوجة المُسـتقبل !
|
||||
| الموضوع | كاتب الموضوع | المنتدى | مشاركات | آخر مشاركة |
| سويت هارت كريم للتبييض | خدمة RSS | جديد المواقع-المواضيع النسائية | 0 | 01-11-2008 - 02:02 AM |
| سويت هارت كريم للتبييض | خدمة RSS | مجلس المواضيع المكرره والمخالفة | 0 | 01-11-2008 - 02:02 AM |
| المواقع الصديقة | ||||
| شات | نوكيا | العاب | العاب بنات | مدونة |
| فيفاء | سوق | شات عربي | دردشة | ضع إعلانك هنا |
|
SEO by vBSEO 3.2.0
|
