استغفر الله نحنا في رمضان

السلام عليكم
--------------------------------
من اول ما رمضان بدا وانا دايما بسمع كلمة استغفر الله العظيم... احنا فى رمضان

يعنى مثلا لما تلاقى بنتين بيتكلموا على واحدة مش موجودة معاهم وبعد كده

يقولوا :استغفر الله العظيم...احنا فى رمضان

ولا لما تلاقى عربية معدية من امامك و الكاسيت شغال على العالى وواحد

معدى من جمبه يقول:استغفر الله العظيم ...احنا فى رمضان
ولو مشيت شوية ورحت تصلى فى المسجد وشوفت لبس البنات اللى المفروض

رايحين يصلوا فبرضه هتسمع :استغفر الله العظيم ...احنا فى رمضان
وياسلام بقى لوعديت على كافيه نت هتلاقى ما شاء الله مافي ولا واحد قاعد

لكن بعد الفطور مش هتلاقى الباب نفسه من الزحمة ولو سالت قبل الفطار كان

فاضى ليه يقولك:استغفر الله العظيم ...احنا فى رمضان
ولو انت بقى قاعد فى مواصلة وما شاء الله الورع نازل عليك وبتقرا فى القران

اللى الماكنت بتجى ناحيته وفجاءة موبايلك يرن نغمة (يا طبطب وادلع للاخت

نانسى) والناس يعاينوا ليك بقرف وتقولل ليك :
استغفر الله العظيم...احنا فى رمضان
وتعال بقى اتفرج على المساجد ما شاء الله هتلاقيها مليانة على الاخرو اول ما

المؤذن يرفع الاذان تلاقى كله قام عشان يصلى السنة ولو ما قمت يقولول ليك
استغفر الله العظيم ...احنا فى رمضان
اخدتوا بالكم ان الكملة دى بتكرر كتيرخالص من اول ما بدا رمضان
وكأن المفروض اننا نعمل كل حاجة كويسة فى رمضان وباقى الشهور لآ
او اننا بنتحاسب بس فى رمضان وباقى الشهور لآ
وكأنني بنحترم قوانيين رمضان بس قوانيين ديننا طول العمر لا.
انا مع بداية رمضان بدخل فى حلم جميل بتبقى كل حاجة جميلة ومثالية وبحس

كانى فى المدينة الفاضلة اللى كان بيحلم بيها افلاطون ولكن بصحى على

كابوس مفزع فى وقفة العيد لمن تشوف زحمة الكوافيرات والشعور اللى بتطير

ولا ولما تتفرج على الالوان اللى فى الشعر وعلى الوش كمان ولازم طبعا يبقى

على الملابس المكشوف فيها اكتر من المتغطى ويقولوا ليك نحن فى العيد والعيد

فرحة وتتحول استاغفر الله إلى لا حول ولا قوة الا بالله
ياريت تبقى كل السنة رمضان عشان دايما نفضل عايشين فى حلم المدينةالفاضلة

بكل جمالها وياريت دايما نقول :
استغفر الله العظيم ...احنا فى رمضان
منقول بتصرف