بسم الله الرحمن الرحيم000
السلام عليكم ورحمة الله وبركاته000
......(( صــمــت الــشــفــايــف ))......
يا عين قولي وش سبب صمت الشفايف
وش سبايب صمتها يا عين قولي وش سببها
وش بلاها ما تخاطب سيدي زين الوصايف
الله أكبر كن ربي روعة المنطق سلبها
غصب عنها يا خفوقي ليتك اللي كنت شايف
شي شفته يا خفوقي سبب لعيني طربها
لا مشت في مشيها مشية غزال ٍ حيل خايف
وإن وقفت قمت تحوفها وتبين لك جنبها
تشوف برمة ساقها وتبهرك رتعات الردايف
ورمانتينه بالصدر يا بخت رجال ٍ كسبها
والخشم سيف وسلته سلة رواديد الخطايف
من جماعه صيتهم جاب الثمينات وصعبها
والليل ذاب بليل شعر ٍ مرتكي فوق الكتايف
والعيون الله دخيلك داعجه كحلا هدبها
والمصيبه طرف ساقه لأنكشف والكل شايف
ينور الأفلاك والعتمه من الدنيا سحبها
ودي أهديها هديه ما بها زد الكلايف
ودي أهديها ولو ماجت تسعى في طلبها
ودي أهديها خفوق ٍ ذاب من بين النحايف
وفدوته روحي ومن حولي ومنهو من عربها
&& الـــ(ســلــحــوف)ــســريــع &&
----------------------------------------------
ت-ح-ي-ا-ت-ي
10-05-2007, - 01:26 AM 
...(( صــمــت الــشــفــايــف ))... 
