[POEM=font="Andalus,5,black,bold,normal" bkcolor="transparent" bkimage="" border="double,4,seagreen" type=1 line=0 align=center use=ex num="0,black"] ياعشيري لو سألت وش بدالك =من جروحي الخافيه واللي تبين

ولو سألت وقلت وش اللي جرالك =وين كنتي وين ياجروح السنين

ياعذابي وياهنايا قولي مالك =أوضحي ، قولي ، وين الوصل وين؟

وقلت يمكن ، او لعل ، اوكذلك =أيامي تمضي ومالقيت الجيم سيــن

ما يفيد اللي يبي صافي وصالك =في حياته تظهرين وترحليـن

قلبي وروحي وأنا كلي حلالك =لو تبين ، لوتبيــن ، ولو تبيــن

امريني أن كنت أنا هو شف بالك =آمريني أن كنت دايـن او مديــن

خوفـي أني طــارد ٍ وضاح للآلك =خوفي أنك في كلامك ترجعيــن

مانويـت الغدر وقلبي مانوالك =غيـر ود ووصل وخفاق ٍ حـزيـن

هبت هبوب النود من رايح شمالك= والعبت باغصان قلب ٍ لك أميــن

ياربيع العمر من فايض خيالك =كنا نحكي عن هموم وعن آنين

كنا نحكي ماضى لي وما مضى لك =كنا نحكي عن جــروح ٍ تستكيــن

لاجيـه وسط الحشاء وحالي وحــالك =ترسمـه هاك القوافي والضميــن

ذا جواب ٍ كاتبه رد للســؤالك =واشهد إنـك بالمعاني تعرفيــن

ولو بعدتي وأبتعدتي عن مجـالك =تكفين دمع العين له لاتذرفيـــن

وسدي ها لـله ، الله ، والوفاء لك =ياهيــهه لاتجــرحيــن ، لا تجرحيـــن

واختام قولي الكل منا هالك ٍ والله هالك =ويبقى وجه الباري رب العـالميـن

ياإلهــي ، ربي اللي جـل جــلالك =سبحان رب ٍ نستعينه ، يامعيـــن ٍ يامعين


مبــارك آل حنيــــش [/POEM]