القصيدة بخطي عام 1999 او 2000



صاحبي

صاحبي محتاج لك شعر وشعور .. وحتياجي شي ما كان أختياري
من متى والغصن يختار الطيور .. من متى والبال يختار الطواري
لا تسمي صمتي البارح غرور .. إنكساري خلف هالصمت امتواري
في غياب الشمس وش ذنب الزهور .. والمطر لا شح وش ذنب الصحاري
لو قريت المنكتب بين السطور .. ماكتبت لغلطة العمر أعتذاري

للشاعر/ متعب التركي

تخطي علي ... واستسمحك ... وترجاك

ضعفي هـواك ... وفطنتك ماتخونـك

المشكـل إني كل ... ما جيت ابنسـاك

فكرت نفسـي كيف ... ترتاح دونـك

وما ظن لا هـذا ... ولاذا ... ولاذاك

واللي سمعت بذكـره ... يعوضونـك

تدري إني أعشق فيك شامل سجايـاك

زينك وشينـك ... في قساك وليونـك

وإنـي متيـم فـي محاسـن محيـاك

وتعرف على وشلون ... سلطة عيونك

تامر على من موقها الموت ... هـذاك

وأطاوع أمره قبل ترمش ... حفونـك

رديت قلبـي عنك لاشك ... هو جـاك

وجيتـك معه راضي بمقبـل طعونـك

ارجع واقول أهواك ... وأهواك وأهواك

وبكفيـك اتعـذب ... ولكـن بهونـك

فيلسوف الشعر / سعود بن بندر (( رحمه الله ))

السلام عليكم ورحمة الله وبركاتــه ..


قصيــدة للشـــاعــر الأميـــر: دايــ خــالــد ــم الســ الفيـصـــل ــــيف






ياوش بقى باعطيك منّـي ولاجـاك
ما بقى إلا ّروحي أحيـا بهـا لـك

أوصف جمالك كل ما انشدت وهواك
وازيـن أيّامـي بجلسـه خيـالـك

يا الغايب الحاضر بقلبي ولا القـاك
اقرب من عروقي وصعبٍ منالـك

شالك زماني عـن عيونـي ووداك
لاشك وثّق فـي ضلوعـي حبالـك

يا حاجبٍ شمسي ورا ليـل جفـواك
ما بالعهد بك قاسـي ٍ فـي دلالـك

وش غيرّك يا منوة القلب واطغـاك
علـى حبيـبٍ مـا تخيّـر بدالـك

دنياي ما تصلح بلا شمـس دنيـاك
والليل يوحش لـو تغيّـب هلالـك

ماينقطع ظما الهوى إلا ّ على مـاك
ولا يهـوّن حــرّه إلا ّ ظـلالـك

ولا تشـوف العيـن زيـن ٍ بليـاك
ولا يطـرّب سمعـي إلا ّ مجالـك

ولا انتفـض قلبـي مـن لــولاك
ولولاك ما يبدي علـي مـا بدالـك


و ســلامتــكم


تحياتي
فهدالعجمي